ساقشى جاق تەلەگراف الدامشىلىق قىلمىسىن وتكىزگەن تايۋاندىق 94 قىلمىس كۇماندىسىن ەۆروپادا تۇتقىنداپ، ەلگە قا...
0
2019-06-12 09:57:00
|
كەلۋقاينارى:
|
جاۋاپتى رەداكتور :

 

    ورتالىق تەلەۆيزيا تورابىنىڭ حابارى: ماۋسىم ايىنىڭ 7- كۇنى، قوعام حاۋىپسىزدىگى مينيسترلىگى تەلەگراف، توراپ الدامشىلىعىن وتكىزگەن قىلمىس كۇماندىلارىن يسپانيادان تۇتقىنداپ، ەلگە قايتارىپ اكەلدى. بۇل ەلىمىزدىڭ ەۆروپادان تەلەگراف الدامشىلىعى قىلمىس كۇماندىسىن تۇڭعىش رەت كەڭ كولەمدە تۇتقىنداپ اكەلۋى ءارى جۇڭگو مەن يسپانيا ساقشى جاعىنىڭ 2016- جىلى 12- ايدان بەرى قاراي، 3 جىلعا جۋىق ۋاقىت جۇمساپ ورىستەتكەن «ۇلى قورعان قيمىلىنداعى» قول جەتكىزگەن ەلەۋلى تابىسى.

 

ورتالىق تەلەۆيزياسىنىڭ ءتىلشىسى ما يۋان: بۇل ارا استانا اۋەجايىنىڭ 6- ءنومىرلى عيماراتى، بۇل رەتكى قىلمىسكەرلەردى تۇتقىنداپ اكەلۋ قيمىلىندا، جيىنى 94 ادام قولعا الىندى. بۇل 94 ادام قوعام حاۋىپسىزدىگى، پروكۋراتۋرا، سوت ورگاندارى قىزمەتكەرى بولىپ جاسانىپ، تەلەگراف، توراپ الدامشىلىعىمەن شۇعىلدانعان تايۋاندىق قىلمىس كۇماندىلارى. قارىزگە دەيىن، قوعام حاۋىپسىزدىگى مينيسترلىگى ىلگەرىندى- كەيىندى 3 رەت ۇشاق ۇيىمداستىرىپ، 225 ادامدى قولعا الدى. مۇنىڭ 218 ى تايۋاندىقتار. بۇل رەتكى ۇزاققا سوزىلعان ۇلى قورعان قيمىلى ساقشىلاردى اتتاندىرۋ قۋاتى ارتتىرىلعان، شەت ەلدەن تۇتقىنداپ، ايداپ اكەلگەن ادام سانى ءبىرشاما كوپ بولعان، دۇنيە جۇزىندەگى ءار ەلدىڭ زاڭ اتقارۋ سەلبەستىگى تاريحىنداعى جانە قىلمىسكەرلەردى وتكىزىپ بەرۋ تاريحىنداعى تۇڭعىش رەتكى قوماقتى ناتيجە جاراتقان قيمىل بولدى،- دەدى.

 

ۇعىسۋعا قاراعاندا، « ۇلى قورعان قيمىلى» ەلىمىزدىڭ تۇڭعىش رەت ەۆروپا ەلدەرىمەن بىرلەسىپ، تەلەگراف، توراپ الدامشىلعى سىندى زاڭعا قايشى قىلمىستىق ارەكەتتەرگە سوققى بەرۋ جونىندەگى ورىستەتكەن سەلبەستىك قيمىلى ءارى ەلىمىز ساقشى جاعىنىڭ شەكارا اتتاپ تەلەگراف، توراپ الدامكوستىگىنە سوققى بەرۋ سىندى زاڭعا قايشى قىلمىستىق ارەكەتتەرگە قاتاڭ سوققى بەرۋ قيمىلىنداعى كولەمى ەڭ زور، ناتيجەسى ەڭ قوماقتى بولعان تۇڭعىش قيمىلى. ءارى قايتادان باس كوتەرگەن تايۋان تەلەگراف، توراپ الدامشىلعى قىلمىستىق توبىن تالقانداۋمەن بىرگە، وسى تۇردەگى زاڭعا قايشى ارەكەتتەرگە پارمەندى سەس كورسەتىلگەن قيمىل بولدى.

 

قوعام حاۋىپسىزدىگى مينيسترلىگى قىلمىستىق ىستەر بارلاۋ مەكەمەسىنىڭ باستىعى ليۋ جۇڭ- ي: ەكى ەلدىڭ ساقشى جاعى دولونى بارلاۋدان باستاپ، دەلونى وتكىزىپ بەرىپ اقىرلاستىرعانعا دەيىن سەلبەستىك ورناتتى. 3 جىل ۋاقىت جۇمساۋ بارىسى حالىقارالىق زاڭ اتقارۋ تاريحىنداعى تۇڭعىش رەتكى اشىلعان جول بولدى. ءارى بۇدان كەيىنگى حالىقارالىق سەلبەستىككە تاماشا نەگىز قالاندى،- دەدى.

 

ول تاعى: كەزەكتە، جۇڭگو- بيرما شەكاراسىندا، شىعىس وڭتۇستىك ازيا رايونىندا جانە ءبىر توپ قىلمىستىلار توبى ءبىزدىڭ شەكارا ىشىندەگى حالىق بۇقاراسىنا زاڭسىز الدامشىلىق ىستەر ىستەپ كەلەدى. ءبىز كەزەكتە، قىلمىستى ەلەمەنتتەر قايسى مەملەكەتكە بارسا دا، ءبىز سوڭىنا دەيىن قۋىپ تۇتقىنداپ، حالىقتىڭ ءومىرى مەن مال- مۇلكىنىڭ اماندىعىن شىن مانىندە قورعاۋدى بەلسەندىلىكپەن ۇيىمداستىرامىز،- دەدى.

