مۇشەنى توپتان شىعارعان توپ باستىعى جاۋاپكەرگە اينالدى
0
2019-08-02 14:49:00
|
كەلۋقاينارى:
|
جاۋاپتى رەداكتور :

 

    7-ايدىڭ 29-كۇنى تۇستەن كەيىن، شاندۇڭ ولكەسى لايشي قالالىق حالىق سوتى مەكەمەسى ايىپكەر ليۋ كۇڭشىڭنىڭ جاۋاپكەر ليۋ دىميڭ ۇستىنەن ارىزدانعان اتاق-ابروي ۇقىعى داۋ-شار دەلوسىن اشىق سوتتا تەرگەدى ٴارى سوت ۇستىندە مىناداي كەسىم شىعاردى: تالاپكەر ليۋ كۇڭشىڭنىڭ ارىزىن تويتارۋ، دەلو قابىلداۋ اقىسى 500 يۋاندى تالاپكەرگە قايتارىپ بەرمەۋ. وسى اراعا جەتكەندە جۇرت نازارىن اۋدارعان « توپ مۇشەسىن توپتان شىعارعان توپ باستىعى جاۋاپكەرگە اينالۋ» دەلوسىنىڭ ٴبىرىنشى سوتى سوڭىنا شىقتى.

 

 

توپ مۇشەسى «توپ قاعيداسىنا» قايشىلىق جاساعاندىقتان توپتان شىعارىلدى
  

 2018-جىلى 5-ايدىڭ 31-كۇنى، شاندۇڭ ولكەسى پيڭدۋ قالالىق حالىق سوتى مەكەمەسى دەلو اشۋ كوللەگياسىنىڭ سۋدياسى يۇي XX ۋيچات توبىن قۇرىپ، پيڭدۋ قالاسىنداعى ادۆوكات، زاڭدىق قىزمەت وتەۋشىلەر ٴبىر-بىرىن شاقىرۋ تاسىلىمەن وسى توپقا كىرگەن. 2018-جىلى 5-ايدىڭ 31-كۇنى باسقا ادۆوكاتتار ليۋ كۇڭشىڭدى وسى توپقا كىرگىزگەن. 2018-جىلى 6-ايدىڭ 7-كۇنى يۇي XX وسى مەكەمەنىڭ دەلو اشۋ كوللوگياسىنىڭ باستىعى ليۋ دىجىنى توپقا ەنگىزگەن ٴارى توپ باستىعى ۇقىعىن وعان وتكىزىپ بەرگەن.

 

 2018-جىلى 6-ايدىڭ 9-كۇنى، ليۋ دىجى توپتا مىناداي مازمۇنداعى حابارلاندىرۋ شىعارعان: كوپشىلىك ناق اتى-جونىڭىزبەن توپقا كىرىڭىز؛ توپتىڭ ماقساتى باستىسى ارىز-شاعىمعا دىلو اشۋمەن قاتىستى ماسەلەلەر جونىندە پىكىر ورتاقتاسۋ؛ توپ ىشىندە شاشۋ تاراتۋعا بولمايدى؛ توپ ىشىندەگى ٴسوز وڭ ەنەرگيانى ايگىلەپ، ٴادىليانىڭ بەدەلىن قورعاۋ ٴتيىس؛ قايشى كەلگەندەرگە، ٴبىرىنشى جول ەسكەرتۋ بەرىلەدى، ەكىنشى جول توپتان شىعارىلادى. وسى توپ قۇرىلعاننان كەيىن توپتاعىلار ارىز-شاعىم دەلوسىن اشۋ، ارىز-شاعىم قاراجاتىن قايتارۋ سياقتى مازمۇندار جونىندە ٴوزارا پىكىر الماستىرعان ٴارى وزدەرىنىڭ تاجىريبەسىن ورتاقتاسىپ، ليۋ دىجى، يۇي XX قاتارلى دەلو قابىلداۋ كوللوگياسىنداعى قىزمەتكەرلەر باسقالارمەن ٴوزارا پىكىر الماستىرىپ كەلگەن.

