كەن ورنىن جاسىل سىرعا بوياپ «ورتا قورعاعان» الاياقتار
0
2019-08-03 17:28:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :


    جاقىنعى جىلداردان بەرى مەملەكەت «جاسىل ءتۇستى كەن كاسىبىن دامىتۋدى» دارىپتەپ كەلەدى. زاڭدى تۇردە كەن قازۋ العى شارتى استىندا ولشەمدى باسقارۋ تاسىلدەرى ارقىلى كەن ورنىنىڭ ماڭايىنداعى حالىق بۇقاراسى مەن كەن بايلىعىن اشاتىن ورىننىڭ جاراسىمدى قاتىناستى ساقتاۋىن تالاپ ەتتى. الايدا شاندۇڭ ولكەسىنىڭ شينتاي قالاسىندا جەرلىك ورىن جاسىل ءتۇستى دامىتۋدى ايگىلەۋ ءۇشىن كەن شىعاتىن تاۋدى جاسىل سىرمەن بوياپ تاستاعان.


    ورتا قورعاۋ مەكەمەسىنىڭ تەكسەرۋىنە توتەپ بەرۋ ءۇشىن كەن قازاتىن تاۋدى جاسىل سىرمەن بوياعان


    7-ايدىڭ 30-كۇنى ساعات 11 دە، تىلشى شينتاي قالاسى حيشانزى قىستاعىنىڭ سولتۇستىگىندەگى تاس ماتەريالدار زاۆودتىن كورگەندە، تاس ماتەريالدار زاۆودتىنىڭ ماڭايىنداعى تاستار تۇگەلدەي جاسىل سىرمەن بويالعان.


    اۋەدەن تۇسىرىلگەن سۋرەتتەن، تاس ماتەريالدارى زاۆودتىنىڭ يەلەگەن جەر كولەمى نەشە ون مۋ ەكەنى، زاۆودتىڭ اينالاسىن قورشاعان تاستاردىڭ جاسىل تۇسكە سىرلانعانى انىق كورىنەدى.


    تاس ماتەريالدار زاۆودتىنىڭ قاقپاسىندا ءوندىرس توقتاتىلدى دەگەن ۆيۋەسكا اسقانىمەن، جارىم ساعات ۋاقىت ىشىندە ءتىلشى 4 ءىرى جۇك اۆتوموبيلىنىڭ كىرگەنىن بايقاعان.

    ءىرى جۇك اۆتوموبيل شوفەرلەرى زاۆود اتى جازىلماعان تاس ماتەريالدار زاۆودتىنىڭ قاقپاسىنا كىرگەن سوڭ، جۇك اۆتوموبيلىن توقتاتىپ قاقپانى ىشىنەن قۇلىپتاعان.


    ءوندىرىس تيجاراتى توقتاپ دەمالدى دەپ ۆيۋەسكا اسقانىمەن زاۆود نەلىكتەن جاسىرىن جۇمىس ىستەيدى؟


    ءوندىرىسى توقتاپ دەمالدى دەلىنگەن جازۋى بار تاقتا اسىلعان تاس ماتەريالدار زاۆودى، شىنىمەن، تاس ماتەريالدارىن جاسىرىن قازىپ جاتىر ما؟ قاقپا قۇلىپتالعاندىقتان، ءتىلشى جانىنداعى تاۋ بوكتەرىن اينالىپ ءوتىپ كەن ورنىنا بارادى.


    ءتىلشى تاۋ بوكتەرىنەن ءوندىرىس جابدىقتارىنىڭ گۇرىلدەگەن داۋىسىن انىق ەستىگەن. 10 مينۋتتان كەيىن ءتىلشى تاۋ باسىنا جەتەدى. تاۋدىڭ ارعى جاعىنا ۇڭىلە قاراسا تاستى تىلەتىن اسپاپتار قاۋىرت جۇمىس ىستەپ جاتىر ەكەن. تاۋداعى تاس ماتەريالىن الاتىن ورىن 100 مەتردەي تەرەڭدىكتە قازىلعان.


