ەلەكتىر توگىنەن ەپپەن قۇتىلعان ازامات
0
2019-07-10 17:17:00
|
كەلۋقاينارى:
|
جاۋاپتى رەداكتور :

 

    جۋىردا گۋاڭشيدىڭ ناننيڭ قالاسىندا قاتەرلى جاعداي تۋىلدى. اۆتوموبيل جۋۋشى سۇڭ مىرزانى جۇمىس بارىسىندا توك سوعىپ، توككە سوعىلۋ بارىسى 20 سەكۋندكە جالعاسادى ، توك سوعىپ جەرگە قۇلاعاننان كەيىن ول ءساتتى تۇردە توك كوزىن اجىراتىپ، ءوزىن قاتەردەن امان الىپ قالادى.

 

باقىلاۋ كامەراسىنداعى كەسكىنگە نەگىزدەلگەندە اۆتوموبيل جۋۋشى سۇڭ مىرزا دۇكەننىڭ الدىنا شەلەك قويىپ، اۆتوموبيل جۋماقشى بولعان. ول اۆتوموبيل جۋۋ اسپابىن قولىنا الىپ ايىرىپ - قوسقىشتى اشقاندا، ەكى سەكۋندقا جەتپەيتىن ۋاقىتتا كەنەت تۇلا بويى دىرىلدەپ، سىرەسىپ قالادى دا، جەرگە قۇلاپ تۇسەدى. سول كەزدەگى جاعداي اسا قاتەرلى بولاتىن.

 

توككە سوعىلعاننان كەيىن، سۇڭ مىرزا ەس - اقىلىنان اداسىپ، ايعاي سالىپ قۇتقارۋ تىلەيدى، ەندى ٴبىر جاعىنان توك سوققانداعى ازاپقا شىداپ ەلەكتىر ايىرىپ-قوسقىشىن توك كوزىنەن اجىراتۋعا ۇمىتلادى. ٴبىراق 5 سەكۋندتاي قۇلشىنعانىمەن ەڭبەگى ەش كەتەدى.

 

باقىتقا جاراي، سوڭىندا سۇڭ مىرزا اۆتوموبيل جۋۋ اسپابىنىڭ ەلەكتىر ايىرىپ قوسقىشىن توك كوزىنەن اجىراتىپ ولىمنەن قالادى. ٴتىلشى سۇڭ مىرزاعا كەزىككەن كەزدە، ونىڭ قولى مەن ارقاسىنىڭ بىرنەشە جەرىندە جاراقات ٴىزى بار ەكەنىن كورگەن.

 

ۇعىسۋعا قاراعاندا، سۇڭ مىرزا وسى اۆتوموبيل جۋۋ اسپابىن بيىل اقپاندا دۇكەننەن ساتىپ العان ەكەن. پايدالانۋ بارىسىندا ول يزولياتسيالىق قولعاپ سياقتى قورعانۋ جابدىقتارىن كيمەگەن. قازىر اۆتوموبيل جۋۋ اسپابى زاۆودتىڭ تەكسەرۋىنە بەرىلگەن. شىرعالاڭنىڭ سەبەبى ىشكەرىلەي انىقتالۋدا .

 

جازدا «توك سوعۋدان قورعانۋ» تۋرالى شاعىن ساۋات: جاز ماۋسىمىندا توك پايدالانۋ مولشەرى ەسەلەپ ارتىپ، ناجاعايلى جاڭبىر كوبەيىپ، توك قاشۋ، توككە سوعىلۋ سياقتى ۋاقيعالار ءجيى تۋىلادى. تەك ەلەكتردەن حاۋىپسىز پايدالانۋ جونىندەگى شاعىن بىلىمدەردى يگەرسەك بولعانى، بۇل شىرعالاڭداردان ساقتانۋعا بولادى.

 

 

كۇندەلىكتى تۇرمىستا توككە سوعىلۋ شىرعالاڭىنان قالاي ساقتانۋعا بولادى:

 

1. ەلەكتر سىمدارى مەن ەلەكتر جابدىقتارىن يزولياتسيالاۋ، شىراقتىڭ باسى، ۇياشىعى، ايىرىپ - قوسقىش قاتارلى زاريادتالعان بولەكتەرىن استە سىرتقا جالاڭاش شىعارۋعا بولمايدى. جالاڭاش ەلەكتىر سىمىن قولمەن ۇستاۋعا بولمايدى.

