الەم تانىعان ايگىلى ءونىم-شيحۋ سىراسى
0
2019-07-10 13:12:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :داۋىل

قالانىڭ اتىمەن اتالعان تاۋار ماركاسىنىڭ قۇنىن ابدەن تانىپ، ونىڭ قۇنىن الەم تانيتىن ايگىلى ماركا دارەجەسىنە كوتەرىپ، سونىمەن بىرگە، ونى ءوز جەرىنىڭ ەكونوميكالىق، قوعامدىق دامۋى ءۇشىن ىرىقتى تۇردە قىزمەت ەتتىرىپ وتىرعان شيحۋ قالاسىنىڭ جۇيەدەن شينجياڭ شيحۋ سىراسى شەكتى جاۋاپكەرشىلىك سەرىكتەستىگىنىڭ ەرەسەن ناتيجەسىنە تاڭداي قاقپايتىن، شيحۋدىڭ اتاعىن اسپانداتقان شيحۋ سىراسىنا تامسانبايتىندار كەمدە كەم شىعار -اۋ. تيانشاننىڭ سولتۇستىك بوكتەرىندەگى ەكونوميكالىق بەلدەۋدە، ەڭ ەرتەدەگى جەرگىلىكتى ايگىلى ماركالارىنىڭ ءبىرى ەسەبىندە، شيحۋ سىراسى بۇگىنگى كۇنى الەمنىڭ ايگىلى ماركالارىنىڭ قاتارىنان ويىپ ورىن الدى. شيحۋ سىراسى تەك سىرا ماركاسى عانا ەمەس، قالا تانىسقىسى تۇرعىسىندا كوپكە تانىمال.


جاڭا جۇڭگو قۇرىلعاندىعىنىڭ 70 جىلدىعى قارساڭىندا، كاسىپورىنداردىڭ ەسەيىپ - ەرجەتۋى مەن كەشىرمەلەرىن تانىستىرىپ، ءتۇرلى ەكونوميكالىق ۇلەستەردى كورنەكتىلەندىرىپ، كاسپورىنداردىڭ قوعام دامۋى مەن شارۋاشىلىقتىڭ وركەندەۋى، سونداي-اق كاسىپتەندىرۋ جاعىندا اتقارىپ وتىرعان رولىن باسا دارىپتەۋ ماقساتىندا، تىلشىلىك ۇيىرمەمىز شيحۋ قالاسىنداعى شينجياڭ شيحۋ سىراسى شەكتى جاۋاپكەرشىلىك سەرىكتەستىگىنە بارىپ احۋال ۇعىسۋدى ءجون كوردىك.


شينجياڭ شيحۋ سىراسى شەكتى جاۋاپكەرشىلىك سەرىكتىگىنىڭ باس ديرەكتورى يان جاۋجيۇننىڭ سەرىك بولۋىندا، ءوندىرىس جەلىلەرىن ارالاپ، سەحتاردى كوزدەن كەشىرىپ، قاراپايىم جەرلىك كارحانادان اتاعى الاتاۋداي الەمدىك سەرىكتىككە اينالعان سەركە كاسپورىننىڭ ءوسىپ جەتىلۋ تاريحىمەن تانىستىق. قويعان ساۋالدارىمىزعا ەكىلەنبەي جاۋاپ قايتارىپ وتىرعان يان ديرەكتوردىڭ ىسكەرلىگى ءسوز الپەتىنەن مەنمۇندالاپ تۇر.


ءتىلشى: شينجياڭدا شيحۋ سىراسى سىندى كەرەمەت سۋسىن بار ەكەنىن بىلمەيتىندەر جوقتىڭ قاسى. شينجياڭعا كەلگەن قوناقتار شيحۋ سىراسىنان ءدام تاتپاي كەتپەيدى دەپ ەستيمىز. بۇگىن مىنەكي، شيحۋ سىراسىنىڭ قاينار كوزىنە كەلىپ وتىرمىز، سەرىكتىكتەرىڭىزدە جاسىل سىرا، قىزىل سىرا وندىرىلەتىنەن حابارىمىز بار. تاعى قانداي جاڭا سورتتار بار، مۇمكىن بولسا، ءونىم مولشەرى جاعىن اشالاپ ايتا كەتسەڭىز؟


يان ديرەكتور: سىرا زاۆودىنىڭ بىرنەشە جەردەگى ءوندىرىس جەلىلەرى التىن سارى ءتۇستى جانە جاسىل ءتۇستى قۇمىرالى سىرالاردى وندىرۋدە. قوڭىر ءتۇستى بوتەلكەدەگى سىرا وتكەن جىلى جاسالعان جاڭا سورتتى ءبيداي سىراسى؛ ال جاسىل ءتۇستى اينەك بوتەلكەنى حالىق «ۇلكەن شيحۋ سىراسى » دەپ اتاپ كەتكەن.



