وسى ايدان باستاپ، قوعام حاۋىپسىزدىگى مينيسترلىگى «ورىندىقتى يەمدەنىپ الۋ»، پويەز ەسىگىنە جارماسۋ، ماس بول...
0
2019-07-11 16:49:00
|
كەلۋقاينارى:
|
جاۋاپتى رەداكتور :

 

 

    قوعام حاۋىپسىزدىگى مينيسترلىگى تەمىر جول قوعام حاۋىپسىزدىگى مەكەمەسى وسى ايدىڭ 9-كۇنى بىلاي دەپ كورسەتتى: بۇكىل ەلدەگى تەمىر جول قوعام حاۋىپسىزدىگى ورگاندارى 7-ايدىڭ 8-كۇنىنەن باستاپ، بيىل جىل سوڭىنا دەيىن، قوعامنىڭ جاپپاي نازارىن اۋدارعان «ورىندىقتى يەمدەنىپ الۋ»، پويەز ەسىگىنە اسىلۋ، ماس بولىپ، سويقان شىعارۋ سياقتى ارەكەتتەردى ٴتۇيىندى تۇردە جونگە سالۋ ارناۋلى قيمىلىن ورىستەتەدى. سونىمەن بىرگە 2019-جىلى العاشقى جارىم جىلدا، قاتىستى زاڭعا قايشىلىق جاساعان 9000 نان استام ادامعا اكىمشىلىك جاقتا قاماي تۇرۋ جازاسى بەرىلگەندىگىن حابارلاندىردى.

 

قوعام حاۋىپسىزدىگى مينيسترلىگى وسى كەزدە نە ٴۇشىن «ورىندى يەمدەنىپ الۋدى» جونگە سالۋدى تاعى دا ورتاعا قويدى؟ وسى رەتكى ارناۋلى قيمىلدىڭ قانداي جاڭا ەرەكشەلىكتەرى بار ؟ ٴونىمى قانداي ؟

 

پويەزداعى «ورىندى يەمدەنىپ الۋ» سوراقى ٴجايىتى ارت-ارتىنان تۋىلدى

 

تەمىر جول- ەلىمىز حالىق شارۋاشىلىعىنىڭ جان تامىرى، بىلتىر تەمىر جول جولاۋشى جونەلتۋ مولشەرى 3 ميلليارد 370 ميلليون ادام رەتكە جەتتى. سوندىقتان تەمىر جول ٴتارتىبى مەن الەۋمەتتىك اماندىقتى قورعاۋ توتەنشە ماڭىزدى. الايدا، پويەزدا «ورىندى يەمدەنىپ الۋ»، پويەز ەسىگىنە جارماسۋ جايىتتەرى بۇقارانىڭ ٴمورالدىق ولشەمىنە ارت-ارتىنان سايىس جاريالادى.

 

«ورىندىقسىز» پويەز بەلەت الىپ، باسقالاردىڭ « ورنىن يەمدەنۋ»

 

2018-جىلدىڭ سوڭىندا، باۋتوۋدان داليانعا قاتىناعان K56 -كەزەكتى پويەزدا، ٴبىر ايەل جولاۋشى باسقا ٴبىر جولاۋشىنىڭ ورنىنا وتىرىپ العان. ساقشىلاردىڭ قايتا-قايتا تالاپ ەتۋىمەن، بۇل ايەل ورىندىقسىز پويەز بەلەتىن كورسەتكەن.

 

ساقشىلار ەكى جول ەسكەرتۋ بەرسەدە، بۇل ايەل سايكەسپەگەن. سوڭىندا ساقشىلار وعان 5 كۇندىك اكىمشىلىك جاقتا قاماي تۇرۋ جازاسىن بەرگەن. سونىمەن ول «ورىن يەمدەنىپ الۋ» سەبەبىنەن اكىمشىلىك جاقتان قاماي تۇرىلعان تۇڭعىش جولاۋشىعا اينالدى.

