تۇرمەدەگى قىلمىستىلاردى ەسىرتكەن تۇرمە ساقشىلارى جازالاندى
0
2019-07-10 17:21:00
|
كەلۋقاينارى:
|
جاۋاپتى رەداكتور :

 

    جازاپ وتەپ جاتقان مەزگىلدە، شي فاميليالى باسقا قىلمىسكەرلەردى ايداپ سالىپ تۇرمەدەن سىرتقا تۇتاساتىن جىلۋ قۇبىرىنىڭ ۇراسىن قازدىرىپ، تۇرمەدەن سىرتقا ەمىن-ەركىن كىرىپ شىعادى، تۇرمە بۇل جونىندە ەشتەڭەنى بىلمەسكە سالادى.

 

ىشكى مۇڭعۇل اۆتونوميالى رايوندىق ءتارتىپ تەكسەرۋ باقىلاۋ كوميتەتىنىڭ توراپ بەكەتىندەگى 6-ايدىڭ 30-كۇنگى حابارعا نەگىزدەلگەندە، 2018-جىلى 9-ايدا، شيلينحوت ايماقتىق ءتارتىپ تەكسەرۋ باقىلاۋ كوميتەتىنىڭ ۇيعارۋىمەن اباگا حوشونى ءتارتىپ تەكسەرۋ باقىلاۋ كوميتەتى شيلينحوت تۇرمەسىندەگى تۇرمە باستىعى جاۋ چيڭلين قاتارلى 16 ادامعا زاڭ-تارتىپكە اۋىر دارەجەدە قيعاشتىق جاساۋ ماسەلەسىمەن تەكسەرۋ جۇرگىزگەن.

 

تەكسەرۋگە نەگىزدەلگەندە، 2004-جىلدان 2007-جىلعا دەيىن، شيلينحاۋتى تۇرمەسىندەگى قاتىستى باسشىلار جانە ۇكىمەت قىزمەتكەرلەرى قىزمەتىنە نەمقۇرايدى قاراپ، قىلمىستىلاردى ىرقىنا قويا بەرىپ، بەتكە قاراپ قارالىق جاساپ، كوز بوياۋشىلىق ىستەپ، قارا قوعام سيپاتىن العان ۇيىمنىڭ مۇشەسى شي فاميليالىعا ”قالقان“ بولعان، سونىمەن شي فاميليالى ەرەجەگە قايشى تۇردە جازاسى جەڭىلدەپ، اۋەلى، جازا وتەپ جاتقان كەزىندە باقىلاۋ – باسقارۋدان تىسقارى قالىپ، قايتالاي قىلمىس وتكىزىپ قوعامدا توتەنشە ناشار ىقپال تۋدىردى.

 

2018 ـجىلى 12ـايدىڭ 27ـكۇنى اۆتونوميالى رايوندىق ٴادىليا مەڭگەرمەسى پارتكومى شيلينحوت تۇرمەسىنىڭ بۇرىنعى تۇرمە باستىعى جاۋ چيڭلين قاتارلى 16 پارتيالى باسشى كادرلارعا جانە ۇكىمەت قىزمەتكەرلەرىنە پارتيادان شىعارۋ، قىزمەتتەن ايداۋ، پارتيادا قالدىرىپ بايقاپ كورۋ، اكىمشىلىك مىندەتىنەن الىپ تاستاۋ، دارەجەسىن تومەندەتۋ، زەينەتكە شىعۋ مامىلەسىن تومەندەتۋ سياقتى جازا بەردى. قۋزاستىرۋدىڭ كۇشكە يە ۋاقىتى ٴوتىپ كەتكەندىكتەن، قىلمىستىق ىستەر جاۋاپكەرشىلىگى قۋزاستىرىلمايدى.

 

ٴاسىلى تۇرمەدە جازا وتەپ جاتقان سياقتانىمەن، قوعامدا زۇلىمدىق ىستەگەن، بۇرىن ەڭبەك كورسەتۋ بەينەسى بولماعانىمەن، كەيبىرەۋلەر ەڭبەك كورسەتتى دەپ ەستەلىككە العان، قىلمىس رايىنان قايتۋ ويى بولماسادا باسقالار جاعىنان جازاسىن جەڭىلدەتكەن . . . قىلمىسكەر شي xفاميليالىنىڭ جازا وتەپ جاتقان كەزدەگى زاڭعا قايشى قىلمىستىق ارەكەتى مەن تۇرمە قىزمەتكەلەرىنىڭ وعان جاساعان «قامقورلىعى» جاۋ چيڭلين قاتارلى 16 تۇرمە ساقشىسىنىڭ تارتىپكە، زاڭعا قايشىلىق جاساۋ ماسەلەسىن اشىققا شىعارعان.

 

2002- جىلى قاڭتاردا شي فاميليالى توناۋشىلىق قىلمىسىن وتكىزگەندىكتەن كوكحوت قالالىق جاڭا قالا رايوندىق حالىق سوت مەكەمەسى جاعىنان 11 جىلدىق مەرزىمدى قاماق جازاسىنا ۇكىم ەتىلەدى، 2003 - جىلى قىركۇيەكتە شيلينحوت تۇرمەسىنە كەلىپ جازا وتەيدى.

 

جازا وتەۋ مەرزىمىندە شي فاميليالى ىلگەرىندى - كەيىندى 4 جىل 6 اي جازاسى جەڭىلدەتىلىپ، 2007 - جىلى 20 - قاراشادا جازا مەرزىمى تولىپ بوساتىلادى. شيلينحوت تۇرمەسىندە شي فاميليالى ۇنەمى ٴتۇرلى ۇيرەنۋگە جانە ەڭبەكپەن وزگەرتۋگە قاتىناسپايدى، تۇرمە ەرەجەسىنە بويسۇنبايدى، رايىنان قايتۋ بەينەسى بولمايدى. شيلينحوت تۇرمەسى شي فاميليانى قاتاڭ باقىلاپ – باسقارعاندى قويىپ شي فاميليانىڭ جالعىز بولمەدە تۇرۋىنا، جەكە تاماقتانۋىنا جول بەرەدى.

