ەلىمىز جۇمىستانۋدى ورنىقتىراتىن ءتيىمدى شارالاردى اتقاردى
0
2019-04-30 16:46:00
|
كەلۋقاينارى:
|
جاۋاپتى رەداكتور :

 

    شينحۋا اگەنتتىگىنىڭ تىلشىلەرى يە حاۋميڭ، ۋاڭ ياڭنىڭ 4- ايدىڭ 24- كۇنى بەيجيڭنەن بەرگەن حابارى: كاسىپتەنۋ جالپى تۇلعالىق جاقتان ورنىقتى بولعانىمەن، ٴبىراق قازىر جۇمىستانۋ قىسىمى ٴالى دە ساقتالىپ وتىر. بيىل كاسىپتەنۋدىڭ «توستاعانىن» قالاي ورنىقتىرۋعا بولادى؟

 

ەڭ جاڭا ساندى مالىمەتتە كورسەتىلۋىنشە، بيىل ٴبىرىنشى توقساندا بۇكىل ەل بويىنشا قالا – قالاشىقتاردا تەكسەرىلگەن جۇمىسسىزدىق مولشەرى %5.5 ىشىندە تىزگىندەلىپ، مەجەلى نىسانادان تومەن بولىپ، كاسىپتەنۋ جاعدايى جالپى جاقتان ورنىقتى بولىپ، تاماشا باستاما جاراتىلدى. الايدا وتكەن جىلعى ۇقساس مەزگىلدەگىمەن سالىستىرعاندا، تەكسەرۋگە قاراعاندا جۇمىسسىزدىق مولشەرى ٴبىرشاما جوعارىلاپ، بيىلعى جۇمىستانۋدى ورنىقتىرۋدىڭ ماڭىزدىلىعىن كورنەكتىلەندىرە ءتۇستى.

 

جۇمىستانۋ − حالىق تۇرمىسىنداعى ەڭ كەلەلى ءىستىڭ ءبىرى. توتەنشە كۇردەلى ىشكى - سىرتقى جاعدايدا 2018 ـ جىلدان بەرى، ەلىمىز جۇمىسقا ورنالاستىرۋدى ورنىقتىرۋدى «التىنى ورنىقتىرۋ» قىزمەتىنىڭ ماڭداي الدى ورنىنا قويدى، سونداي ـ اق ٴبىرقىدىرۋ ناقتى شارالار مەن قاتاڭ شارالار ارقىلى جۇمىسقا ورنالاستىرۋدى ورنىقتىرۋ قىزمەتىنە پارمەندى تىرەك ازىرلەدى. بيىل ەلىمىز تاعى دا جۇمىستانۋدى الدىڭعى ورىنعا قويۋ ساياساتىن تۇڭعىش رەت ماكرولىق ساياسات جاعىنا قويىپ، ٴار جاقتىڭ جۇمىستانۋعا ٴمان بەرىپ، جۇمىستانۋدى قولداۋ بەتالىسىن كۇشەيتۋدى ماقسات ەتتى.
ءبىر ميلليون جاستى جاتتىقتىرۋ جوسپارى، جاستاردى كاسىپتەنۋگە باستاۋ جوسپارى، جوعارى مەكتەپ بىتىرگەن وقۋشىلاردىڭ « ٴۇشتى قولداۋ، ٴبىردى سۇيەمەلدەۋ» جوسپارى باستاپ اتقارىلعان 3 جىلدان بەرى، ٴبىرىنشى توقساندا 21 مىڭ كاسىپورىنعا ٴبىر ميلليارد 170 ميلليون يۋان جۇمىس ورنىن ورنىقتىرۋ قوسىمشا قاراجاتى تاراتىلدى. 260 مىڭ جۇمىسشى - قىزمەتكەرگە تەحنيكالىق قابىلەتىن جوعارىلاتۋ ٴۇشىن، 420 ميلليون يۋان قوسىمشا قاراجات تاراتىپ، جاڭا ۇرپاق ديقان جۇمىسكەرلەردىڭ كاسىپتىك قابىلەتىن جوعارىلاتۋ جوسپارىن قايتا جاساپ جانە اتقارىپ، كاسىپورىنداردىڭ جاڭاشا شاكىرت تاربيەلەۋ ٴتۇزىمىن تياناقتاندىرىپ، ٴىرى، ورتاشا قالالاردا بىرلەسىپ قىزمەتكەر قابىلداۋ، كوكتەم سامالى قيمىلى، جۇمىسقا ورنالاستىرۋعا كومەك بەرۋ ايى سياقتى قيمىلداردى ورىستەتۋگە ۇيىمداستىردى ت. ب. بيىل ءبىرىنشى توقساننان بەرى، جۇمىسقا ورنالاستىرۋدى ورنىقتىرۋ ساياساتتارى بىرتىندەپ تياناقتاندىرىلىپ، ەلىمىزدە جۇمىسسىزداردىڭ اناعۇرلىم ساپالى، اناعۇرلىم تولىق جۇمىستانۋىنا كەپىلدىك ەتىلدى.

