سوقىر بولمايىن دەسەڭ مىنالاردى ەسكەر
0
2019-06-12 15:38:00
|
كەلۋقاينارى:
|
جاۋاپتى رەداكتور :

 

كوز جانارى دەنەمىزدەگى البارىندى اعزانىڭ ءبىرى. كۇندەلىكتى تۇرمىستا، كوز اقاۋسىزدىعىنا اسەرىن تيگىزەتىن فاكتورلار مول. قىزمەتتىڭ قىسىمى اۋىر بولۋ، قيمىلداايتىن ۋاقىت پەن دەمالىستىڭ ازدىعى، ۋاقىتتىڭ دەنىن كومپيۋتەر، ۇيالى تەلەفونعا تەلمىرۋمەن وتكىزۋ كوز جانارىن قالجىراتىپ، كوزدى ءىسىندىرىپ، كوزدىڭ اقاۋسىزدىعىنا كەرى اسەرىن تيگىزەدى.

 

سمارتفون جالپىلاسقان بۇگىنگى تاڭدا، كوز قۇرعاۋ، كوزدىڭ قالجىراۋى كوپ ساندى ادامداردا كەزدەسەتىن قالىپتى جاعداي، ۇزاق ۋاقىت ەكرانعا تەلمىرۋ بارىسىندا ۇيالى تەلەفون مەن ەلەكتروندى ونىمدەردەن شىققان كوكشىل ساۋلە كوزدى بىرتىندەپ زياندايدى. سونىمەن بىرگە، جاستىڭ ۇلعايۋىنا ىلەسىپ كوزدىڭ كورۋ قۋاتى تومەندەپ، قوسانجار ماسەلە تۋىندايدى.

 

2012- جىلدان 2016- جىلعا دەيىن، ەلىمىزدەگى كوز اقاۋى بار ناۋقاستار سانى 87 ميلليون 400 مىڭ ادامنان 109 ميلليون 400 مىڭ ادامعا ارتىپ، جىلدىق ارتۋ سالىستىرماسى %8.5 كە جەتىپ، كوز اقاۋسىزدىعى ماسەلەسىمەن ەمدەلۋ سالىستىرماسىندا قاۋرت جوعارىلاۋ پايدا بولعان. جۋىقتاعى جىلداردان بەرى، بۇكىل ەلدەگى كوز تەكسەرتۋدەگى بايقالعان قالىپسىزدىق مولشەرى دە بارىنشا ارتقان، مۇنىڭ ىشىندە ورتا جاستاعىلار جانە قارتتاردىڭ كوز ماسەلەسى ايىرىقشا كورنەكتى بولىپ، كوز اقاۋسىزدىعى ماسەلەسى جۇڭگولىقتاردىڭ الدىنداعى قيىن قامالعا اينالعان.

 

انىعىندا، ەلىمىزدەگى كوپ ساندى قارتتار كوز السىرەۋ قاتەرىنە الدە قاشان ۇشىراپ وتىر. مۇنداعى سەبەپ، كوپ ساندى ورتا جاستاعىلار مەن قارتتار كوزىنەن ماسەلە بايقالسا دا ەمدەلۋدى كەشەۋىلدەتەدى، كوزدىڭ السىرەۋى جاسى ۇلعايعانداعى قالىپتى جاعداي دەپ ساناپ، كوزدىڭ اقاۋسىزدىق ماسەلەسىنە باسا ءمان بەرمەيدى.

 

بۇدان سىرت، سمارتفون داۋىرىندە كوپتەگەن ورتا جاستاعىلار مەن قارتتار ۇيالى تەلەفونعا قاراعاندى ۇناتادى، گازەت پەن تەلەۆيزوردىڭ ورنىنا تەلەفون ەكرانىنا شۇقشيادى، كەيدە قاراڭعى ورتادا قادالىپ وتىرادى، مىنە بۇل جاعداي كوزگە ەرەكشە زياندى.

 

كوزگە بايلانىستى تاعى دا ءبىر قانشا ناشار ادەتتەر دە بار، مىسالى از ساندى قارتتار عانا تولىمدى كوزىلدىرىك دۇكەنىنە بارىپ وزىنە كوزىلدىرىك دايىنداتادى. ال كوپ ساندى قارتتاردىڭ تاققان كوزىلدىرىگى ۇيلەسىمدى مە ەمەس پە دەگەندى ويلاسپايدى. كوزى جايسىزدانسا قولمەن بەتالدى ۋقالايدى، وسسىلاردىڭ ءبارى دە كوزدى زاقىمدايدى.

 

ونداي بولسا قايتۋ كەرەك؟ مىنا بىرنەشە ۇسىنىسققا نازار سالىڭىز:

1، كوزدى ەرتە باستان قورعاۋ تانىمىن ورناتۋ كەرەك

كوزدىڭ اقاۋسىزدىعى ماسەلەسىن كەيىنگە سىرىپ سوزۋعا بولمايدى، كوزدى مەرىزىم سايىن تەكسەرتىپ تۇرۋ، كوز قورعاۋ بىلىمدەرىن ۇيرەنۋ، جاقىندى كورە الماۋ كوز اۋىرۋىنىڭ پايدا بولۋ قاعيداسى مەن سەبەبىن ۇعىپ، كوز قورعاۋ تانىمىن جوعارىلاتۋ كەرەك.