 

جازا وتەپ جاتقان كەزدە ، شي فاميليالى باسقا دا جازا وتەپ جاتقان ادامداردى جەلىكتىرىپ، اۋلانىڭ سىرتىنداعى جىلۋ جۇيەسى قۇبىرىنىڭ ۇراسىن قازىپ، تۇرمەگە ٴوز بەتىمەن كىرىپ - شىعادى، تۇرمە مۇنى ەلەپ – ەسكەرمەيدى.

 

2005-جىلى شىلدەدە ، شي فاميليالى جازا وتەۋ مەرزىمىندە باقىلاپ - باسقارۋسىز قالىپ، كولىك ايداپ قاتىناس شىرعالاڭىن تۋدىرىپ، ٴبىر ادام ولىمىنە سەبەپشى بولادى. شىرعالاڭ تۋىلعاننان كەيىن ، شي فاميليالىمەن بىرگە جۇرگەن ادام ونىڭ ناق مايداندا جوق ەكەندىگىن ىسپاتتاپ، ولگەن ادامنىڭ جاۋاپكەرلىگىن ءوز ۇستىنە الادى. قاتىناس شىرعالاڭى تۋىلعان 52 كۇننەن كەيىن، شي فاميليالى باسقالارمەن بىرگە شيلينحوت قالاسىنداعى ٴبىر كوڭىل اشۋ ورنىندا ٴبىر ادامدى اۋىر جارالاپ قىلمىستىق ىستەر دەلوسىن تۋدىرادى.

 

شي فاميليالى ٴتۇرلى قىلمىس وتكىزگەن كۇندە دە، شيلينحوت تۇرمەسىندەگى حالىق ساقشىلارى وعان ەڭبەك جازىپ، جازاسىن جەڭىلدەتىپ، جالعان تەكسەرۋ ماتەريالىن جاسايدى، سونداي - اق باسقا دا جازا وتەپ جاتقان قىزمەتكەرلەر تۇرمە ساقشىسى مەن شي فاميليالى اتىنان قول قويادى، سونىمەن شي فاميليالى مەرزىمنەن بۇرىن بوساتىلادى.

 

بۇل دەلونىڭ شىن سىرىنا ۇڭىلسەك شيلينحوت تۇرمەسىنىڭ پارتيا باسشىلىعى السىرەپ، پارتيا ۇيىمى دارمەنسىز، بىتىراڭقى بولىپ ىشكى باسقارۋ بىلىعىپ، ٴتۇزىمنىڭ اتقارۋى تياناقتانباي، باقىلاۋ - باسقارۋ اۋىر دارەجەدە بىلىعىپ، دەلوعا شاتىلعاندار 16 ادامعا جەتكەن. مۇنىڭ ىشىندە بۇرىنعى تۇرمە باستىعى، تۇرمە باستىعىنىڭ ورىنباسارى، تۇرمە باقىلاۋشى، ورىنباسار تۇرمە باقىلاۋشى قاتارلى 5 باسشى كادر تۇگەلدەي پارتيا مۇشەسى بولعانىمەن پارتيالىق پرينسيپتەن جۇرداي بولعان، دەلوعا قاتىستى حالىق ساقشىلارى مەن جازا وتەپ جاتقان قىلمىسكەرلەر «دوستىق قاتىناس ورناتىپ»، ٴتىل بىرىكتىرىپ، كوز بوياپ، ۇكىمەت قىزمەتكەرلەرى ۇقىقتى ٴوز بەتىمەن جۇرگىزىپ، زاڭدى بۇزعان.

 

تۇرمە ٴاسىلى قىلمىسكەرلەرگە ارناۋلى قۇرىلعان باقىلاۋ-باسقارۋ ورنى، قىلمىسكەر تۇرمەدە جازا وتەۋى جانە وزگەرۋى كەرەك. الايدا ، بۇل دەلونىڭ ٴارقايسى بۋىنىنداعى باقىلاۋ - باسقارۋ قىزمەتكەرلەرى جاۋاپكەرسىزدىك ىستەپ، قىزمەتىنە نەمقۇرايدى قاراپ، قارا، سۇرقيا كۇشتەردىڭ «قالقانى» بولىپ ، قارا سۇرقيا كۇشتەردىڭ زاڭدى كوزگە ىلمەۋىنە، حالىققا، قوعامعا زالال جەتكىزۋىنە جول بەردى.

 

سۇرقيا كۇشتەردى الاستاۋ مىندەتىن ادا ەتىپ ، قارا قوعام مەن سۇرقيا كۇشتەردى الاستاۋ شايقاسىندا باتىل جەڭىسكە جەتۋ ٴۇشىن، قارا قوعام مەن قانقۇيلىلاردى قاتاڭ جازالاۋ، ونان دا ماڭىزدىسى، ولاردىڭ استارىنداعى «بايلانىس تورىن» ، «قالقان بولۋشىلاردى» ىشكەرىلەي اشكەرەلەپ، اۋىر سوققى بەرىپ، سۇرقيا كۇشتەردى ىرقىنا قويا بەرۋشىلەردى باتىل الاستاۋ كەرەك.

 

دەرەككوز: جەرشارى ۋاقىت گازەتىنەن

اۋدارعان: قۋات جۇماش ۇلى (تورابىمىزدىڭ ۇسىنىس ەتىلگەن ءتىلشىسى)

 

00.jpg
00.jpg
00.jpg
00.jpg
00.jpg