1986-جىلى ەندى عانا قۇرىلعان كەزدە، سىرا ءونىم مولشەرى جىلىنا نەبارى 5000 توننا بولاتىن. تەحنيكا جاڭالانعاننان كەيىن، قازىر شيحۋداعى بولىمشە سىرا زاۆودىنىڭ جىلدىق ءونىم قۇنى 20 مىڭ تونناعا تايادى، بۇكىل شينجياڭدا شيحۋ سىراسى 5 جەردەگى بولىمشە زاۆودتاردا وندىرىلەدى، بازاردى 500 مىڭ تونناعا جۋىق سىرا ونىمدەرىمەن قامداپ وتىرمىز.

توراپتا كەڭ تارالعان، «قىزىل شيحۋ سىراسى » ەلىمىزدەگى 30 نەشە ولكە، قالادا كۇسەت ساتىلۋدا. شيحۋ قالاسىنداعى سىرا زاۆودى شيحۋ سىراسىنىڭ ءتۇيىندى ءوندىرىس شوعىرى رەتىندە شينجياڭدى جەتكىلىكتى سىرا ونىمدەرىمەن قامداۋدا.

2018 ـ جىلى، شيحۋ سىراسىنىڭ شينجياڭنان تىس جەرلەردەگى ساتىلىم مولشەرى وتكەن جىلداعىدان 4 ەسە ارتتى، تۇتاس تۇلعالىق ناتيجە تاريحتاعى ەڭ جوعارى دەڭگەيگە ياكي 400 مىڭ تونناعا جەتتى؛ 2019 ـ جىلدان قازىرگە دەيىن تۇتاس تۇلعالىق ساتىلىم مولشەرى ۇزدىكسىز ارتىپ كەلەدى، شينجياڭنىڭ سىرتىنداعى ساتىلۋ مولشەرى گەومەتريالىق جاقتان ەسەلەپ مولايۋدا، ىشكى ساناق بويىنشا 8-ايعا دەيىن، تۇتاس جىلدىق ساتىلۋ مولشەرى ورىندالىپ بولادى، تۇتاس جىلدىق ساتىلۋ مولشەرى مولشەرمەن 500 مىڭ توننادان اسۋى مۇمكىن.


ءتىلشى: ءوندىرىس قۋاتىنىڭ ارتۋى مەن ساتىلۋ مولشەرىنىڭ ەسەلەنۋىنە بايلانىستى، شيحۋ سىراسى جەرگىلىكتى ورىننىڭ ەكونوميكاسى مەن كاسىپ جاعدايىنا نەداۋىر زور قوزعاۋشى كۇش الا كەلگەندىگى داۋسىز، شيحۋ قالاسىنىڭ سوڭعى جىلداردان بەرگى ەكونوميكالىق ءال اۋقاتىندا، ونەركاسىپ ەكونوميكاسىنىڭ تەڭ جارىمىنان ارتىق ۇلەستى يەلەپ، % 60 كە جەتكەندىگى وسىنى ايعاقتايدى. شيحۋ سىرا مەرەكەسىن وتكىزۋدە، العا قويعان ماقساتتارىڭىز: شيحۋ سىراسىنىڭ ات-اتاعىنان پايدالانىپ، شيحۋ قالاسىنىڭ ونەركاسىبىنىڭ وركەندەۋ جاعدايىن تانىستىرۋما؟


يان ديرەكتور: شيحۋ سىراسى شيحۋدىڭ اتىمەن اتالعان، ال شيحۋ قالاسىنىڭ اتى شيحۋ سىراسى ارقىلى ايگىلى بولدى. شيحۋ سىراسىنىڭ دامىپ زورايۋى شيحۋدىڭ ونەركاسىپ ەكونوميكاسىنىڭ دامۋىنىڭ ىقشام كورىنىسى، ول جەرگىلىكتى كاسىپورىننان بۇكىل شينجياڭداعى ايگىلى كاسىپورىنعا، بۇكىل شينجياڭداعى ايگىلى كاسىپورىننان بۇكىل ەلگە ءتىپتى الەمگە بەت الدى.