 

«كوڭىل كۇيى جاقسى بولماعاندىقتان» باسقالاردىڭ «ورىنىن يەمدەنىپ الۋ»


جاڭ فاميليالى جولاۋشى ٴاسىلى 46-ٴنومىرلى ورىندا وتىرۋعا ٴتيىستى ەدى، ٴبىراق ول 40-ٴنومىرلى ورىندا وتىرامىن دەپ قاسارىسىپ ورىندى بوساتىپ بەرمەگەن. بۇنداعى سەبەبى: 40 ٴنومىرلى ورىنداعى شيوڭ مىرزا تۇندە ۇيىقتاعان كەزدە ونىڭ سومكەسىنە سۇيەنىپ وتىرىپ، كوڭىل-كۇيى جاقسى بولماعان.

 

پويەز قىزمەتكەرلەرى جارىم ساعاتتان ارتىق ٴناسيحاتتاسادا، جاڭ فاميليالى ايەل اۋەلگىدەي ورنىنان قوزعالماعان. ەڭ سوڭىندا ساقشىلار وعان دا 5 كۇندىك اكىمشىلىك جاقتان قاماي تۇرۋ جازاسىن بەردى.

 

ٴبىر ادام ٴۇش ورىندى يەمدەنىپ ۇيىقتاۋ

 

2018-جىلى 12-ايدا، K7426-كەزەكتى پويەزدا، ٴبىر جولاۋشى ٴۇش ورىندى يەمدەنىپ، ورىندىق ۇستىندە جاتىپ ۇيىقتاعان. بۇل ايەلدىڭ پوزيتسياسى ناشار بولىپ، حالىق ساقشىلارىنىڭ قىزمەتىنە مۇلدە سايكەسپەگەن ٴارى ورىندى بوساتىپ بەرمەگەن. قايتا-قايتا ەسكەرتۋ بەرۋدىڭ ٴونىم بولماعاننان كەيىن، ساقشىلار وعان 5 كۇندىك اكىمشىلىك جاقتان قاماي تۇرۋ جازاسىن بەردى.

 

قوعام حاۋىپسىزدىگى مينيسترلىگى ارناۋلى قيمىل ورىستەتىپ، «ورىندى يەمدەنىپ الۋدى» جونگە سالادى

 

بيىل 7-ايدىڭ 8-كۇنىنەن باستاپ جىل سوڭىنا دەيىن، تەمىر جول قوعام حاۋىپسىزدىگى ورگاندارى « بەكەت، پويەز، جول تىنىشتى بولىپ، ٴسىزدىڭ ساپارىڭىزعا التىن قالعان بولامىز» اتىنداعى ارناۋلى قيمىلىن شوعىرلى ورىستەتىپ، پويەز بەكەتى، پويەز، تەمىر جولدى نەگىز ەتىپ، اماندىق جاعىنداعى كورنەكتى ماسەلەلەردى شوعىرلى جونگە سالىپ، زاڭعا قايشى ٴتۇرلى قىلمىستىق ارەكەتتەرگە قاتاڭ سوققى بەرەدى. قوعام جاپپاي نازار اۋدارىپ وتىرعان ورىندى يەمدەنىپ الۋ، پويەزدىڭ ەسىگىنە جارماسۋ، ماس بولىپ، سويقان شىعارۋ سياقتى پويەز، بەكەتتەردىڭ ٴتارتىبىن بۇزۋ دەلولارى، وسى رەتكى ارناۋلى قيمىلدىڭ جونگە سالۋ ٴتۇيىنى بولىپ تابىلادى.

 

قوعام حاۋىپسىزدىگى مينيسترلىگى تەمىر جول قوعام حاۋىپسىزدىگى مەكەمەسى اماندىق باسقارۋ باسقارماسىنىڭ باستىعى ۋاڭ حۇڭشىڭ بىلاي دەدى: ٴبىز بۇرىنعىداي «مۇلدە جول بەرمەۋ» پوزيتسياسىن ۇستانىپ، قىزمەتتە استە بويكۇيەزدىككە سالىنباي، باتىل سوققى بەرىپ، استە اياۋشىلىق ىستەمەي، قالىڭ جولاۋشىلارعا ٴتىپتى دە كوپ حاۋىپسىزدىك سەزىمىن، باقىت سەزىمىن، تابىس سەزىمىن سيلايمىز. وسى ارادا، قالىڭ جولاۋشىلارعا تاعى مىنانى ەسكەرتەمىز: زاڭدى ۇقىق-مۇددەڭىز زاڭسىز زيانكەستىككە ۇشىراعان كەزدە، ىشتەي تىنباي نەمەسە بويىڭىزدى اۋلاققا سالماي، دەركەزىندە ساقشىعا مالىمدەۋىڭىز كەرەك.