 

 2019-جىلى 1-ايدىڭ 21-كۇنى ساعات 10 نان 3 مينۋت وتكەندە، ليۋ كۇڭشىڭ وسى توپتا ٴمالىم ٴادليالىق ساراپتاۋ ورنىنىڭ بەينە بايانى مەن قاتىستى پىكىردى تاراتقاندىقتان، ليۋ دىجى وعان ەسكەرتۋ بەرگەن. 2019-جىلى 1-ايدىڭ 22-كۇنى ساعات 20 دان 50 مينۋت وتكەندە، ليۋ كۇڭشىڭ توپتا قوعام حاۋىپسىزدىگى ورگانىنىڭ زاڭ اتقارۋىندا ۇيلەسىمسىزدىك ارەكەتى ساقتالعاندىعى جونىندەگى ميكرو بلوگ سۋرەتىن تاراتقان، وسى مازمۇن جونىندە ليۋ دىجى تاعى دا وعان ەسكەرتۋ بەرگەن. ٴبىراق ليۋ كۇڭشىڭ ونىڭ ايتقانىن ەلەڭ قۇرلى كورمەي، توپتاعى حى فاميليالىمەن دە جاڭجالداسقان. ليۋ دىجى ەسكەرتۋ بەرگەننەن كەيىن، ول تاعى دا قاتىستى ٴسوز تاراتقان. سول كۇنى تۇنگى ساعات 21 دە، ليۋ دىجى ليۋ كۇڭشىڭدى توپتان شىعارىپ جىبەرگەن. 2019-جىلى 2-ايدىڭ 21-كۇنى ليۋ دىجى وسى توپتى تاراتقان.

 

«اتاق-ابروي ۇقىعىما قول سۇقتى» دەگەن سەبەپپەن توپ مۇشەسى توپ باستىعى ۇستىنەن سوتقا ارىز بەردى

 

ۇعىسۋعا قاراعاندا، ليۋ كۇڭشىڭ توپتان شىعارىلعان سوڭ، اتاق-ابروي ۇقىعىما باسقالار قول سۇقتى دەگەن سەبەپپەن پيڭدۋ قالالىق حالىق سوتى مەكەمەسىنە ارىز بەرگەن. 2019-جىلى 2-ايدىڭ 22-كۇنى پيڭدۋ قالالىق سوت بۇل دەلونى قابىلداعان. كەيىن جاۋاپكەر ليۋ دىجى پيڭدۋ قالالىق سوتقا تايساۋ ٴوتىنىشىن بەرگەن، پيڭدۋ قالالىق سوت زاڭ بويىنشا چيڭداۋ قالالىق ورتا دارەجەلى حالىق سوتى مەكەمەسىنىڭ قاراستىلىقتى بەلگىلەۋىنە مالىمدەگەن. 2019-جىلى 5-ايدىڭ 16-كۇنى، چيڭداۋ ورتا سوت كەسىم شىعارىپ، دەلونى لايشي قالالىق سوتتىڭ قاراستىلىعىنا بەلگىلەپ بەرگەن. لايشي قالالىق سوت 2019-جىلى 6-ايدىڭ 10-كۇنى دەلو اشقان.

 

ليۋ كۇڭشىڭ بىلاي دەپ ارىزدانعان: 2019-جىلى 1-ايدىڭ 22-كۇنى تۇندە، پيڭدۋ قالالىق سوت ادۆوكات جانە زاڭدىق قىزمەت وتەۋشىلەرگە قولايلى بولۋ ٴۇشىن قۇرعان «ارىز-شاعىم قىزمەت وتەۋ توبىندا» ورىندى اڭگىمەلەسكەن كەزىمدە، توپ باستىعى ليۋ دىجى قيسىنسىز سەبەپپەن توپتان شىعاردى ٴارى باسقا ادۆوكاتتار مەنى قايتا قوسقان كەزدە، ليۋ دىجى ماقۇلداماي، توپقا كىرە المادىم.

 

ليۋ كۇڭشىڭ ليۋ دىجىنىڭ ارەكەتى سوتتىڭ الەۋمەتتىك بايلىعىن ٴوزىنىڭ جەكە ورىسىنە بالاپ، قىزمەت وتەۋ وبيەكتتەرىن باسقارۋ وبيەكتى ساناپ، ٴوزىنىڭ ادۆوكاتتار يگىلىكتەنۋگە ٴتيىستى الەۋمەتتىك قىزمەت وتەۋدى قابىلداۋ ۇقىعىنان ماقۇرىم ەتىپ، الەۋمەتتىك ورتادا اتاق-ابىرويىنا اۋىر زيان جەتكىزدى دەپ قاراپ، ليۋ دىجىنىڭ كەشىرم سۇراۋىن ٴارى 20 مىڭ يۋان رۋحاني زيان تولەمىن بەرۋىن تالاپ ەتكەن.
 

