ەل ءۇمىتى بالالار _ دۇرىس جەتەكتەۋمەن سۇيىسپەنشىلىككە مۇقتاج
0
2019-06-03 16:05:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :داۋىل


1-ماۋسىم حالىقارالىق بالالار مەرەكەسى كەلىپ جەتتى، ەگەر جاسوسپىرىمدەر مەن بالالار ءۇمىت مايساسىنا بالانسا، وندا وسى ءۇمىت مايساسىنىڭ تولىسىپ جەتىلۋى ءۇشىن، ءسوز جوق، دۇرىس جەتەكشىلىك ىستەپ، تاربيە بەرۋ كەرەك. جاسوسپىرىمدەر مەن بالالاردى وقۋ - اعارتۋدىڭ ءبىلىم بۇلاعىمەن سۋسىنداتۋمەن قاتار زاڭدىق بىلىمدەردى ولاردىڭ نازارىنا توقۋ قاجەت. ءۇمىت مايساسى زاڭمەن جونگە سالۋ تاربيەسىن قابىلداعاندا عانا، وتاننىڭ كۇشتى تىرەگى بولادى.


شينجياڭ ۇيعۇر اۆتونوميالى رايوندىق وداق كوميتەتى پارتيا باسشىلىق گرۋپپاسىنىڭ مۇشەسى، ورىنباسار شۋجيى دالەلبەك كەنجاقان ۇلى جاستارمەن جاسوسپىرىمدەردىڭ زاڭ بىلىمدەرىن ۇيرەنۋىنىڭ ماڭىزدىلىعى جونىندە تانىستىرۋ جاساپ، جاستار وداق كوميتەتىنىڭ وسى جاعىندا ىستەگەن ءتۇرلى قىزمەتتەرىن تىلگە تيەك ەتىپ، بىلاي دەدى: بۇرىنعى قىزمەت ورنىمنان قازىرگى وداق كوميتەتىنە الماسىپ كەلگەننەن كەيىن، جاستار وداعىنداعى كادرلەردىڭ تاسقىنداعان جانە بەلسەنە العا باساتىن رۋحى مەنى قاتتى اسەرلەندىردى، وداق كوميتەتى جۇمىسىنا ارالاسقاننان كەيىن، وداق كوميتەتى جونىندە تولىق تانىم، تەرەڭ تۇسىنككە يە بولدىم. 2015-جىلى سوڭعى جارىم جىلدا، ءبىز شينجياڭ ۇيعۇر اۆتونوميالى رايوندىق «ازامات جاسىنا تولماعانداردى قورعاۋ ەرەجەسىن» اتقاردىق سونىمەن قاتار شينجياڭ ۇيعۇر اۆتونوميالى رايوندىق «ازامات جاسىنا تولماعانداردىڭ قىلمىس وتكىزۋىنەن ساقتانۋ ەرەجەسىنە» وزگەرىس ەنگىزۋ قىزمەتتەرىن ىستەدىك، ءبىر جىل بويى تەكسەرۋ جۇرگىزۋ، دايىنداۋ، قاراپ شىعۋ قاتارلى باسقىشتاردان كەيىن، 2016-جىلى 9-ايدىڭ 29-كۇنى شينجياڭ ۇيعۇر اۆتونوميالى رايوندىق 12-كەزەكتى حالىق قۇرىلتايى تۇراقتى كوميتەتىنىڭ 14-كەزەكتى ءماجىلىسى شينجياڭ ۇيعۇر اۆتونوميالى رايوندىق «ازامات جاسىنا تولماعانداردىڭ قىلمىس وتكىزۋىنەن ساقتانۋ ەرەجەسىن» ماجىلىستەن وتكىزىپ ماقۇلدادى ءارى 11-ايدىڭ 1-كۇنىنەن باستاپ اتقاردى، جاستار وتاننىڭ بولاشاعى، ءبىز ولاردىڭ العاشقى قادامدى دۇرىس باسۋىنا ءسوزسىز جەتەكشىلىك ەتىپ، ولاردىڭ زاڭدىق ۇقىق-مۇددەسىن قورعاپ، دۇرىس دۇنيە كوزقاراسى، ءومىر كوزقاراسىن ورناتۋىنا جالپى قوعام بويىنشا اتسالىسىپ، جەتەكشىلىك ەتۋىمىز كەرەك، ولاردىڭ زاڭ بىلىمدەرىن ۇيرەنۋىنە ءمان بەرىپ، زاڭ بويىنشا ۇقىق-مۇددەسىن قورعاۋ تانىمىن جوعارىلاتۋىمىز قاجەت، وسىلاي بولعاندا عانا جاستار مەن جاسوسپىرىمدەر زاڭ بىلىمدەرىن ۇيرەنۋ ارقىلى ۇقىق-مۇددەسىن قورعاي الادى ءارى دۇرىس پەن بۇرىستى ايىرا الاتىن بولادى.

