التى وقۋشىنى ولتىرگەن قاندى قولعا ٴولىم جازاسى كەسىلدى
0
2019-07-10 17:09:00
|
كەلۋقاينارى:
|
جاۋاپتى رەداكتور :

 

لياۋنيڭ ولكەسى جيانچاڭ اۋدانىنداعى قاتەرلى تاسىلمەن الەۋمەتتىك اماندىققا زالال جەتكىزۋ دەلوسىنىڭ ٴبىرىنشى سوت ۇكىمى جاريالانىپ، حان جيحۋا ٴولىم جازاسىنا كەسىلدى.

 

2019-جىلى 7-ايدىڭ 9-كۇنى، لياۋنيڭ ولكەسى حۋلۋداۋ قالالىق ورتا دارەجەلى حالىق سوتى مەكەمەسى ايىپكەر حان جيحۋانىڭ قاتەرلى تاسىلدەرمەن الەۋمەتتىك اماندىققا زالال جەتكىزۋ دەلوسىنىڭ ۇكىمىن اشىق جاريالادى. ۇكىمدە ايىپكەر حان جيحۋا قاتەرلى تاسىلمەن الەۋمەتتىك اماندىققا زالال جەتكىزۋ قىلمىسىن وتكىزگەن دەپ تۇراقتاندىرىپ، ٴولىم جازاسىن بەرىپ، ساياسي ۇقىعىنان ومىرلىك ماقۇرىم ەتىلدى. سوت مەكەمەسى وسى دەلونىڭ قوسىمشا ازاماتتىق ىستەر بولەگىنە دە ۇكىم جاريالادى.

 

تەكسەرۋ ارقىلى ايىپكەر حان جيحۋانىڭ ادامدار ارا قارىم-قاتىناس، تۇرمىس باسىمى، ەرلى-زايىپتىلاردىڭ ارازدىعى سياقتى تۇرمىستاعى ۇساق-تۇيەك ىستەر سەبەبىنەن تاياز ويلاپ، ٴارى وسىعان بولا اۆتوكولىكپەن ادام سوعۋدى جوسپارلاعاندىعى انىقتالدى.

 

2018-جىلى 11-ايدىڭ 22-كۇنى ساعات 11 دەن 30 مينۋت وتكەندە، حانجيحۋا اكەسى حان يۇيشىڭنىڭ 辽CSF060 ٴنومىرلى قارا ٴتۇستى اۋدي ماركالى اۆتوكولىگىن ايداپ، جيانچاڭ اۋدانى قالا رايونىندا دەلو تۋدىرۋ ورايىن كۇتكەن. ساعات 12 دەن 18 مينۋت وتكەندە، حۇڭچي كوشەسىندەگى جيانچاڭ اۋداندىق 2- باستاۋىش مەكتەبىنىڭ ماڭىنداعى جولدان وتكەندە، وسى مەكتەپتىڭ وقىتۋشىسى ۋاڭ چيۋليڭ مەن ما لان 60 تان استام وقۋشىنى باستاپ، جولدان ٴوتىپ، جولدى بويلاپ باتىسقا قاراي قاتار ٴتىزىلىپ جۇرگەن. ايىپكەر حان جيحۋا وسى وقىتۋشىلار مەن وقۋشىلاردى اۆتوكولىكپەن باستىرۋدى باستى نىسان ەتىپ، جالما-جان اۆتوكولىكتى تەز قارقىنمەن كەرى باعىتتا ايداپ، ادامداردى سوعىپ باستىرعان سوڭ، ناق مايداننان قاشىپ كەتكەن.

 

سول كۇنى ساعات 12 دەن 52 مينۋت وتكەندە، ساقشىلار 306 مەملەكەت تاس جولى جيانچاڭ اۋدانى باجيازى اۋىلى چيڭشىليڭ جول بولەگىندە حان جيحۋا ايداعان اۋدي اۆتوكولىگىن زورلىقپەن توقتاتىپ، ونى قولعا تۇسىرگەن. ايىپكەر حان جيحۋانىڭ وسى جولعى اۆتوكولىكپەن ادامداردى سوعۋىنان 6 وقۋشى ٴولىپ، 20 ادام ۇقساماعان دارەجەدە جارالانعان.

 

سوت مەكەمەسى بىلاي دەپ قارادى: ايىپكەر حان جيحۋا تۇرمىستاعى ساتسىزدىككە بولا تاياز ويلاپ، شەرىن تارقاتۋ جانە قوعامنان ٴوش الۋ ٴۇشىن، اۆتوكولىكپەن كوپ ادامدى سوعىپ باستىرعان سوڭ، ناق مايداننان قاشىپ كەتكەن. ناتيجەدە 6 ادام ٴولىپ، 20 ادام جارالانعان، مۇنىڭ ىشىندە ولگەن 6 ادام تۇگەلدەي وقۋشى، جارالانعانداردىڭ ىشىندە 18 وقۋشى بار. ايىپكەر الەمەتتىك اماندىققا اۋىر زالال جەتكىزگەن، ونىڭ بۇل ارەكەتى قاتەرلى تاسىلدەرمەن الەۋمەتتىك اماندىققا زالال جەتكىزۋ قىلمىسىن قالىپتاستىرعان، زاڭ بويىنشا جازالانۋى ٴتيىس.

