بىلەكسىز بولسا دا اكەڭ، قورعانسىز ەمەسسىڭ سەن
0
2019-07-10 17:06:00
|
كەلۋقاينارى:
|
جاۋاپتى رەداكتور :

 

تاعدىر پەندەگە ءتۇرلى سىناقتار قويىپ، ونىڭ جىگەرىن سىنايدى دەيدى.

 

ويلاماعان جەردەن تۋىلعان ۋاقيعا ونىڭ 13 جاسىندا ەكى بىلەگىنەن ايىردى. قازىر ول ەشكىمنىڭ كومەگىنسىز،تاماق ىستەپ، كىر جۋىپ، بالاسىن باعىپ جۇر.

 

لياۋنيڭ ولكەسى تيەليڭ قالاسى چاڭتۋ اۋدانىندا قوس بىلەگىنەن بىردەي ايرىلسا دا قايسارلىعىمەن ءوز تۇرمىسىن ءوزى مەڭگەرۋدەن تىس، 9 ايلىق ۇلىن اسىراپ وتىرعان ازامات، ماڭايىنداعىلاردىڭ قۇرمەتىمەن القاۋىنا بولەنىپ جۇر.

 

بىلەكسىز اكە، ۇلىن ءوزى جۋىندىرادى

 

«قايناتام سىرقاتتانىپ قالىپ، كەلىنشەگىم تۇركىنىنە بارىپ قارايلاسپاسا بولمايتىن بولدى....»

 

كەلىنشەگى ۇيدە بولماعان وسى كۇندەرى ۋاڭ گاڭ ۇلىن ەشكىمگە جاۋتاڭداتپاي – اق ءوز قارادى.

 

- ۇلىم، اكەڭ ارقاڭدى ىسىپ تازالاپ جۋىندىرىپ قويسىن، اقىلدىسىڭ عوي ءا قۇلىنىم....

 

7- ايدىڭ 8- كۇنى ۋاڭ گاڭ ءتىلى ءالى تولىق شىعا قويماعان ۇلىمەن اڭگىمەلەسە وتىرىپ، اياعىنا ورامالدى قىسىپ الىپ، ۇلىنىڭ دەنەسىن ەپپەن سۇرتىپ شىقتى.

 

33 جاستاعى ۋاڭ گاڭ قوس قولىنان ايرىلعان سوڭ، تاعدىردىڭ ماڭدايعا تيگەن تاسىنا قارسى تاس اتۋدىڭ ورنىنا، شىبىن جانىنىڭ قالعانىنا شۇكىرشىلىك ەتىپ، قول ورنىنا اياعىمەن بار شارۋانى ىستەۋگە كوندىككەن.

 

ۋاڭ گاڭنىڭ ۇلى بيل 9 ايدان ەندى عانا اسقان، كۇننىڭ شىلىڭگىر ىستىعىندا، بالانى جۋىندىرۋعا تۋرا كەلەدى، پىسىق ايەلدىڭ ەكى قولىن بايلايتىن بالانىڭ شارۋاسى، ۋاڭ گاڭداي كەمتار جاندى قىنجىلتپادى.

 

ول الدىمەن ءبىر ۇلكەن سۋلياۋ تەگەنەنى جەرگە قويىپ، ونان سوڭ تەگەنەگە اياعىمەن سۋ قۇيىپ، ۇلىن وتىرعىزىپ، ورامالدى اياعىنا قىسىپ الىپ ۇلىن جۋىندىردى.

 

بالانى جۋىندىرىپ قانا قالماي، كيىمىن كيگىزۋگە دە شەبەر ەدى. « بالام –اۋ، قولىڭدى سوزىپ جىبەر، ەندى وتىرا عوي، اكەڭ كيىمىڭدى كيدىرىپ جىبەرسىن»، ۇلى دا اكەسىنىڭ جايىن ۇعىناتىنداي قوس قولىن كوتەرىپ وعان سايكەسەتىن ءسابي ساناسىنا اكە دە ءماز ەدى.