ءتىلشى: ارينە، ماقتان تۇتۋعا تاتيدى. 33 جىلدان بەرى، شينجياڭ شيحۋ سىرا شەكتى جاۋاپكەرشىلىك سەرىكتىگى جەرگىلىكتى كاسىپورىننان حالىقارالانۋعا بەت الدى، اتالعان كاسىپورىننىڭ ۇشقان قۇستاي دامۋى شينجياڭنىڭ رەفورما جاساپ، ەسىك اشۋىنىڭ ۇشقان قۇستاي دامىعاندىعىنىڭ كارتيناسى سپەتتى.


يان ديرەكتور: شيحۋ سىراسى ءوز جەرىنەن حالىقارالانۋعا بەت الدى، شيحۋ سىراسى شينجياڭنىڭ ەكونوميكاسى مەن قوعام دامۋىمەن ىلەسە دامىپ كەلەدى.، 33 جىلدىق دامۋ بارىسىندا شيحۋ سىراسىنىڭ مىناداي بىرنەشە ماڭىزدى تاريحي بۇرىلىستارىن ەسكە الۋعا تاتيدى.



1986-جىلى شيحۋ سىراسى رەسمي وندىرىسكە قوسىلىپ، تۇڭعىش شيحۋ سىراسى دۇنيەگە كەلدى.

1993-جىلى شيحۋ سىراسى ەكى رەتكى تەحنيكالىق وزگەرىستى باستان كەشىرىپ، ءوندىرىس قۋاتىن جوعارىلاتتى.

1995-جىلى شيحۋ سىراسى قازاقستانعا ەكسپورت ەتىلىپ، الەمگە بەتالدى.

1998-جىلى شيحۋ سىراسى شەكتى جاۋاپكەرشىلىك سەرىكتىگىنىڭ قۇلجا سىرا زاۆودى اشىلدى. مەملەكەت مەنشىگىندەگى كاسىپورىن تۇزىمىنە رەفورما جاسالدى. مەملەكەتتىڭ مەملەكەت يەلىگىندەگى كاسىپورىندار تۇزىمىنە رەفورما جاساۋ تالابىنا ساي، شيحۋ سىراسى الدىمەن رەفورما جاساپ، بازار شارۋاشىلىعى جولىنا ءتۇستى. بارلىق ادام جارنا ۇستاۋدان، تيجاراتشىلاردىڭ ءىرى جارنا ۇستاۋىنا دەيىنگى تۇزىمدىك ىزدەنىس ارقىلى شيحۋ سىراسى شينجياڭنىڭ ىشكى بازارىندا ءساتتى تابان تىرەپ تۇردى.

2000 - جىلى شيحۋ سىراسى شينجياڭنىڭ ورتالىق قالاسى ۇرىمجىگە ىرگە تەپتى، سول جىلى ءوندىرىس قۋاتى 180 مىڭ تونناعا جەتتى.

2013 ـ جىلى ەۆروپاداعى دانيادان كەلگەن حالىقارالىق سىرا ماركاسى لىباۋ ءۇرىمجى سىرا زاۆودىندا ءساتتى ىسكە قوسىلدى.

2015 ـ جىلى، ياعني اراعا 20 جىل تاستاپ، شيحۋ سىراسى قازاقستانعا تاعى دا ەكسپورت ەتىلدى.

2016 ـ جىلى شيحۋ سىراسى دانيانىڭ CARLSBERG جياشبو سىراسى سەرىكتىگىنىڭ قاراماعىنداعى تولىق كاپيتالدى سەرىكتىككە اينالدى، شيحۋ سىراسىنىڭ بۇل جولعى ساتىپ الىنۋى بازار مەن شەكارا اتتاعان كاپيتالدىڭ ءبىرىن ـ ءبىرى باۋراۋى سىندى ءبىر ىرعاقتى تاڭداۋلى تۋىندى بولدى، وسىدان باستاپ شيحۋ سىراسى مەن CARLSBERG جياشىبونىڭ ياعني شىعىس پەن باتىس مادەنيەتىنىڭ توعىسۋىنان سۇبەلى ناتيجەلەر بارلىققا كەلدى.


