قازاقستاننىڭ كوش باستاپ تۇرعان شاحمات شەبەرى جانسايا ابدىمالىك قىزى
0
2019-05-15 17:54:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :داۋىل

5-ايدىڭ 14-كۇنى تۇستەن كەيىن 2019-جىلعى حالىقارالىق زەيىندىك سپورت بىرلەستىگى الەمدىك اعا جۇلدەگەرلەردىڭ جۇلدەلى جارىسى حالىقارالىق شاحمات تەز دويبى جارىسى «حىڭشۇي تايحۋا بويۋە» قوناق سارايىندا العاشقى ءتورت كەزەكتى بەلدەسۋدى اياقتادى. قازاقستاننان كەلگەن 2000-جىلدىڭ تۋماسى شاحمات شەبەرى جانسايا ابدىمالىك قىزى 2 كەزەك ۇتىپ، 2 كەزەك تەڭ بولىپ 3 نومىرلىك ناتيجەمەن، ماريا مۋزيچوك، گۋنينا ۆالەنتينا، نانالارمەن بىرگە توپ جارىپ العا شىقتى.

العاشقى كۇنگى جارىستا جانسايا ءتورت مىقتىمەن بەلدەستى، تۇڭعىش كەزەگىندە ا ق ش-ىنىڭ شاحمات شەبەرى كروش يرەنانى جەڭىپ الدى(Krush· Irina)، ەكىنشى كەزەگىندە كونەيرۋمەن تەڭ ءتۇستى، 3-كەزەكتە جۇڭگونىڭ شاحمات شەبەرى تان جۇڭ-يدى جەڭىپ الدى، 4-كەزەكتە الدىڭعى اينالىمداعى ماريامەن بەلدەستى. جارىستان كەيىن 4-كەزەكتى جارىس تۋرالى توقتالعاندا، جانسايا بىلاي دەدى:«كەرەمەت بولدى، جارىستىڭ باسى جاقسى ناتيجەمەن باستالدى، دەگەنمەن ءالى 7 كەزەك جارىس بار، سوندىقتان جالعاستى قۇلشىنامىن».

2000-جىلدىڭ تۋماسى جانسايا ابدىمالىك قىزى بۇل رەتكى حالىقارالىق شاحمات جارىسىنا قاتىناسقان ساڭلاقتاردىڭ ىشىندەگى جاسى ەڭ كىشسى ەدى، ول ءوزىنىڭ شاحمات شەبەرى بولىپ جەتىسىپ شىعۋ تاريحى جونىندە توقتالعاندا تىلشىگە بىلاي دەدى: «مەن 5 جاسىمنان باستاپ اكەمنەن حالىقارالىق شاحمات ويىنىن ۇيرەندىم، قازىرگە دەيىن شاحمات ويناعانىما 13 جىل بولىپتى. قازىر كۇندەلىك تۇرمىستا نەگىزىنەن شاحماتتى قولىمنان تاستاعان ەمەسپىن. ءبىز ءۇي ىشىمىزبەن شاحمات ويناي بىلەمىز، ولاردىڭ شاحمات ويناۋ دەڭگەيى تىم جوعارى بولماسادا، بارلىعىمىز وتىرا قالىپ شاحمات ويناعاندا ءۇي ءىشىمىز دۋمانعا بولەنەدى»،-دەيدى. ءوزىنىڭ جەتكەن ناتيجەلەرىنىڭ قۇپياسى جونىندە توقتالعاندا جانسايا: «مەنىڭ جەتكەن ناتيجەمنىڭ قۇپيالىعى قۇلشىنىسىمنان كەلدى»،-دەپ جاۋاپ بەردى.


باسەكە مايدانىنداعى جانسايا


بۇل جارىس بۇرىنعى جارىستاردان مۇلدە باسقاشا بولدى، بۇل رەت جانسايانىڭ ءۇي ءىشى مەن سەرىكتەرىنەن ەشكىم كەلمەدى. تەك ءوزى جالعىز جۇڭگوعا كەلىپ، جارىسقا قاتىناسۋىنىڭ سەبەبىن سۇرعان تىلشىگە جانسايا: «بۇل مەنىڭ ءتورتىنشى رەت جۇڭگوعا كەلىپ جارىسقا قاتىناسۋىم، شەشەمنىڭ ۆيزاسى دەركەزىندە اشىلماي قالعاندىقتان كەلە المادى، دەگەنمەن مەن ءۇشىن ۇلكەن تاجىربيە بولدى»،-دەيدى.


جانسايا ابدىمالىك قىزى 18 جاستا عانا بولعانىمەن، ءبىراق قازاقستانداعى ايەل زاتى شاحمات شەبەرلەرى ىشىندەگى ەڭ مىقتىسى، دەگەنمەن ول ونى مىسە تۇتقان ەمەس، «مەنىڭ ماقساتىم الەم بويىنشا ەڭ مىقتى ويىنشى بولۋ»،-دەيدى جانسايا.

وزگە جاس شاحمات شەبەرلەرى سياقتى جانسايانىڭ تاعى ءبىر سالاۋاتى وقۋشى. 18 جاستاعى ول قازىر ۋنيۆەرسيتەت وقىپ جاتىر، ماماندىعى مۇلدە باسقاشا IT ماماندىعى ەكەن.

تۇرمىستا جانسايا شاحمات ويناۋدان باسقا تاعى سپورت قيمىلدارىنا قىزعادى ەكەن، اسىرەسە سۋدا جۇزۋدە مىقتى كورىنەدى. ول:«مەن سۋدا مىقتى جۇزەمىن، ءتىپتى كاسىپتىك دەڭگەيدە»،-دەيدى.

حانزۋشادان اۋدارعان: شاربات جۇمان قىزى

企业微信截图_20190515112633.jpg
企业微信截图_20190515164028.jpg
企业微信截图_20190515113258.jpg
01.jpg
01.jpg