التى وقىتۋشىنى وقۋ-اعارتۋ مينيسترلىگى اشىق سىندادى
0
2019-08-03 17:25:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :

 

    7-ايدىڭ 31-كۇنى، وقۋ-اعارتۋ مينيسترلىگى جەرگىلىكتى ورىن مەن مەكتەپكە تەكسەرىپ انىقتاۋدى قاداعالاي تاپسىرعان، وقىتۋشىلىق كاسىپتىك قيمىلدىڭ ون ٴتۇرلى ولشەمىنە قيعاشتىق جاساعان التى وقىتۋشىنى قوعامعا اشىق جاريالادى.


    وقۋ-اعارتۋ مينيسترلىگىنىڭ قاتىستى جاۋاپتىسى بىلاي دەيدى: «وسى التى ٴتۇرلى تيپتىك ماسەلەدە، كەيبىرى وقۋشىلاردىڭ مال-مۇلكىن يەمدەنگەن، كەيبىرى عىلمي ەڭبەكتە قارالىق جاساعان، كەيبىرى وقۋشىعا جىنىستىق مازالاۋ جۇرگىزگەن، كەيبىرى ساباقتان سىرت اقى الىپ ساباق وتكەن نەمەسە تاربيەلەۋ ورىندارىنا وقۋشى تانىستىرىپ، ورتادان پايدا العان، كەيبىرى وقۋشىلارعا ٴتان جازاسىن قولدانعان».


    التى ٴتۇرلى تيپتىك ماسەلە مىنالار:


    1.حۋنان قوعامدىق عىلىمدار شۋەيۋانىنىڭ وقىتۋشىسى ليۋ xxتىڭ وقۋشىلاردان ٴوز بىلگەنىنشە قاراجات الۋ جانە وقۋشىلاردىڭ اقشاسىن يەمدەنىپ الۋ ماسەلەسى


    ليۋ xx جازبا تاريح جانە زاڭ عىلىمى شۋەيۋانى وقۋشىلار ۇيىمىنىڭ ورىنباسار جاۋاپتىسى، ساياسي جەتەكشى، كلاس جەتەكشىسى بولۋ قولايلىلىعىنان پايدالانىپ، وتەم ٴاميانى جانە ٴۇنحات ارقىلى ٴوز بەتىمەن وسى مەكتەپتەگى وقۋشىلاردىڭ قوسىمشا وقۋ قاراجاتى مەن كلاس قاراجاتىنان 770 مىڭ يۋان يەمدەنىپ العان. مەكتەپ ليۋ xx تىڭ دەلوسىن قوعام حاۋىپسىزدىگى ورگانىنىڭ دەلو تۇرعىزىپ تەكسەرۋىنە وتكىزىپ بەرگەن سوڭ، قوعام حاۋىپسىزدىگى ورگانى ليۋ xx تى قىلمىستىق ىستەر بويىنشا قولعا العان. ليۋ xx تىڭ ارەكەتى «جاڭا داۋىردەگى جوعارى مەكتەپ وقىتۋشىلارى كاسىپتىك قيمىلىنىڭ ون ٴتۇرلى ولشەمى» نىڭ ەكىنشى جانە توعىزىنشى تارماعىنا قايشى. «جۇڭگو كوممۋنيستىك پارتياسىنىڭ ٴتارتىپ جازاسى ەرەجەسى» جانە «وقۋ-اعارتۋ مينيسترلىگىنىڭ جوعارى مەكتەپ وقىتۋشىلارىنىڭ ٴمورالسىزدىق ارەكەتىن ٴبىرجاقتىلى ەتۋ جونىندەگى جەتەكشى پىكىرىنە» ساي، ليۋ xx كە پارتيادان ايداۋ، قىزمەتتەن قۋالاۋ جازاسى بەرىلىپ، قىلمىسقا ساياتىن ماسەلەلەرى ٴادىليا ورگاندارىنىڭ زاڭ بويىنشا ىشكەرىلەي ٴبىر جاقتىلى ەتۋىنە تاپسىرىلدى.


