كانادا 2000 توننا « شەتەل قوقىر - قوقسىعىن » فيليپپيننەن تاسۋ قاراجاتىن ءوزى كوتەرگەن
0
2019-06-02 17:12:00
|
كەلۋقاينارى:
|
جاۋاپتى رەداكتور :

 

    ورتالىق تەلەۆيزياسىنىڭ حابارى. كەشە تۇستەن بۇرىن ساعات 7 مولشەرىندە « باۆاريا » تيەۋىش قوراپتى كەمەسى فيليپپيننىڭ سۋبيك حالىقارالىق پورتىنان اتتاندى. بۇل كەمە فيلليپپيندە ۇزاق جىل ساقتالعان، تاياۋدان بەرى ءتىپتى فيلليپپين مەن كانادانىڭ ديپلوماتيالىق جاڭجالىن تۋدىرعان « شەتەل قوقسىعىن » كاناداعا تاسىپ اكەلمەكشى.

 

كانادانىڭ «شەتەل قوقسىعى» بۇگىن فيليپپيننەن تاسىلدى

 

سۋبيك شىعاناعىن باسقارۋ مەكەمەسى بۇل قوقىر – قوقسىق جيىنى 69 تيەۋىش قوراپپەن قوراپتالىپ، جالپى سالماعى شامامەن 2000 توننا بولعانىن دالەلدەدى. بۇل قوقسىقتار كەشە تۇستەن بۇرىن تيەلىپ بولىپ، كاناداعا تاسىمالدانعان، مولشەرمەن 6-ايدىڭ 22-كۇندەرى كاناداعا جەتكىزىلەدى ەكەن.

 

فيلليپپيننىڭ ءىرى مانيلا دامۋ كوميتەتىنىڭ حابارىنا قاراعاندا، وسى رەتكى «شەتەل قوقسىعىن» تاسىمالداۋعا ءبىر ميلليارد فيليپپيننىڭ بيزونى ىستەتىلىپ، شامامەن 130 ميلليون يۋان حالىق اقشاسىنا تۋرا كەلگەن، مىنە وسى قوماقتى قاراجاتتى كانادا جاق ۇستىنە الادى ەكەن .

 

فيليپپين مەن كانادانىڭ «قوقىر - قوقسىق قاقتىعىسى»

 

2013-جىلدان 2014-جىلعا دەيىن، كانادانىڭ ءبىر سەرىكتىگى فيلليپپينگە «جيناپ الۋعا بولاتىن سۋلياۋ » دەپ اتالاتىن 103 تيەۋىش قوراپتى ەكسپورت ەتكەن، ءبىراق فيليپپين كەدەن مەكەمەسى تەكسەرۋ ارقىلى، 69 تيەۋىش قوراپتىڭ ىشىندە قىرۋار ەلەكتروندىق ونىمدەر قوقىر-قوقسىعى مەن اس ءۇي قوقىر - قوقسىعى قاتارلىلار ساقتالعانىن انىقتاعان. وسىلايشا فيليپپين ۇكىمەتى كانادانىڭ فيليپپينگە قاتەرلى جاراقسىز زاتتاردى ەكسپورت ەتۋىن جانە جوتكەپ اكەلۋىن جازعىرىپ، « بازەل شارتىنا » قايشىلىق جاسادى،- دەپ ايتاقتاعان، ءارى كاناداعا وسى قوقىر – قوقسىقتى قايتادان تاسىپ اكەتۋدى قايتا - قايتا قۋزاعان بولاتىن.

 

فيليپپيننىڭ زۇڭتۇڭى دۋتەرت وتكەن ايدا وسى ايدىڭ 15 ـ كۇنىن كانادانىڭ وسى قوقىر-قوقسىقتاردى تاسىپ اكەتۋىنىڭ « ەڭ سوڭعى مەرزىم شەگى » ەتىپ بەلگىلەگەنىن جاريالايدى. ءبىراق كانادا ۇكىمەتى « زاڭدىق ءتارتىپ بويىنشا جۇرسە ۋاقىتتىڭ زايا كەتەتىنىن » سىلتاۋ ەتىپ، ەشقانداي ناقتىلى ارەكەت قولدانبايدى. 5-ايدىڭ 16-كۇنى، فيليپپين كانادادا تۇراتىن باس ەلشىسىن قايتارىپ الاتىندىعىن جاريالايدى دا، وسىلايشا ەكى جاقتىڭ « قوقىر - قوقسىق داۋ - شارى » شيەلەنىسە تۇسەدى. 5-ايدىڭ 20-كۇنى، فيليپپين ۇكىمەتى اتقارۋ ءبولىمىنىڭ باستىعى فيليپپيننىڭءارقايسى مينيسترلىكتەرىنىڭ مينيسترلەرىنە، قۇرىلىمداردىڭ جاۋاپتىلارىنا، مەملەكەت مەنشىگىندەگى جارنامەن تىزگىندەلەتىن سەرىكتىكتەر مەن ۇكىمەتتىڭ فينانس قۇرىلىمدارىنىڭ جاۋاپتىلارىنا كاناداعا ساياحاتتاۋعا رۇقسات بەرۋگە ەندىگارى جول قويماۋ جونىندە بۇيرىق تۇسىرەدى، سونىمەن بىرگە ۇكىمەت ءمانساپتىلارىنان كانادا ۇكىمەتىمەن بولعان ۇكىمەتتىك قاتىناستى ازايتۋدى تالاپ ەتەدى. مىنە وسىلايشا قات - قابات قىسىمدا قالعان كانادا ۇكىمەتى اقىرى قارقىندى تەزدەتىپ، قوقىر - قوقسىقتى قايتارىپ اكەلۋگە كىرىسەدى ءارى سايكەستى قاراجاتتى ءوز ۇستىنە الادى.