 

2، كوز قورعاۋداعى تازالىققا ءمان بەرۋ كەرەك

كىتاپ وقۋ الدە كومپيۋتەرگە قاراۋدا ۋاقىت ۇزاققا سوزىلماۋى كەرەك، ءار 30- 40 مينۋتتا 10- 15 مينۋت دەمالىپ، الىسقا كوز سالىپ، كوزدى تىنىشتاندىرۋ كەرەك.

 

3، كوز جاتتىقتىرۋعا ءمان بەرىپ، كوز قورعاۋ گيمناستيكاسىن تاباندى ورىنداۋ كەرەك

بىرنەشە مينۋتتىق كوز قورعاۋ گيمناستيكاسىنىڭ رولىنا استە ءسال قاراماڭىز، ول قان اينالىمىن ىركىلىسسىزدەندىرىپ، كوز بۇلشىق ەتتەرىن بوساتادى، كوزدىڭ شارشاۋىن باسادى.

 

4، حورەكتىك ارقىلى كوز قورعاۋعا ءمان بەرىپ، كوزدىڭ حورەكتىگىن تولىقتاۋ كەرەك

كوز ءبولىمى حورەكتىگى سياندين، فيللوفلاۆين، تابيعيβ – كاروتين قاتارلىلاردى قامتيدى.

 

قىزامىقتىڭ قۇرامىنداغى سيانديننىڭ ءبىرشاما كۇشتى توتىقتانۋعا قارسى تۇرۋ رولى بار، ۇزاق ۋاقىت تۇتىنعاندا كوز تور قابىعىنداعى ۋلى حيميالىق زاتتاردى، ەركىن راديكال قاتارلىلاردى تازالايدى، كوز تور قابىعىنداعى رودوپسيننىڭ قالىپتاسۋىن ارتتىرىپ، كوز اينالاسىنداعى قان اينالىسى مەن ۇساق قانتامىردى جاسارتىپ، كوزدىڭ شارشاۋىن باسەيتەدى.

 

فيللوفلاۆين كوزگە قاجەتتى ءبىر ءتۇرلى تابيعي حورەكتىك ەلەمەنتى سانالادى. كوز تور قابىعىندا كورۋ قۋاتى ەرەكشە سەزىمتال سارى داق دەپ اتالاتىن ءوڭىر بار، وسى جەردە زور مولشەردە فيللوفلاۆين ساقتالعان. ونىڭ توتىعۋعا قارسىلىق قۋاتى ءارى نۇردان قورعاۋ ەرەكشەلىگى بار بولىپ، ءالسىز كوز نەرۆتەرىن قورعاپ، سارى داقتى زيانعا ۇشىراۋدان ساقتايدى. ادام دەنەسى وزدىگىنەن فيللوفلاۆين قالىپتاستىرا المايدى، ونىڭ ۇستىنە جاس شامانىڭ ۇلعايۋىنا ىلەسە تابيعي تۇردە كەميدى دە ۇزدىكسىز تولىقتاپ وتىرۋدى قاجەت ەتەدى.

 

كۇندەلىكتى تۇرمىستا، كوزىمىز ءار ءتۇرلى ساۋلەگە ۇشىرايدى، اسىرەسە كوپ ساندى قارتتار ەلەكتروندىق ونىمدەردى كورۋدى ۇناتۋدا، ەلەكتروندىق بۇيىمداردان شىققان كوك ساۋلە كوزگە تۇسكەننەن كەيىن فيللوفلاۆين كوك ساۋلەنى سىمىرۋگە جاردەم جاسايدى.

 

تابيعيβ – كاروتين ادام دەنەسىندە ۆيتامين A عا وزگەرەدى، ۆيتامين A كوزدىڭ قۇرعاۋىن باياۋلاتىپ، كوزدىڭ قاراڭعىعا ۇيلەسۋ قۋاتىن كۇشەيتەدى. كەرىسىنشە بولعاندا، ۆيتامين A كەم بولسا، كوز وڭاي قۇرعاپ، كورۋ قۋاتىنىڭ قاراڭعى ورتاعا ۇيلەسۋ قۋاتى تومەندەيدى.

 

جوعارىداعى بىرنەشە ءتۇرلى ەلەمەنت كوزدىڭ سالاماتتىعىنىڭ تومەندەۋ ماسەلەسىن شەشىمدەيدى. ءار جىلعى 6-ايدىڭ 6-كۇنى بۇكىل مەملەكەتتىك كوز قورعاۋ كۇنى، كوپ ورىندار ماعىنالى قيمىلدار وتكىزدى، ءتىپتى دە كوپ ادامداردىڭ كوز اقاۋسىزدىعى ماسەلەسىنە اناعۇرلىم كوڭىل بولە باستادى.

 

وسى كەسكىن ارقىلى كوپشىلىكتى قوس جانارلارىنا كوڭىل ءبولىپ، ەرتە باستان كوزدەرىن قورعاۋعا ۇندەيمىز.

 

 

«شينحۋا اگەنتتىگى» ۋيچات تەكشەسىنەن

اۋدارعان: قۋات جۇماش ۇلى ( تورابىمزدىڭ ۇسىنىس ەتىلگەن ءتىلشىسى )


企业微信截图_20190612113358.jpg
企业微信截图_20190612115126.jpg
02.jpg
921286e2aed04b1b85d385f9c1de80e4_th.jpg
0b28a41a-8a7e-41a0-8684-9ecaf5d70dc1.gif