2. دىمقىل نەمەسە سۋ تيگەن قولمەن ەلەكتىرلى سايمانداردى ۇستاۋعا بولمايدى. دىمقىل سۇرتكىش نەمەسە سۋ ورامالمەن ەلەكتىر اسپاپتارىن سۇرتۋگە بولمايدى.

3. جەرگە تۇسكەن ەلەكتر سىمىنا جاقىنداۋعا، جەرگە تۇسكەن ەلەكتر سىمىن كەسۋگە، قيۋعا بولمايدى.

 

ناجاعايلى نوسەردە توككە سوعىلۋ شىرعالاڭىنان قالاي ساقتانۋعا بولادى:

1. ناجاعايلى جاڭبىر جاۋعاندا بيىك عيمارات تەكشەسىندە تۇرماۋ، ٴۇي سىرتىنداعى الاڭقىعا سالىنعان يەن قورا-قالتقىعا، سامالدىققا كىرمەۋ كەرەك.

2. قۇرىلىستىڭ سىرتىنا شىعىپ تۇراتىن سۋ ترۋباسى، گاز ترۋباسى قاتارلى مەتال زاتتار مەن ەلەكتر جابدىقتارىنان اۋلاق ءجۇرۋ كەرەك.
3. ناجاعايلى جاڭبىردان ۇلكەن اعاشتڭ استىندا دالدالانۋعا بولمايدى. امالسىز جاعدايدا اعاش دىڭىمەن 3 مەتر ارالىق ساقتاپ، جۇرەلەپ وتىرۋ ٴارى ەكى اياعىن ايقاستىرۋ كەرەك.
4. ناجاعاي شاتىرلاعاندا باس، مويىن، قول بولىمدەرىندە قۇمىرىسقا ورمەلەپ جۇرگەندەي سەزىنىپ شاش تىكىرەيسە بۇل جاي تۇسكەندىگىن تۇسىندىرەدى، دەرەۋ جەرگە ەكپەتتەپ جاتىپ، ۇستىنە تاققان مەتال اشەكەي بۇيىمدارى مەن شاش قىسقىش، القا سياقتىلاردى الىپ تاستاۋ كەرەك .
5. ەگەر سىرتتا ناجاعايلى نوسەرگە تاپ بولىپ، ءزاۋلىم، بيىك زاتتاردان الىستاۋعا ۇلگىرە الماعاندا، دەرەۋ قۇرعاق يزولياتورلىق زاتتاردى تاۋىپ ەكى اياقتىڭ استىنا توسەۋ كەرەك، ەكى اياقتى قۇرعاق يزولياتوردىڭ سىرتىنداعى جەرگە قويۋعا بولمايدى، ويتكەنى سۋ توك وتكىزەدى.
6. سىرتتا ناجاعايلى جاڭبىردان تاسالانعاندا، قولمەن جەر تىرەمەۋ، سونىمەن بىرگە قوس قولىمەن تىزەنى قۇشاقتاۋ، كەۋدەنى تىزەگە تىرەۋ كەرەك. باسىمىزدى مۇمكىندىگىنشە تومەن تۇسىرەمىز، ويتكەنى دەنەنىڭ باسقا ورنىنا قاراعاندا باسىمىز ناجاعاي توگىنىڭ سوققىسىنا كوپ ۇشىرايدى.
7. ەگەردە جوعارى كەرنەۋلى ەلەكتىر باعاناسى ناجاعاي توگىنەن زاقىمدالىپ قۇلاسا، باعاناداعى جوعارى كەرنەۋلى ەلەكتىر سىمىنان ساقتانۋ كەرەك. ويتكەنى جوعارى كەرنەۋلى ەلەكتىر سىمى ۇزىلگەن سول ورىننىڭ ماڭىندا اتتامالى ەلەكتىر كەرنەۋى پايدا بولادى، جوعارى كەرنەۋلى ەلەكتىر سىمى باعاناسىنا جاقىن ماڭداعى ادامدار بەتالدى جۇگىرمەۋى ءتيىس، قايتا ەكى اياقتى بىرىكتىرە جۇپتاپ، ناق مايداننان سەكىرىپ الىستاۋى كەرەك.

 

 

قاينار: ورتالىق راديو تەلەۆيزيا ىستانسياسى حابارلارى ۋيچات تەكشەسىنەن

اۋدارعان: قۋات جۇماش ۇلى (تورابىمىزدىڭ ۇسىنىس ەتىلگەن ءتىلشىسى)



00.jpg
00.jpg
00.jpg
00.jpg
00.jpg