    2. شاڭحاي تەڭىز ىستەرى داشۋەسىنىڭ وقىتۋشىسى جياڭ xx تىڭ عىلمي ەڭبەكتە قارالىق جاساۋ ماسەلەسى


    جياڭ xx عىلمي ماقالا جاريالاعاندا باسقالاردىڭ ەڭبەگىن ۇرلاپ كوشىرىپ، «جاڭا داۋىردەگى جوعارى مەكتەپ وقىتۋشىلارى كاسىپتىك قيمىلىنىڭ ون ٴتۇرلى ولشەمى» نىڭ جەتىنشى تارماعىنا قايشىلىق جاساعان. «جۇڭگو كوممۋنيستىك پارتياسىنىڭ ٴتارتىپ جازاسى ەرەجەسى» جانە «وقۋ-اعارتۋ مينيسترلىگىنىڭ جوعارى مەكتەپ وقىتۋشىلارىنىڭ ٴمورالسىزدىق ارەكەتىن ٴبىرجاقتىلى ەتۋ جونىندەگى جەتەكشى پىكىرىنە» ساي، جياڭ xx كە پارتيا ىشىندە قاتاڭ ەسكەرتۋ بەرىلىپ، اكىمشىلىك كۇنا جازۋ جازاسى بەرىلدى، ەكى جىل ىشىندە ماگيستر اسپيرانتۋرا وقۋشىلارىن قابىلداۋ تولىمدىلىعى جانە ەكى جىل ىشىندە قازىرگى كاسىپتىك اتاعىنان جوعارى اتاققا ٴوتىنىش ەتۋ تولىمدىلىعى كۇشتەن قالتىرىلدى.


    3. ياڭجوۋ داشۋەسىنىڭ وقىتۋشىسى حۋا xx تىڭ وقۋشىلارعا جىنىستىق مازالاۋ جۇرگىزۋ ماسەلەسى


    حۋا xx مەكتەپ ٴتامامداۋ جوباسىنا جەتەكشىلىك ەتۋدى جەلەۋ ەتىپ، وقۋشىلاردى ماقساتتى تۇردە سىرتقا ەرتىپ شىققان، جەكە اۆتوكولىگىنىڭ ىشىندە جىنىستىق مازالاۋ جۇرگىزگەن. ول «جاڭا داۋىردەگى جوعارى مەكتەپ وقىتۋشىلارى كاسىپتىك قيمىلىنىڭ ون ٴتۇرلى ولشەمى» نىڭ التىنشى تارماعىنا قايشىلىق جاساعان. «جۇڭگو كوممۋنيستىك پارتياسىنىڭ ٴتارتىپ جازاسى ەرەجەسى» جانە «وقۋ-اعارتۋ مينيسترلىگىنىڭ جوعارى مەكتەپ وقىتۋشىلارىنىڭ ٴمورالسىزدىق ارەكەتىن ٴبىرجاقتىلى ەتۋ جونىندەگى جەتەكشى پىكىرىنە» ساي، حۋا xx كە پارتيا ىشىندە ٴبىر جىل باقىلاپ كورۋ، قىزمەت ورىن دارەجەسىن تومەندەتۋ جازاسىن بەرىپ، وقىتۋشىلىق ورىننان جوتكەپ، دوتسەنتتىك كاسىپتىك اتاق تولىمدىلىعى جانە اسپيرانتتارعا جەتەكشى وقىتۋشى بولۋ سالاۋاتى، بارلىق ماراپاتتارى كۇشتەن قالتىرىلىپ، يە بولعان سيلىق سوماسى تۇگەلدەي قايتارىپ الىنىپ، وقىتۋشىلىق سالاۋاتى الىنىپ تاستالدى.


    4. ىشكى موڭعۇل باۋتۋ قالاسى حۇيزۋ ورتا مەكتەبىنىڭ وقىتۋشىسى جيا xx تىڭ اقى الىپ ساباق پىسىقتاتۋ ماسەلەسى