 

تانىسترۋعا قاراعاندا، 2016- جىلدىڭ العاشقى جارىم جىلىندا، قوعام حاۋىپسىزدىگى ورگاندارى بارلاۋ جۇرگىزىپ، تەكسەرۋ ارقىلى يسپانيادا قىرۋار تەلەگراف، توراپ الدامشىلىعىنىڭ ورىن تەۋىپ وتىرعانىن بايقاعان. سونداي- اق، ەلىمىز بۇقاراسىنىڭ الدامشىلارعا الدانىپ، قىرۋار اقشاسىنان ايىرىلىپ، الدانعان بۇقارا اۋىر زيانعا ۇشىراعان. سونىمەن بىرگە، بەيجيڭ، جياڭسۋ، جىجياڭ، گۋاڭدۇڭ سياقتى جەرلەردە ارت- ارتىنان 10 ميلليون يۋاننان استام اقشانىڭ دەلوعا شاتىلعانىن بارلاعان. قوعام حاۋىپسىزدىگى مينيسترلىگى بۇعان ايىرىقشا ءمان بەرىپ، 2016- جىلدان باستاپ ىلگەرىندى- كەيىندى كوپ رەت يسپانياعا ادام جىبەرىپ، زاڭ اتقارۋ سەلبەستىگىن ورىستەتىپ، يسپانيانىڭ مەملەكەتتىك ساقشى باس مەكەمەسىمەن بىرلەسىپ ارناۋلى دەلو گرۋپپاسىن ۇيىمداستىرىپ، تەلەگراف، توراپ الدامشىلعى ورىندارىن تەكسەرىپ، قىلمىس كۇماندىلارىن تاۋىپ، زاڭعا قايشى قىلمىس دالەلدەرىن جيناعان. دەلوعا قاتىستى سوما 120 ميلليون يۋانعا جەتكەن.

 

قوعام حاۋىپسىزدىگى مينيسترلىگى قىلمىستىق ىستەر بارلاۋ مەكەمەسى تەلەگراف، توراپ قىلمىسىن بارلاۋ باسقارماسىنىڭ باستىعى لوۋ شياندي: بۇگىن قىلمىس كۇمانى تاعىلعان 94 ادامدى بەيجيڭ، جياڭسۋ، جىجياڭ، گۋاڭدۇڭ قاتارلى ءتورت جەردەگى قوعام حاۋىپسىزدىگى ورگاندارىنىڭ دەلو باسقارۋ تاراۋلارى جەكە- جەكە الىپ كەتتى. بەيجيڭ قوعام حاۋىپسىزدىگى ورگاندارىنىڭ دەلو باسقارۋ تاراۋلارىنا قاراستى قىلمىستىلاردى سول جەردىڭ وزىندە ۇستاپ اكەتتى. قالعان قىلمىستىلاردى جوعارى قارقىندى تەمىر جولعا وتىرعىزىپ، قاراستى جەرلەرىنە ايداپ اكەتتى. وسى 4 جەردىڭ دەلو باسقارۋ تاراۋى الدىڭعى مەزگىلدە يسپانيا ساقشى جاعى بىزگە وتكىزىپ بەرگەن دالەل- ىسپات ماتەريالدارىنا نەگىزدەلە وتىرىپ، زاڭ بويىنشا دالەل- ىسپات ماتەريالدارىن الىپ، زاڭ بويىنشا ايىپتاۋ قىزمەتىن ورىستەتەدى،- دەدى.

 

قوعام حاۋىپسىزدىگى مينيسترلىگىنىڭ قاتىستى جاۋاپتىسى بىلاي دەدى: قوعام حاۋىپسىزدىگى ورگاندارى تەلەگراف، توراپتاعى زاڭعا قايشى قىلمىستىق ارەكەتتەرگە سوققى بەرۋ، جونگە سالۋ ارناۋلى ارەكەتىن ۇزدىكسىز ىشكەرلەي ىلگەرلەتىپ، حالىقارالىق جانە وڭىرلىك زاڭ اتقارۋ سەلبەستىگىن كۇشەيتىپ، سوققى بەرۋ ارەكەتىن جالعاستى ورىستەتىپ، ەل ءىشى- سىرتىنداعى الدامكوستىك جايىتتەردى تالقانداپ، زاڭسىز ەلەمەنىتتەردى زاڭ بويىنشا قاتاڭ جازالايدى. سونىمەن بىرگە، قوعام حاۋىپسىزدىگى ورگاندارى قالىڭ حالىق بۇقاراسىنا الدامشىلىقتان ساقتانۋ تانىمدارىن كۇشەيتىپ، الدانىپ قالۋدان ساقتانۋدى قاتاڭ ەسكەرتەدى.

 

 

دەرەككوزى: ورتالىق تەلەۆيزيا تورابى

اۋدارعان: قاليما بوقان قىزى (تورابىمىز ۇسىنىس ەتكەن ءتىلشى)


企业微信截图_20190612113358.jpg
企业微信截图_20190612115126.jpg
02.jpg
921286e2aed04b1b85d385f9c1de80e4_th.jpg
0b28a41a-8a7e-41a0-8684-9ecaf5d70dc1.gif