 

ليۋ دىجى بىلاي دەگەن: ليۋ كۇڭشيىڭدى توپتان شىعارۋ مەنىڭ جەكە ارەكەتىم، ونىڭ ارىزى تويتارىلۋى ٴتيىس.

 

بۇل جونىندە ول ٴوزىنىڭ مىناداي نەگىزىن ورتاعا قويعان:

ەڭ اۋەلى، بۇل توپتىڭ سيپاتى مەن ماقساتىنان العاندا، توپتى جەكە ادام قۇرعان، مۇنداعى ماقسات ارناۋلى بەلگىلەنبەگەن ادۆوكاتتار مەن زاڭ قىزمەتكەرلەرىنىڭ ٴوزارا اۋىس-كۇيىس جاساۋىنا، ارىز-شاعىم جانە دەلو اشۋ جاعىنداعى قاتىستى ماسەلەلەردى تالقىلاۋىنا قولايلىلىق جاراتۋ بولىپ تابىلادى. ورىنسىز ٴسوز جاريالاعان ليۋ كۇڭشىڭدى توپتتان شىعارۋ−توپ باستىعىنىڭ ٴوز توبىن باسقارۋداعى ٴوزىن-ٴوزى باسقارۋ ارەكەتى بولىپ، توپ قاعيداسىنا ۇيلەسەدى.

 

ونان قالسا، ليۋ دىجى ليۋ كۇڭشىڭنىڭ ەشقانداي ۇقىعىنا قول سۇقپاعان، ۇقىققا قول سۇعۋ جاۋاپكەرشىلىگىن ارقالامايدى. ليۋ كۇڭشىڭدى توپتان شىعارۋ ارەكەتى ۇقىققا قول سۇعۋ ارەكەتى ەمەس، وعان زيان جەتكىزۋ فاكتى، اعاتتىعى جانە سەبەپ-سالدارلىق قاتىناس جوق، ۇقىققا قول سۇعۋ جاۋاپكەرشىلىگىن قالىپتاستىراتىن ماڭىزدى شارتقا ۇيلەسپەيدى.

 

سوت مەكەمەسى «توپتان شىعارۋ» ارەكەتى تابيعي ادامنىڭ توپتى ٴوز ەركىمەن باسقارۋىنا جاتادى دەپ ۇكىم شىعاردى

 

سوت مەكەمەسى بىلاي دەپ قارادى: ٴبىرىنشى، ينتەرنەت شوعىرى- توراپكەرلەردىڭ توراپتا ينفورماتسيا اۋىستىراتىن ينتەرنەت كەڭىستىگى، سوتسياليستىك وزەكتى قۇن كوزقاراسىن ساۋلەلەندىرۋ، قوعامنىڭ وڭ ەنەرگياسىن تاراتۋدىڭ ماڭىزدى دانەكەرى. سوتسياليستىك وزەكتى قۇن كوزقاراسى ازاماتتىق ىستەر زاڭىنىڭ جالپى ەرەجەسىنە ەنگىزىلدى، توراپكەرلەردى قامتىعان ازاماتتىق ىستەر سۋبيەكتتەرى وعان ورتاق بويسۇنۋى كەرەك. توپتى قۇرۋشىلار، پايدالانۋشىلار مەيلى قىزمەت، تۇرمىس، ۇيرەنۋ سياقتى قاجەتكە ساي، دۇرىس بەتالىستان جازباي، سوتسياليستىك وزەكتى قۇن كوزقاراسىن ايگىلەپ، بەلسەندى، اقاۋسىز توراپ مادەنيەتىن جەتىلدىرۋى، توراپتا جانە توراپ سىرتىندا نيەتتەس بولۋى ٴتيىس. توپتان پايدالانۋشىلاردىڭ توراپتا ينفورماتسيا الماستىرۋى، وي توعىستىرۋى، جان دۇنيەسىن جىلىتۋى، ٴومىردى شىڭداۋى قالىڭ توراپكەرلەردىڭ ورتاق مۇددەسى مەن تاماشا تۇرمىس قاجەتىنە ۇيلەسەدى. بۇل دەلوعا ساياتىن توپ توپتىق ەرەجەنى ورناتىپ، توپتا سويلەنگەن سوزدەردىڭ جاماعات پىكىرى وڭ ەنەرگياسىن ساۋلەلەندىرىپ، ٴادىليانىڭ بەدەلىن قورعايتىندىعىن اشىق بىلدىرگەن، بۇل قۇپتاۋعا تاتيدى.