    باۋتۋ قالاسى وقۋ-اعارتۋ مەكەمەسى ارناۋلى تەكسەرىپ، تۇبەگەيلى تۇزەتۋ قيمىلىن ورىستەتۋ بارىسىندا، باۋتۋ قالاسى حۇيزۋ ورتا مەكتەبىنىڭ وقىتۋشىسى جيا xx تىڭ ۇزاق ۋاقىتتان بەرى ساباقتان سىرت اقى الىپ پىسىقتاۋ جۇرگىزگەنىن انىقتاعان. «جاڭا داۋىردەگى ورتا مەكتەپ وقىتۋشىلارى كاسىپتىك قيمىلىنىڭ ون ٴتۇرلى ولشەمى» نىڭ ونىنشى تارماعىنا اۋىر قايشىلىق جاساعان. «ورتا-باستاۋىش مەكتەپ وقىتۋشىلارىنىڭ وقىتۋشىلىق ٴمورالعا قايشىلىق جاساۋ ارەكەتىن ٴبىر جاقتىلى ەتۋ شاراسىنا (2018-جىلعى وزگەرتىلگەن نۇسقاسى)» ساي، جيا xx كە قىزمەت ورىن دارەجەسىن تومەندەتۋ جازاسىن بەرىپ، قىزمەت ورنىنان جوتكەدى. وسى مەكتەپتىڭ جاۋاپتىسىنا سىن تاربيە بەرىلىپ، مەكتەپتىڭ جىل سوڭىنداعى باعالاۋدا وزات بولۋ تولىمدىلىعى كۇشتەن قالتىرىلدى.


    5. گۋاڭشي بايسى قالاسى تاجىريبە باستاۋىش مەكتەبىنىڭ وقىتۋشىسى جياڭ xx تىڭ وقۋشىلارعا ٴتان جازاسىن قولدانۋ، مەكتەپتەن سىرتقى تاربيەلەۋ قۇرىلىمدارىنا وقۋشى تانىستىرۋ ماسەلەسى


    جياڭ وقۋشىلارعا تەڭ مامىلە جاساماي، ٴتان جازاسىن قولدانعان، مەكتەپتەن سىرتقى تاربيەلەۋ قۇرىلىمدارىنا وقۋشى تانىستىرىپ، پاكتىكپەن تاربيەلەۋ تارتىبىنە قيعاشتىق ىستەگەن. «جاڭا داۋىردەگى ورتا مەكتەپ وقىتۋشىلارى كاسىپتىك قيمىلىنىڭ ون ٴتۇرلى ولشەمى» نىڭ بەسىنشى، توعىزىنشى جانە ونىنشى تارماعىنا قايشىلىق جاساعان. «جۇڭگو كوممۋنيستىك پارتياسىنىڭ ٴتارتىپ جازاسى ەرەجەسى» جانە «ورتا-باستاۋىش مەكتەپ وقىتۋشىلارىنىڭ وقىتۋشىلىق ٴمورالعا قايشىلىق جاساۋ ارەكەتىن ٴبىر جاقتىلى ەتۋ شاراسىنا (2018-جىلعى وزگەرتىلگەن نۇسقاسى)» ساي، جياڭ xx كە پارتيا ىشىندە ەكى جىل باقىلاپ كورۋ، قىزمەت ورىن دارەجەسىن تومەندەتۋ جازاسى بەرىلىپ، وقىتۋشىلىق قوسىننان جوتكەلدى. سونىمەن بىرگە، وقۋ-اعارتۋ اكىمشىلىك تاراۋلارى قاتىستى باسشىلارى مەن مەكتەپ باستىعىنىڭ جاۋاپكەرلىگى قاتاڭ قۋزالادى.


    6. گۋاڭدۇڭ چاۋجوۋ قالاسى راۋپيڭ اۋدانى مۇھاجىرلار ورتا مەكتەبىنىڭ وقىتۋشىسى ۋ xx تىڭ وقۋشىلارعا جىنىستىق مازالاۋ جۇرگىزۋ ماسەلەسى