ءارقانداي بالا اتا- اناسىنان ءتالىم الىپ وسەدى، ءارقانداي اتا-انا بولعان ادام، بالاسىن جەتەلى ازامات ەتىپ تاربيەلەۋدى ارماندايدى، «قۇس ۇيادان نەنى كورسە، ۇشقاندا سونى الادى» دەگەندەي، اتا- انا تاربيەسىمەن جەتىلگەن بالا، اكە- شەشەسى سياقتى ەرجەتەدى. سوندىقتان سەميا تاربيەسىنىڭ بوگەنايى بولەك، ونىڭ ماڭىزدىلىعى دا وسىندا. حالىقارالىق بالالار مەرەكەسى بايلانىسىمەن اتا-انالار ۇرپاقتارىنا اق تىلەكتەرىن جولداعان ەدى، ولار تىلەكتەرىن بىلاي جەتكىزدى: «ۇرپاق ادامنىڭ جاپىراعى، ورمان سەكىلدى جاپىراعى جايقالىپ وسەدى، 6-ايدىڭ 1-كۇنىندەگى بالالار مەرەكەسى بويىنشا، سابيلەرگە تىلەيتىنىم بىرىنشىدەن، دەنساۋلىق زور بايلىق دەمەكشى: دەنساۋلىقتارى جاقسى بولسىن، بالالاردىڭ دەنى ساۋ بولىپ، جاقسى ەرجەتىپ، وتانعا ورمانداي كوركەمدىك باعىشتاۋىن تىلەيمىن!»


«بالدىرعان بالاپاندار، ەلدىڭ ەرتەڭگى ءۇمىتى، گۇلدەنگەن سوتسياليستىك وتانىمىزدىڭ كوركەم ءومىرى قاشاندا جاس ۇرپاقتارمەن جالعاسادى، حالقىمىزدا <بۇلاق كورسەڭ كوزىن اش> دەگەن عيباراتتى ءتامسىل بار، مىنە، بۇل عاسىرلار بويى حالىق پاراساتىنىڭ كەيىنگىگە قالتىرعان ۇلاعاتتى ونەگەسى، <سەن دە ءبىر كىرپىش دۇنيەگە، كەتىگىن تاپ تا بار قالان> دەگەن ەكەن ءدانىشپاندارىمىز، بۇگىنگى بارلىق بالدىرعانداردىڭ مەرەكەسى مەرەيلى بولسىن، زەردەلى دە زەيىندى بولىپ ەرجەتسىن دەگەن شىنايى تىلەگىمدى باعىشتايمىن!»

ءوسپىرىم بالالار __ وتاننىڭ نۇرلى بولاشاعى، ۇلتتىڭ ۇكىلى ءۇمىتى. جاوسپىرىمدەرمەن بالالاردى ويداعىداي تاربيەلەپ جەتىلدىرۋ __ ۇزاق بولاشاقتىق ستراتەگيالىق مىندەت. پارتيا 18 ـ قۇرىلتايىنان بەرى، شي جينپيڭ جولداس ۇيتقى بولعان پارتيا ورتالىق كوميتەتى ءوسپىرىم بالالارعا نۇرلى بولاشاق جاراتۋ ىستەرىنە باسا ءمان بەردى. تاماشا تۇرمىس پەن نۇرلى بولاشاق بالالارعا ءتان!

 

سۇحباتتى دايىنداعان: بوتا ەمەن قىزى، سايا زاۋاتبەك قىزى

企业微信截图_20190603101821.jpg
15620950379661566416.jpg
企业微信截图_20190602170533.jpg
企业微信截图_20190602171016.jpg
Q5706.jpg