 

ەكىنشى، توراپ شەكسىز، ارەكەت شەكتى. ينتەرنەت پەن ٴىرى ساندى مالىمەت ادامداردىڭ تۇرمىسىنا تەرەڭ ٴسىڭدى ٴارى تۇرمىس ساپاسىن جوعارىلاتىپ، ينفورماتسيادان ورتاق يگىلىكتەنۋگە قولايلىلىق الا كەلدى. توراپ ٴارى ۆيرتۋالدىق ىشىندەگى رەالدىق، ٴارى رەال ومىردەگى ۆيرتۋالدىق، توراپ كەڭىستىگى ەركىن دە اشىق، ٴارى جاراسىمدى، رەال قوعاممەن ۇقساس ەركىندىك پەن تارتىپكە مۇقتاج. قاعيدا بولماسا، تابىسقا جەتۋگە بولمايدى. تۇتىنۋشى جەلىدە بولسا، قاعيدا دا جەلىدە بولادى. بۇل دەلوعا ساياتىن توپ مۇشەلەرى-زاڭ قىزمەتكەرلەرى، ولار توراپ ورتاسىن باستاماشىلدىقپەن تازا قورعاپ، توپتىڭ ورتاسى تازا، اڭگىمە جاراسىمدى بولۋى كەرەك. ليۋ دىجى ينتەرنەت تەكشەسى توپ باستىعىنا بەرگەن قىزمەت ۇقىعىنان پايدالانىپ، ورىنسىز ٴسوز سويلەدى دەپ قاراعان ليۋ كۇڭشىڭدى توپتان شىعارعان، بۇل « كىم توپ قۇرسا، سول جاۋاپتى بولۋ»، «كىم باسقارسا، سول جاۋاپتى بولۋ» سىندى باسقارۋ قاعيداسىنىڭ جۇرگىزىلۋى بولىپ تابىلادى.

 

ٴۇشىنشى، قايشىلىق پەن داۋ-شار الۋان ٴتۇرلى، ونى شەشۋ مەحانيزمى كوپ نەگىزدى بولادى. زاڭ-ەرەجەلەر، الەۋمەتتىك ٴتارتىپ جانە تاماشا سالت-سانا، ٴمورال ولشەمى، ٴوزىن-ٴوزى باسقارۋ ەرەجەسى سياقتى الەۋمەتتىك قاعيدالار ٴوز سالاسىندا رولىن ساۋلەلەندىرىپ، ٴبىرىن-ٴبىرى تولىقتاپ، ٴبىر-بىرىنە سايكەسەدى. ٴادىليالىق تورەلىك ايتۋ−قوعامدىق قايشىلىق پەن داۋ-شاردى شەشۋ تاسىلدەرىنىڭ ٴبىرى، دەلونى ٴسوزسىز قابىلداۋ، ارىز– شاعىمدى ٴسوزسىز شەشۋدىڭ العى شارتى-زاڭدىق بەلگىلەمەگە ۇيلەسەتىن ارىزدانۋ شارتتارى. ٴادىليا ەڭ سوڭعى قورعانىس بولۋدان بۇرىن، بارلىق ادام قوعامدى جونگە سالۋ ورتاق تۇلعاسىنىڭ ٴبىر مۇشەسى بولىپ، داۋ-شاردى شەشۋدىڭ كوپ نەگىزدى مەحانيزمى ارقىلى ارىز-شاعىم قاينارىن جونگە سالۋدى جۇزەگە اسىرادى. بۇل دەلودا، توپ باستىعى مەن توپ مۇشەسى اراسىنداعى توپقا كىرگىزۋ، توپتان شەگىندىرۋ ارەكەتى ٴبىر ٴتۇرلى دوستىق ارەكەتكە جاتادى، ينتەرنەتتىك شىعىرداعى مۇشەلەر وزدەرى باسقارادى. بۇل دەلودا ليۋ دىجى ليۋ كۇڭشىڭنىڭ اتاق-ابىرويىنا ناشار باعا بەرمەگەن، ونىڭ ۇستىنە ۇقىققا قول سۇعۋ ارەكەتى بولماعان، ليۋ كۇڭشىڭ ورتاعا قويعان كەشىرىم سۇراۋ، زياندى تولەۋ قۋاتتاماسى ليۋ دىجىنىڭ توپتان شىعارۋ ارەكەتى نەگىزىندە ايتىلعان، بۇل وسى دەلوداعى ۇقىققا قول سۇعۋ ازاماتتىق ىستەر ارىز-شاعىمىن بەرۋگە بولاتىن زاڭدىق سەبەپ ەمەس، حالىق سوتى مەكەمەسىنىڭ ازاماتتىق ىستەر ارىز-شاعىمىن قابىلداۋ كولەمىنە جاتپايدى.