 

جالعىز ءوزى بالا باعۋ ادەتتە دەنساۋلىعى قالىپتى اكەلەردىڭ دە قولىنان كەلە بەرۋى ناعايبىل، ءبىراق، قوس بىلەگىنەن ايرىلعان ۋاڭ گاڭ مۇنى ەلەڭ قۇرلى كورمەيتىن. بالانىڭ تاماعىن قالاي جاساپ بەرەتىنىن سۇراعان تىلشىگە: وتباسىمىزدىڭ شارت –جاعدايى تىم شىركىن –اي بولماعان سوڭ، بالانى ومىراۋدان ەرتەرەك ايىرعانبىز، قازىر نەگىزىنەن ءبىز نە جەسەك سونى جەيدى، كەيدە جۇمىرتقا بالكۇلشەسىن بۋعا پىسىرىپ بەرىپ، قالاقپەن بەرەمىن- دەدى.

 

 

 

بىلەكسىز اكە، قالىپتى اكەلەردەي ۇلىن قۇشىپ باۋىرىنا باسىپ «قۇشاقتادى» الادى

 

جاز كۇندەرى ۋاڭ گاڭ جوعارى دەنەسىن جالاڭاش ۇستايتىن، قوس بىلەگىنىڭ جوقتىعىن جاسىرىپ مازالانبايتىن، كەرىسىنشە ول بالا كوتەرۋگە ارنالعان تارتپامەن ۇلىن كوتەرىپ« قۇشاقتاپ » قىستاقتى ارالاپ شىعادى.

 

- تاماق ءىشۋ، كيىم كيۋ، بالا كوتەرۋ دەگەننىڭ ءبارى كۇندەلىك تۇرمىستاعى كىشى –گىرىم جۇمىستار عوي، ساۋ دەنەلى ادام ءۇشىن مۇمكىن جۇمىس سانالماس، الايدا قوس بىلەگىنىڭ ورىنىنا اياعىن جۇمسايتىن كەمتار جان جونىنەن العاندا وڭاي –وسپاق ءىس ەمەسى انىق، اسىرەسە، العاشىندا قايقاڭداۋ كەلدى- دەدى ۋاڭگاڭنىڭ كورشىسى.

 

ول اياعىن قولدىڭ ورىنىنا پايدالانۋ ءۇشىن سان –ساناقسىز جاتتىعۋلار جاساعان، يكەمى كەلمەگەندە جىلاعان، جىلاي جۇرىپ ءار ءبىر شارۋاعا جاتىلعان ەكەن.

 

قۇلشىناتىن اكە بولامىن

 

ۋاڭ گاڭنىڭ اكە –شەشەسى دۇنيەدەن ءوتىپ، تەك ءبىر اپەكەسى عانا بار.

 

- باۋىرىما شىنىندا وڭاي ەمەس، مەن الىسقا ۇزاتىلدىم، جايشىلىقتا جۇگىرىپ بارىپ قارايلاسا المايمىن، ول دا ماعان اۋرەشىلىك اكەلۋدەن الاڭداي ما؟ كوپ حابارلاسپايدى- دەدى ۋاڭ گاڭنىڭ اپەكەسى تىلشىگە.

 

ۋاڭ گاڭ كەزىندە قىزمەت ىستەمەك بولىپ ىزدەپ كورىپ ەدى، ءبىراق ونى ەشكىم قابىلداي قويمادى، تۇمسىعى تاسقا تيگەن ول:« ءومىر بويى باسقالاردىڭ كومەگىنە سۇيەنىپ ءومىر سۇرە المايمىن، ەگەر جاعداي ءبىرى جاعىنان سيىر باعىپ، ۇلىم ەكەۋمىزدىڭ تۇرمىسىمىزدى ارناسىنا ءالى ەرتەڭ تۇسىرىپ الاتىن بولامىن»- دەدى ول.

 

-ەڭ جاقسى اكەمىن دەي المايمىن، الايدا بارىنشا قۇلشىناتىن، قيىندىققا مويىمايتىن اكە بولىپ، ۇلىما ۇلگى بولامىن- دەدى ۋاڭ گاڭ.

 

 

 

00.jpg
00.jpg
00.jpg
00.jpg
00.jpg