    ۋ xx ٴوز جاسىن جانە سالاۋاتىن جاسىرىپ، ٷنحات ارقىلى وسى مەكتەپتەگى قىز وقۋشىلارمەن بەيپىل كەڭەسكەن، ٴتاتتى ٴسوز، بادىك سويلەمدەر ارقىلى قىز وقۋشىلاردى شىرعالاپ، ولارعا بادىك كەسكىن جانە سۋرەت جولداعان. «جاڭا داۋىردەگى ورتا مەكتەپ وقىتۋشىلارى كاسىپتىك قيمىلىنىڭ ون ٴتۇرلى ولشەمى» نىڭ جەتىنشى تارماعىنا قايشىلىق جاساعان. «جۇڭگو كوممۋنيستىك پارتياسىنىڭ ٴتارتىپ جازاسى ەرەجەسى» جانە «ورتا-باستاۋىش مەكتەپ وقىتۋشىلارىنىڭ وقىتۋشىلىق ٴمورالعا قايشىلىق جاساۋ ارەكەتىن ٴبىر جاقتىلى ەتۋ شاراسىنا (2018-جىلعى وزگەرتىلگەن نۇسقاسى)» ساي، ۋ xx كە پارتيادان ايداۋ، قىزمەتتەن قۋالاۋ جازاسى بەرىلىپ، وقىتۋشىلىق سالاۋاتى كۇشتەن قالتىرىلدى.


    وقۋ-اعارتۋ مينيسترلىگى بۇدان بۇرىن جاريالاعان تيپتىك ٴتورت ماسەلە


    وقۋ-اعارتۋ مينيسترلىگىنىڭ بيىل 4-ايدا وقىتۋشىلىق كاسىپتىك قيمىلىنىڭ ون ٴتۇرلى ولشەمىنە قايشىلىق جاساعان ٴتورت تيپتىك ماسەلەنى جاريالاعان بولاتىن.


    بۇلار، نانجيڭ داشۋەسىنىڭ وقىتۋشىسى لياڭ يىڭنىڭ عىلمي ەڭبەككە قارالىق جاساۋى؛ جىنجوۋ عىلىم-تەحنيكا شۋەيۋانىنىڭ وقۋشىلار ساياسي جەتەكشىسى يە چىڭنىڭ وقۋشىلارمەن قالىپسىز قاتىناس جاساۋ ارەكەتى؛ انحۇي ولكەسى تۇڭليڭ قالاسىنداعى ٷش وقىتۋشىنىڭ وقۋشىلاردى ساباقتان سىرت اقى الىپ ساباق پىسقتاۋعا ۇيىمداستىرۋى؛ حيلۇڭجياڭ ولكەسى حاربين قالاسىنىڭ وقىتۋشىسى نا جۇڭحۋانىڭ وقۋشىلاردىڭ اتا-اناسىنان ساۋعا الۋ ماسەلەسى.


    وقۋ-اعارتۋ مينيسترلىگىنىڭ قاتىستى جاۋاپتىسى بىلاي دەدى: بۇل وقىتۋشىلار بەلگىلەمەگە، تارتىپكە قايشى ارەكەتتەرى ارقىلى وقۋشىلارعا اۋىر زيان جەتكىزىپ، وقىتۋشىلاردىڭ وبرازىنا داق ٴتۇسىردى، اسا ناشار قوعامدىق ىقپال تۋدىردى، مۇنىڭ باسىم كوپ ساندىسى «وقىتۋشىلاردىڭ كاسىپتىك قيمىلىنىڭ ون ٴتۇرلى ولشەمى» باسىپ تاراتىلعاننان كەيىن تۋىلىپ وتىر، بۇل ٴىشىنارا وقىتۋشىلاردىڭ بۇل ولشەمدى ۇيرەنبەگەندىگىن، تارتىپكە بويسۇنباعاندىعىن، ەرەجەگە قۇرمەت ەتپەگەندىگىن اڭعارتادى، ارينە، قاتاڭ ٴبىر جايلى ەتىپ، جالپى وقىتۋشىلارعا عيبىرات ەتۋ كەرەك. وقىتۋشىلار ٴوزىن ساقتاندىرىپ، ٴوزىن باعامداپ جانە قادىرلەپ، ٴمورال ارقىلى ٴوزىن باۋلۋلارى، ٴمورال ارقىلى ٴبىلىم بەرۋلەرى، تاماشا وبراز، اسىل قاسيەتتەرى ارقىلى ٴوز بويىمەن ونەگە كورسەتۋلەرى، مۇراتتى، ٴمورالدى، تولىمدى وقىتۋشىلاردان بولۋلارى كەرەك.


اۋدارعان: قاۋسىلقان قاسىمقان ۇلى

00.jpg
00.jpg
00.jpg
00.jpg
00.jpg