تۇتاس جىلدا ءبىر رەت بەرىلەتىن سيلىق قاراجاتىنان جەكەلەر تابىس باجىسىى قالاي ەسەپتەلەدى
0
2019-08-02 15:17:00
|
كەلۋقاينارى:
|
جاۋاپتى رەداكتور :

 

    جاڭا «باجى زاڭىنىڭ» ٴساتتى، ورنىقتى اتقارىلۋىنا كەپىلدىك ەتىپ، قوعامدىق مەجەنى ورنىقتىرىپ، باجى تاپسىرۋشىنى باجى رەفورماسىنىڭ پايداسىنان يگىلىكتەندىرۋ ءۇشىن، قازىنا مينيسترلىگى، باجى باس مەكەمەسى «جەكەلەر تابىس باجى زاڭىنا وزگەرىس ەنگىزىلگەننەن كەيىنگى ءتيىمدى ساياساتتاردى ۇشتاستىرۋ ماسەلەسى جونىندەگى ۇقتىرۋدى» (قازىنا - باجى [2018] 164-ءنومەرلى، تومەندە قىسقارتىلىپ «ۇقتىرۋ» دەلىنەدى) باسىپ تاراتتى. باجى تاپسىرۋشىلاردىڭ 2019-جىلى 1- قاڭتاردان 2021-جىلى 31-جەلتوقسانعا دەيىنگى ارالىقتا العان جىلدىق ءبىر رەتكى سيلىق اقشاسىن سول جىلعى جالپى كىرىسكە قوسپاي-اق، جالپى سيلىق سوماسىن 12 ايلىق سوماعا ءبولىپ، جالپى تابىس ايلىق باجى ولشەمى كەستەسى بويىنشا ۇيلەسىمدى باجى مولشەرىمەن تەز ەسەپتەپ تارتىپ قالىناتىن ساندى تۇراقتاندىرۋ كەرەك. باجى تاپسىرۋ جەكە-جەكە ەسەپتەلىپ، ءبىر ءبولىم باجى تاپسىرۋشىلاردىڭ تۇتاس جىلدا ءبىر رەت الاتىن سيلىق اقشاسى جالپى كىرىسكە قوسىلعاننان كەيىن ۇيلەسىمدى باجى مولشەرىن جوعارىلاتۋىنان ساقتانۋ كەرەك.

 

ءبىر ءبولىم ورتاشا، تومەن كىرىستەگىلەر جونىنەن ايتقاندا، ماسەلەن، تۇتاس جىلدا ءبىر رەت الاتىن سيلىق اقشانى سول جىلعى ەڭبەكاقى تابىسىنا قوسىپ، قاراجاتتى نەگىزىنەن شىعارىپ تاستاۋ، ارناۋلى تۇردە تارتىپ قالۋ، ارناۋلى قوسىمشا اقشانى تارتىپ قالۋ قاتارلىلاردى شىعارىپ تاستاعاننان كەيىن، باجى تاپسىرۋدىڭ مۇلدە قاجەتى جوق نەمەسە وتە از باجى تاپسىرۋ مۇمكىن. ال، ەگەر تۇتاس جىلدا ءبىر رەت الاتىن سيلىق اقشاعا جەكە - جەكە باجى ەسەپتەۋ ءتاسىلىن قولدانىلسا، وندا تاپسىرۋعا ءتيىستى باجى سوماسى نەمەسە باجى اۋىرتپالىعى ارتادى. سونىمەن بىرگە، ەگەر تۇتاس جىلدا ءبىر رەت سيلىق اقشا بەرۋ ساياساتىن جەكە قولدانۋعا تۋرا كەلسە، باجى مولشەرىن اۋىستىرعاندا باجى سالىعى كەنەت ارتقان «داعدارىستىق نۇكتە» قۇبىلىسى تۋىلۋى مۇمكىن . سوندىقتان، «ۇقتىرۋدا» مىنالار ارناۋلى بەلگىلەندى: تۇرعىندار تۇتاس جىلدا ءبىر رەت سيلىق اقشا السا، باجى ەسەپتەۋ ءتاسىلىن ءوزى تاڭداپ، باجى تاپسىرۋشىلاردىڭ تۇتاس جىلدا ءبىر رەت بەرىلەتىن سيلىق اقشانى جالپىلىق تابىس ەسەبىنە قوسىپ ەسەپتەۋ-ەنگىزبەۋ جونىندە ءوز الدىنا تۇجىرىم جاساۋىنا بولادى. باجىنى ۇستاپ قالعان ورىندار سيلىق اقشا تاراتقان كەزدە، باجى تاپسىرۋشىلاردىڭ باجىنى كەمەيتۋ پايداسىنان يگىلىكتەنۋىنە قولايلى بولۋىنا كوڭىل ءبولۋى كەرەك.

 

 

دەرەككوز: جۇڭگو ۇكىمەت تورابى

اۋدارعان: مۇقامادي ءشارىپ ۇلى

 

QQ浏览器截图20190802100549.jpg
IMG_8986.jpg
00.jpg
QQ浏览器截图20190802095544.jpg
00.jpg