ءتىلشى: الەمدىك تانىمالدىق قاي جاقتاردان ايقىن كورىنىس تابادى؟


يان ديرەكتور: شيحۋ سىراسى مەملەكەتتىك باسقارۋ تاجىريبەسىنىڭ ۇلگىسىن ۇزدىكسىز قابىلداپ، كاسىپورىن باسقارۋ، تەحنيكالىق دارەجەسىن جوعارىلاتۋ، مادەنيەت قابىلداۋ، ايگىلى ماركالاردا جاڭالىق اشۋ، بازاردى ورنالاستىرۋ جاقتارىندا جۇڭگو مەن باتىستىڭ ەرەكشەلىكتەرىن ءوز بويىنا ءسىڭىرىپ، جەرلىك ايشىقتى بۇزباي، شيحۋ سىراسى دەگەن ماركانى الەمگە تانىتا ءبىلدى.

سوڭعى جىلداردان بەرى، شيحۋ سىراسى ءوز جەرىنىڭ بازار سيىمدىلىعى شەكتى، كاسىپ سالاسىنىڭ باسەكەلىك قىسىمى اۋىر بولعان جاعدايدا، قامداۋ جاعىنداعى ءبىرقىدىرۋ قۇرىلىمدىق رەفورما جۇرگىزدى، اسىرەسە، 2018 ـ جىلدان بەرى تۇتىنۋدىڭ دارەجەسىن جوعارىلاتىپ، بازاردىڭ اقتاڭداق ورنىن يگەرىپ، بازاردى ىشكەرىلەي زەرتتەپ، ەگجەي ـ تەگجەيلى ورنالاستىرۋلار جاساپ، شيحۋ سىراسىنىڭ ءتۇر-ءتۇرىن جاڭالاپ، تىڭ دامۋ بەتالىسىن قاراستىردى.


عالامتور جەلىسىندە ساتۋدى ۇزدىكسىز جانداندىرۋ ارقىلى شيحۋ سىراسى جيڭدۇڭ توراپ بازارىنان ويىپ ورىن الىپ، توراپتىق تۇتىنۋ ۇلگىسىندەگى جاڭا ساتۋ ارناسىن اشتى. شيحۋ سىراسى شينجياڭنىڭ سىرتىنداعى بازار سالاسىن ۇزدىكسىز كەڭەيتىپ، شيحۋ سىراسىن بۇكىل ەلدەگى 30 نەشە ولكە، اۆتونوميالى رايون، توتە قاراستى قالاعا ساتىپ، جەرگىلىكتى سىرا ماركالارىنىڭ ىشىندە ءوڭىر اتتاپ ساتۋ قارقىنى وتە جىلدام بولعان سىرا ماركالارىنىڭ بىرىنە اينالدى. سونىمەن بىرگە،«ءبىر بەلدەۋ ، ءبىر جول» باستاماسىنا بەلسەنە ءۇن قوسىپ، جىبەك جولى ەكونوميكالىق بەلدەۋى بويىنداعى ەلدەر بازارىن دا يەلەي باستادى. اشىق بازار جۇيەسى، حالىقارالانعان باسقارۋ ۇلگىسى شيحۋ سىراسىنىڭ بۇگىنگى تولاعاي تابىسى. بولاشاقتا شيحۋ سىراسى مەملەكەتتىڭ وڭىرلىك جانە ەكونوميكالىق ابزال ساياساتىنا سۇيەنىپ، حالىقارالانعان دامۋ وي جەلىسىن ارقاۋ ەتىپ، حالىقتىق مادەنيەتتەن بويىنا قۋات الىپ، ۇلى جۇڭحۋا مادەنيەتىنە مۇراگەرلىك ەتىپ، حالىقارالىق بەتالىستى ايقىنداپ، اناعۇرلىم تاماشا بولاشاق جاراتاتىندىعىنا سەنەمىز.

وتكەن سانداردا


ليۋ شۋەگاڭنىڭ ارمانى- شينجياڭداعىءار ۇلت حالقىءۇشىن قىزمەت وتەۋ

اسەم دە الۋەتتى قالا-شيحۋ

00.jpg
00.jpg
00.jpg
00.jpg
00.jpg