 

جۇمىستانۋ ساندى مالىمەتى ورنىقتىلىق بارىسىندا ىلگەرىلەپ، ساياساتتىڭ ونىمدىلىگى العاشقى قادامدا كورنەكتىلەندى. ٴبىراق مىناداي جۇمىستانۋ قىسىمى ٴالى دە ساقتالىپ وتىر: سىرتقى بەلگىسىز فاكتورلار ٴالى دە ٴبىرشاما كوپ، ەكونوميكانىڭ قۇلدىراۋ قىسىمى ٴالى دە بار، جۇمىستانۋ جاعدايى ٴالى دە كۇردەلى، جۇمىستانۋ جالپى مولشەرى قىسىمى ٴالى دە ٴبىرشاما زور، ٴىشىنارا سالالار مەن كاسىپورىندار جۇمىس ورنىن ورنىقتىرۋ قىسىمىنا ٴدوپ كەلىپ وتىر. سوندىقتان، ٴىشىنارا ەڭبەكشىلەردىڭ جۇمىستانۋى دا ٴبىرشاما قيىن بولۋدا.

 

كاسىپتىك قايراتكەرلەر بىلاي دەپ اتاپ كورسەتتى: قازىر ەلىمىز ٴالى دە كاسىپ تيپىن وزگەرتىپ، دارەجەسىن جوعارىلاتىپ، جاڭا-كونە قوزعاۋشى كۇشتەردىڭ بۇرىلىس جاساپ جالعاسۋ كەزەڭىندە تۇر، كاسىپتەنۋ جاعدايى جالپى جاقتان ورنىقتى بولۋمەن بىرگە، كاسىپتەنۋ قيىن، جۇمىسشى قابىلداۋ قيىن بولۋ سىندى قۇرىلىمدىق قايشىلىق ٴتىپتى كورنەكتىلەنە ٴتۇستى.

 

بۇدان سىرت، ٴتىلشى تەكسەرۋ - زەرتتەۋ ارقىلى كاسىپتەنۋ سالاسىنداعى كەيبىر جاڭا قۇبىلىستاردى بايقادى. ٴبىر جاعىنان، ٴداستۇرلى جاساۋ كاسىبى سالاسىندا بۇرىلىس جاساۋ، دارەجەسىن جوعارىلاتۋ بارىسىندا تەحنيكالىق ولشەمىن بىرتىندەپ جوعارىلاتىپ، تەحنيك جۇمىسشىلاردىڭ ەڭبەكاقى مامىلەسىن ۇزدىكسىز جاقسارتتى، ٴبىراق قامداۋ قاجەتسىنۋدى قاناعاتتاندىرا المايتىن جاعدايعا ٴدۇپ كەلدى؛ ەندى ٴبىر جاعىنان، جەدەل جەتكىزۋ، سىرتقا ساتۋ، اۆتوكولىكپەن عالامتوردا ۋادەلەسۋ سياقتى جاڭا ەكونوميكالىق كاسىپتەردە، شارت – جاعدايى ٴبىرشاما تومەن كوپتەگەن جۇمىس ورنى سۇرانىمى جارىققا شىعىپ، كوپتەگەن ادامدار كاسىپتەنۋدىڭ جاڭا تالعامىنا يە بولدى. وسى جاڭا ەكونوميكالىق كاسىپتەر مەن زاۆودتاردىڭ «جۇمىسقا تالاسۋى»، ٴىشىنارا رايونداردىڭ شىنايى بەينەسىنە اينالدى.