 

«بىرگە قۇرىپ، بىرگە جونگە سالىپ»، بىرلەسىپ جازالاپ، زاڭعا قايشىلىق جاساۋدىڭ وزىندىك قۇنىن جوعارىلاتۋ كەرەك

 

قوعام حاۋىپسىزدىگى مينيسترلىگى تەمىر جول قوعام حاۋىپسىزدىگى مەكەمەسىنىڭ ورىنباسار باستىعى باي شاۋچياڭ بىلاي دەپ تانىستىردى: وسى رەتكى ارناۋلى قيمىلدىڭ ەڭ ۇلكەن ەرەكشەلىگى- «بىرگە قۇرۋ، بىرگە جونگە سالۋ»، تەمىر جول قوعام حاۋىپسىزدىگى ورگاندارى، جەرگىلىكتى قوعام حاۋىپسىزدىگى ورگاندارى، تەمىر جول تاسىمال كاسىپورىندارى سىندى «ٴۇشتى ٴبىر تۇلعالاندىرىپ»، «جۇمىس ٴبولىسى دە، سەلبەستىك تە بولۋ» نەگىزگى پرينسيبى بويىنشا، تەمىر جول تاراۋى مەن جەرگىلىكتى ورىن بىرگە ارەكەتتەنۋ، قوعام حاۋىپسىزدىگى ورگانى مەن كاسىپورىن تىزە قوسۋ، وڭىرلىك سەلبەستىك جاساۋ سياقتىلاردى ىسكە اسىرىپ، حاۋىپسىزدىكتى بىرگە قورعاۋ كەرەك.

 

زاڭ مامانى يۋە شىنشان بىلاي دەپ قارادى: ەگەر ورىندى يەمدەنىپ الۋ سياقتى ناشار ارەكەتتەر دەركەزىندە جازالانباسا، باسقالاردا مۇنداي ىستەردى ىستەگەندە جازاعا تارتىلمايدى دەگەن وي تۋادى، سونىمەن ٴتىپتى دە كوپ ادام ىستەۋى مۇمكىن. سوندىقتان، زاڭعا قايشى كىشىگىرىم ارەكەتتەرگە، ٴسوز جوق، «استە جول قويماي»، دەركەزىندە جازالاپ ساقتاندىرۋ كەرەك. سوندا عانا باسقالاردىڭ ەلىكتەپ ىستەۋىنىڭ الدىن الۋعا، بەكەت جانە پويەز ٴتارتىبىن قامتاماسىزداندىرۋعا بولادى.

 

يۋە شىنشيان بىلاي دەپ قارادى: «بىرگە قۇرۋ، بىرگە جونگە سالۋ» سياقتى باياندى مەحانيزمدەر «ورىن يەمدەنىپ الۋ» سياقتى زاڭعا قايشى ارەكەتتەردى جازالاۋ جانە ەكونوميكالىق تولەم قۇنىن جوعارىلاتتى. ونىڭ ۇستىنە، كەزەكتە «ورىندى يەمدەنىپ الۋ» سياقتى زاڭعا قايشىلىق جاساۋشىلارعا ايىپ سالۋ، قاماي تۇرۋ شاراسى قولدانىلىپ قالماستان، باسقالاي جازالاپ ەسكەرتۋ بەرۋ شارالارى دا بار. مىسالى، جۇرىس-تۇرىسى بەلگىلى شەكتەمەگە ۇشىراۋ، سەنىمدىلىك ينفورماتسياسى تىزىمدىگىنە ەنگىزۋ ت.ب. بۇل بىرلەسىپ جازالاۋ ساقتاندىرۋ شارالارى دا زاڭعا قايشىلىق جاساۋدىڭ الدىن الۋدا بەگىلى رول اتقارادى.

 

اۋدارعان: قادىر ماقان ۇلى

 

 

00.jpg
00.jpg
00.jpg
00.jpg
00.jpg