 

الەۋمەتتىك ايىپتاۋ ورگانى شاعىم ايتقان قىلمىس فاكىتى جانە قىلمىس اتىن تۇراقتاندىرۋعا بولادى، ونى قولداۋ ٴتيىس. ايىپكەر حان جيحۋانىڭ قىلمىس وتكىزۋ ماقساتى توتەنشە سۇرقيا، سوبيەكتيۆتىك حاۋپى توتەنشە اۋىر، قىلمىس ٴتاسىلى قاتىگەز، بۇل ادامدى قاتتى ىزالاندىرادى، دەلو تۋىلعان ناق مايدانداعى ايانىشتى جاعداي ادامدى توتەنشە تىكسىندىرەدى. ونىڭ قىلمىسى الەۋمەتتىك اماندىققا اۋىر زالال جەتكىزىپ، مەملەكەت زاڭىنا قايشىلىق جاساۋمەن بىرگە، ادامگەرشىلىكتەن بەزىپ، جول-جوسىننان اتتاعان ارەكەت. ايىپكەر حان جيحۋا اكە بولعاندىقتان، زاڭ ارينە بارلىق ادامنان «ٴوزىڭ بالاڭدى باعىپ تاربيەلەگەندە، باسقانىڭ بالاسىندا ۇمىتپا» دەگەندى تالاپ ەتپەيدى، ٴبىراق بەيگۇنا جانداردى ولتىرۋگە استە جول قويمايدى. ايىپكەر حان جيحۋانىڭ ارەكەتى زاڭ جانە ٴمورال ولشەمىنەن اۋىر دارەجەدە اتتاپ، قوعامنىڭ الەۋمەتتىك ٴتارتىبى مەن تاماشا سالت-ساناعا اۋىر سوققى بولىپ، زيانكەستىككە ۇشىراۋشىلاردىڭ وتباسىنا ورنى تولمايتىن زيان تۋدىرعان. ايىپكەر حان جيحۋا قولعا تۇسكەن سوڭ ٴوزىنىڭ قىلمىسىن قاز-قالپىندا مويىنداپ، سوتتا قاراۋ بارىسىندا قىلمىسىن تانىپ، رايىنان قايتقان، زاڭ بويىنشا قىلمىسىن قاز-قالپىندا مويىنداۋعا جاتادى، ونىڭ ۇستىنە بۇرىن قىلمىس وتكىزبەگەن، الايدا قىلمىس زاردابى توتەنشە اۋىر، قىلمىس ٴتاسىلى توتەنشە جيرەنىشتى، جەڭىلدەتىپ جازالاۋعا بولمايدى. سوت مەكەمەسى ايىپكەردىڭ قىلمىس فاكىتى، سيپاتى، سالماعى جانە قوعامعا زالال جەتكىزۋ دارەجەسىنە قاراي وتىرىپ، زاڭ بويىنشا جوعارىداعى ۇكىمدى شىعاردى.

 

ۇكىم جاريالانعاننان كەيىن، ايىپكەر حان جيحۋا قىلمىسىن موينىنا الىپ، ۇكىمگە مويىنسال ەكەنىن، جوعارىلاپ ارىزدانبايتىنىن ٴبىلدىردى.

 

دەلونى قاراۋ بارىسىندا، حۋلۋداۋ قالالىق ورتا دارەجەلى حالىق سوتى مەكەمەسى قىلمىستىق ىستەر ارىز-شاعىم زاڭىنىڭ بەلگىلەمەسىنە قاتاڭ بويسۇنۇپ، ايىپكەرگە زاڭ بويىنشا اقتاۋشى، زيانكەستىككە ۇشىراۋشىلارعا زاڭدىق كومەك بەرۋ ادۆوكاتىن بەلگىلەدى، سوت اشىلار الدىنداعى ٴماجىلىستى اشىپ، ايىپتاۋشى جانە اقتاۋشى ەكى جاقتىڭ پىكىرىن تىڭدادى، سوتتا تەرگەۋدىڭ ٴساتتى، ٴتارتىپتى جۇرگىزىلۋىنە كەپىلدىك ەتتى. سوتتا قاراۋ بارىسىندا، ايىپتاۋشى جانە اقتاۋشى جاقتار تولىق دالەل-سىپات كورسەتتى جانە ايتىستى، ارىز-شاعىمعا قاتىناسۋشىلاردىڭ ۇقىعى تولىق كەپىلدەندىرىلدى.

 

الەۋمەتتىك ايىپتاۋشى، ايىپكەر جانە ونىڭ اقتاۋشىسى، زيانكەستىككە ۇشىراۋشىلار جانە ولاردىڭ ارىز-شاعىم جوقشىلارى تۇگەل سوتقا كەلىپ ۇكىم جاريالاۋعا قاتىناستى. زيانكەستىككە ۇشىراۋشىلاردىڭ تۋىس-تۋعاندارى، ٴىشنارا حالىق قۇرىلتايى ۋاكىلدەرى مەن ساياسي كەڭەس مۇشەلەرى، اقپارات قۇرالدارىنىڭ تىلشىلەرى جانە قوعامنىڭ ٴار سالاسىنداعى بۇقارادان 100 دەن استام ادام سوتتى سىرتتاي تىڭدادى.

 

اۋدارعان : قادىر ماقان ۇلى

 

00.jpg
00.jpg
00.jpg
00.jpg
00.jpg