 

شاندۇڭ قوعامدىق عىلىمدار اكادەمياسى ەكونوميكا زەرتتەۋ ورنىنىڭ باستىعى جاڭ ۋيگو: «جۇڭگونىڭ ەكونوميكالىق قۇرىلىمى ءدال قازىر، سان - سالالى جاڭالانۋدى باستان كەشىرۋدە»،ـ دەدى.

 

كاسىپتەنۋ سالاسىندا ۇزاق ۋاقىت ورىن تەۋىپ كەلە جاتقان قۇرىلىمدىق قايشىلىق، سونداي - اق جاڭا ەكونوميكالىق شارۋاشىلىق پەن زاۆودتاردىڭ «جۇمىسقا تالاسۋى» سىندى جاڭا قۇبىلىس جونىندە، كوپتەگەن كاسىپتىك قايراتكەرلەر قاتىستى ۇسىنىستارىن ورتاعا قويدى.

 

جۇڭگو ەڭبەك جانە قوعامدىق قامتاماسىزداندىرۋ عىلمي زەرتتەۋ اكادەمياسى جۇمىسسىزدىقتى قامسىزداندىرۋ زەرتتەۋ كەڭسەسىنىڭ مەڭگەرۋشىسى يۋان لياڭدۇڭ: «وسى زامانعى كاسىپتىك وقۋ ـ اعارتۋدى جەدەل دامىتىپ، ومىرلىك كاسىپتىك شەبەرلىككە تاربيەلەۋ ٴتۇزىمىن اتقارىپ، كاسىپتىك تاربيەلەۋدى كەڭ كولەمدە ورىستەتىپ، كاسىپورىنداردىڭ سۋبيەكتيۆتىك رولىن كۇشەيتۋ، كەزەكتەگى جۇمىسقا ورنالاسۋ قىسىمىن جەڭىلدەتۋگە ٴتيىمدى بولۋمەن بىرگە، جوعارى ونەرلى دارىندىلاردىڭ تاپشى بولۋ ماسەلەسىن شەشۋدىڭ ستراتەگيالىق شاراسى ەسەپتەلەدى. كاسىپتىك وقۋ ـ اعارتۋ ٴتۇزىلىس ـ مەحانيزمى رەفورماسىن تەرەڭدەتىپ، كاسىپتىك وقۋ ـ اعارتۋ كولەمىن كەڭەيتىپ، كاسىپتىك مەكتەپتەردىڭ جوعارى تەحنيكالىق قابىلەت يەلەرىن جەتىلدىرۋ قابىلەتى مەن باۋراۋ قۋاتىن جوعارىلاتۋ كەرەك. كاسىپورىنداردىڭ نەگىزگى تۇلعاسى جونىنەن العاندا، شارتقا ۇيلەسەتىن كاسىپورىنداردىڭ كاسىپتىك مەكتەپتەر مەن جوعارى ونەرلى دارىندىلاردى تاربيەلەۋ بازاسىن قۇرۋىنا قولداۋ كورسەتىپ جانە ونى جەبەپ، كاسىپورىنداردىڭ جۇمىسسىزداردى قامسىزداندىرۋ ىركىندى قورىن ٴبىرتۇتاس جوسپارلاپ تولىق پايدالانۋىنا بەلسەنە جەتەكشىلىك ەتىپ جانە قولداۋ كورسەتىپ، جۇمىسشى - قىزمەتكەرلەردىڭ قابىلەتىن جوعارىلاتۋ جانە قىزمەت ورنىن اۋىستىرۋ كۋرستارىن اشىپ، كاسىپ سالاسىنىڭ دامۋ قاجەتىنە ۇيلەسەتىن ٴتىپتى دە كوپ قولدانىلمالى دارىندىلاردى جەتىلدىرۋ كەرەك»،- دەدى.