 

 

«بازەل شارتىندا»: شەكارا اتتاپ قاتەرلى جاراقسىز زاتتاردى جوتكەۋدى تەجەۋ بەلگىلەنگەن

 

«شەتەل قوقىر -قوقسىعى» ماسەلەسى تاياۋ جىلداردان بەرى فيليپپين قوعامىن مازالاپ كەلەدى. فيلليپپين قورشاعان ورتانى قورعاۋ توبىنىڭ « ۋلى قوقىر ـ قوقسىققا تيىم سالۋ ۇيىمىنىڭ » ورىنباسار مەڭگەرۋشىسى رينالدو سان ـ حۋان بىلاي دەدى: ‹ فيليپپين زياندى قوقىر ـ قوقسىقتاردى ءبىر جاقتى ەتۋ وزىندىك قۇنى بارىنشا تومەن بولعاندىقتان،ۇشىراعان زاڭ جانە قورشاعان ورتانى قورعاۋ كەدەرگىلەرى دە ءتىىپتى دە ازايعان، كانادا سياقتى دامىعان ەلدەر وزدەرىنىڭ ەكونوميكالىق ورنىنان پايدالانىپ، ‹قايتارىپ الىپ قايتالاي پايدالانۋ› جەلەۋىمەن فيلليپپينگە قوقىر ـ قوقسىقتى ەكسپورت ەتكەن. الايدا، بۇل قوقسىقتاردىڭ ەشقانداي قايتا پايدالانۋ قۇنى جوق بولىپ، باسىم كوپ ساندىسى تەڭىزگە توگىلگەن.

 

1992 - جىلى رەسمي كۇشكە يە بولعان «بازەل شارتىندا» شەكارادان قاتەرلى جاراقسىز زاتتاردى وتكەرمەلەۋ، اسىرەسە دامۋ ۇستىندەگى ەلدەرگە ەكسپورت ەتۋ جانە جوتكەۋ شەكتەلگەن بولاتىن. مىنە وسىنداعى فيليپپين مەن كانادا ەكەۋى دە « بازەل شارتىن » جاساسۋشى ەلدەر ەدى.

 

كەيبىر دامىعان ەلدەر وزىندىك قۇندى ءبىرجاقتىلى ەتۋ سياقتى فاكتورلاردى كوزدە ۇستاي وتىرىپ، ۇزاق جىلدار بويى دامۋ ۇستىندەگى ەلدەرگە ءتۇرلى قوقىر - قوقسىقتاردى، اسىرەسە سۋلياۋ قوقىر-قوقسىقتاردى ەكسپورت ەتۋدى ويلاستىرعان. بىرلەسكەن مەملەكەتتەر ۇيىمىنىڭ ساندىق مالىمەتىندە كورسەتىلۋىنشە، گەرمانيا، ا ق ش جانە جاپونيانىڭ بىلتىر ەكسپورت ەتكەن سۋلياۋ قوقىر-قوقسىقتارى ءبىر ميلليون توننادان اسقان. كوز الدا، جۇڭگو، ينديا، تايلاند جانە ۆيەتنام قاتارلى ەلدەر جاراقسىز سۋلياۋ سياقتى « قوقىر - قوقسىقتار » جونىندە ارت - ارتىنان جيىركەنە قاراپ، اۋىز اشپادى.

 

بيىل 5 ـ ايدا 180 مەملەكەت پەن رايوننان كەلگەن ۋاكىلدەر « بازەل كەلىسىمىنە» وزگەرىس ەنگىزىپ، سۋلياۋ قوقىر ـ قوقسىقتاردى يمپورت ـ ەكسپورتتان شەكتەۋ نىسانىنا ەنگىزۋدى بەكتتى. مىنە بۇل دامىعان ەلدەردىڭ دامۋ ۇستىندەگى ەلدەرگە سۋلياۋ قوقىر- قوقسىقتاردى ەكسپورت ەتكەنى تاريح پاراقتارىنا قالعانىن اڭعارتادى.

 

اۋدارعان: مارالبەك ابدىكارىم ۇلى (تورابىمىز ۇسىنىس ەتكەن ءتىلشى)

 

Q5706.jpg
15620950379661566416.jpg
企业微信截图_20190602170533.jpg
企业微信截图_20190602171016.jpg
未标题-1.jpg