 

سوت مەكەمەسى وسى نەگىزدە جوعارىداعى كەسىمدى شىعاردى، ەكى جاق سوتتا جوعارىلاپ ارىزدانبايتىنىن ٴبىلدىردى.

 

 

توپ مۇشەلەرى پىكىرىن اقىلعا قونىمدى بەينەلەپ، وركەنيەتتى توراپ كەڭىستىگى ٴتارتىبىن بىرگە قورعاۋ كەرەك

 

ٴتىلشىنىڭ ۇعىسۋىنشا، سوت تەرگەۋى كەزىندە لايشي قالالىق سوت ۇكىمەتتىك ميكرو بلوك ارقىلى دەلونىڭ تەرگەۋ تۇتاس بارىسىن ميكرو بلوگتا ۇستىنەن تاراتقان. حالىق قۇرىلتايىنىڭ ٴىشىنارا ۋاكىلدەرى، ساياسي كەڭەس مۇشەلەرى، قوعامداعى بۇقارا ۋاكىلدەرى، زاڭ عىلىمى ماماندارى جانە كوپتەگەن اقپارات قۇرالدارىنىڭ تىلشىلەرى سوتتا تەرگۋگە سىرتتاي قاتىناسقان. ٴتىلشىنىڭ بايقاۋىنشا، «مۇشەنى توپتان شىعارعاندىقتان توپ باستىعى جاۋاپكەرگە اينالۋ» دەلوسى، ياعني توراپتا « تۇڭعىش توپتان قۋىپ شىعۋ دەلوسى » دەپ اتالعان بۇل دەلو، جۇرتتىڭ جاپپاي نازارىن اۋداردى، ٴتىلشى سوت اياقتاعاننان كەيىن وسى دەلونى سىرتتاي قاتىناسۋشىلارعا تىلشىلىك ىستەدى.

 

اتى-ٴجونىن ايتقىسى كەلمەگەن سىرتتاي قاتىناسۋشى بىلاي دەدى : رەال ومىردە ٴاربىر ادامدا دەرلىك ۋيچات توبى بولادى، ٴوزى توپ مۇشەسى بولۋى دا، توپ باستىعى بولۋى دا مۇمكىن. ۋيچات توبى بارلىق ادام ەرىكتى تۇردە ۇيىمداسقان پىكىر اۋىستىرۋ، قارىم-قاتىناس جاساۋ ورتاسى، ٴاربىر توپتىڭ بارىندە بەلگىلى توپ قاعيداسى بولادى، كوپشىلىك بۇعان ورتاق بويسۇنۋى كەرەك. توپ باستىعىنىڭ توپ مۇشەلەرىن شىعارۋى، توپتىڭ ٴوزىن-ٴوزى باسقارۋ ارەكەتى بولۋى ٴتيىس.

 

تاعى ٴبىر سىرتتاي قاتىناسۋشى بۇكپەسىز بىلاي دەدى: «توپ باستىعى بولعان ەكەنسىز، ٴسىز قۇرعان توپقا جاۋاپتى بولىپ، باسقارۋ مىندەتىن ويداعىداي وتەۋىڭىز ٴتيىس. بارلىق مۇشەلەر توپ ىشىندە پىكىرلەسىپ قارىم-قاتىناس جاساعاندا، زاڭ ـ ەرەجەلەرگە بويسۇنۋى، وركەنيەتتى ٴسوز سويلەۋى، ٴسوزدى اقىلعا قونىمدى بەينەلەۋى، وركەنيەتتى ينتەرنەت ورتاسى ٴتارتىبىن بىرگە قورعاۋى ٴتيىس. سوت مەكەمەسىنىڭ ٴادىليا ىستەرىن اشىق جۇرگىزۋى وتە جاقسى بولعان، تۇتاس بارىسىن ميكرو بلوگتا تىكە تاراتىپ، وسىنشاما كوپ اقپارات قۇرالدارى مەن جۇرتشىلىقتىڭ سىرتتاي قاتىناسۋى - زاڭدى جالپىلاستىرۋدىڭ تاماشا، جاندى اشىق ساباعى بولىپ، لايشي سوت مەكەمەسىنە ماداق ايتامىز.»

 

 

اۋدارعان: قادىر ماقان ۇلى

 

QQ浏览器截图20190802100549.jpg
IMG_8986.jpg
00.jpg
QQ浏览器截图20190802095544.jpg
00.jpg