 

قىزىل شىرشا كاپيتالىنىڭ الەمدىك اتقارۋشىسى شىن نانپىڭ بىلاي دەپ قارادى: «جاڭا ەكونوميكالىق كاسىپ سالاسى يكەمدى كاسىپتەندىرۋ ابزالدىلىعىنا يە، جۇمىسقا ورنالاستىرۋدىڭ ‹قولايلىلىق› رولىن ٴتىپتى دە ساۋلەلەندىرىپ، كاسىپ سالاسىن جاڭالىق اشۋعا ىنتالاندىرۋمەن بىرگە، ونىڭ ٴتىپتى دە جوعارى ساپالى دامۋىن ىسكە اسىرۋدى دا جەبەيدى. دامۋدىڭ العاشقى مەزگىلىندەگى جاڭا ەكونوميكالىق كاسىپتەردە، ٴالى دە بەلگىلى ماسەلە ٴومىر ٴسۇرىپ وتىرعانىمەن، جۇمىسقا ورنالاستىرۋدى جەبەۋ جاعىندا ٴالى دە ەرەكشە باسىمدىققا يە. سوندىقتان، جاڭا ەكونوميكالىق شارۋاشىلىقتى زورايتۋ ءارى ونى كۇشەيتۋ بارىسىندا، كەڭ ساۋدا ورتاسىن جاراتۋعا ٴتىپتى دە جاقسى ٴمان بەرىپ، اكىمشىلىك باسقارۋ تاسىلىندە جاڭالىق جاراتىپ، قاتىستى زاڭ - ەرەجەلەر جۇيەسىن بىرتىندەپ كەمەلدەندىرىپ، ونىڭ دامۋ ەرەكشەلىگىنە ۇيلەسەتىن قوعامدىق قامتاماسىزداندىرۋ مەحانيزمىن قاراستىرىپ، ونىڭ ورنىقتى كاسىپتەنۋ فۋنكتسياسىن اناعۇرلىم ويداعىداي جۇزەگە اسىرۋ كەرەك. بۇدان سىرت، رەفورمانى تەرەڭدەتۋدىڭ ٴبىرقىدىرۋ ساياساتتىق تيىمدىلىگى دە، جۇمىستانۋدى ورنىقتىرۋعا پايدالى»،-دەدى.

 

جۇڭگو ەڭبەك جانە قوعامدىق قامتاماسىزداندىرۋ عىلمي زەرتتەۋ ورنىنىڭ ورىنباسار باستىعى مو رۇڭ: «باجىنى كەمەيتۋ، اقىنى تومەندەتۋ − بيىلعى ۇكىمەت قىزمەتىنەن بايانداماداعى ماڭىزدى مازمۇن، ول كاسىپورىننىڭ دامۋىنا دا، جۇمىسقا ورنالاستىرۋدى كەڭەيتۋگە دە، ورنىقتىرۋعا دا ٴتيىمدى. ۇكىمەتتىڭ قاتىستى تاراۋلارى جۇمىس ورنىن ورنىقتىرىپ، قولداۋ تەبىنىن ارتتىرىپ، جاساۋ كاسىبىنىڭ ارتقان قۇن باجىسى مولشەرى مەن قالا ـ قالاشىق جۇمىسشى ـ قىزمەتكەرلەرىنىڭ نەگىزگى زەينەتكەرلىك قامسىزداندىرۋ اقىسىن تاپسىرۋ سالىستىرماسى سياقتى ٴتيىمدى ساياساتتاردى اناعۇرلىم كەمەلدەندىرىپ، تياناقتاندىرۋمەن بىرگە، ۇكىمەتتىڭ قارجى قۇراۋ كەپىلدىك قۇرىلىمىنىڭ رولىن ساۋلەلەندىرىپ، شارتقا ۇيلەسەتىن شاعىن، ۇساق كاسىپورىندارعا شاعىن سومالى قارىز اقشا بەرىپ، قولداۋ كورسەتىپ، قارجى قۇراۋدىڭ جارامدىلىعىن جوعارىلاتىپ، كاسىپورىنداردى جانداندىرىپ، جۇمىسقا ورنالاستىرۋدى ورنىقتىرۋ كەرەك»،- دەپ قارادى.

 

 

اۋدارعان: امانتاي انيكون ۇلى (تورابىمىزدىڭ ۇسىنىس ەتىلگەن ءتىلشىسى)

 

54056556-cb42-426b-94c7-8d4019317156.jpg
01.jpg
企业微信截图_20190430160229.jpg
企业微信截图_20190430154136.jpg
6666.jpg