    ءتىلشى تاۋ ەتەگىنە ءتۇسىپ تاس ماتەريالدار زاۆودتىنان شىعىپ، كەن ورنىنىڭ ەتەگىندەگى جولعا شىققاندا جولدىڭ اينالاسىندا جاسىل سىرعا بوياعان قالىڭ تاستاردى كورەدى.


    الدىندا عانا زاۆود قاقپاسىنان كىرگەن ۇلكەن جۇك اۆتوموبيلدەرىنىڭ شوفەرلەرى تاس ماتەريالىن كولىككە باسقان ارەدىكتە سامالدىقتا دەمالىپ وتىرىپتى. زاۆود بۇعالتىرى ولارعا تالون كەسۋدە.


    نەلىكتەن تاستاردى جاسىل سىرعا بويايدى؟ شينتاي قالاسى چاڭشىڭ تاس ماتەريالدار زاۆودتى بۇعالتىرىنىڭ تانىستىرۋىنشا، تاستاردى جاسىل سىرعا بوياۋدىڭ سەبەبى ورتا قورعاۋ مەكەمەسىنىڭ تەكسەرۋىنە توتەپ بەرۋ ءۇشىن جاسالعان. ءبىر ءىرى جۇك اۆتوموبيلى شوفەرىنىڭ تانىستىرۋىنشا، تاستار بىلتىر عانا جاسىل سىرمەن بويالعان. اۋەدەن كەسكىنگە السا، سۋرەتكە تۇسىرسە كەن ورنىنىڭ ايناللاسى جاسىل ءتۇستى بولىپ كورىنەدى.


    ورتا قورعاۋ مەكەمەسىنىڭ تەكسەرۋىنە توتەپ بەرۋ، اۋەدەن جاساندى سەرىك ارقىلى باقىلاپ باسقارۋدان قۇتىلۋ ءۇشىن تاستاردى جاسىل سىرعا بوياعان وسى تاس ماتەريالدار زاۆودتىنىڭ كەن قازۋ رۇحسات كۋالىگى بار ما؟ تاس ماتەريالدار زاۆودى جاۋاپتىسىنىڭ ايتۋىنشا، ولاردا كەن قازۋ، ورتا قورعاۋ مەكەمەسىنىڭ تەكسەرۋى قاتارلى راسىمياتتار تولىق ەكەن.


    شينتاي قالالىق ورتانى باقىلاۋ ـ تەكسەرۋ ۇلكەن اترەتىنىڭ 3 ـ ورتا اترەتى: ماعان قالاي تياناقتاندىر دەمەكسىڭ، مەن كىمدى ىزدەيمىن؟


    تاسقا جاسىل سىر شاشىپ بوياسا، چاڭشىڭ تاس ماتەريالدار شەكتى سەرىكتەستىگى ورتا قورعاۋدىڭ باعالاۋ راسىمياتىن وتەي الا ما؟


    وسىدان كەيىن ٴتىلشى شينتاي قالالىق ورتانى باقىلاۋ ۇلكەن اترەتىنىڭ 3-ورتا اترەتىنە كەلدى. قاراستى ورىننىڭ باسقارۋ پرينسيپى بويىنشا، ولار تاس ماتەريالدار زاۆودىن كۇندەلىكتى باقىلاپ - باسقارۋعا جاۋاپتى بولۋعا ءتيىس ەدى.


    ورتا قورعاۋ باعالاۋىن قالاي بەكىتۋ كەرەك، ونىڭ قانداي تالاپتارى بار، قالاي تياقتاندىرۋعا بولادى؟ ءتىلشىنىڭ سۇراۋلارىنا شينتاي قالالىق ورتا قورعاۋ باقىلاۋ تەكسەرۋ ۇلكەن اترەتى 3-اترەتىنىڭ قىزمەتكەرى بىلاي دەدى: ماعان قالاي تياناقتاندىر دەيسىڭ؟ مەن كىمدى ىزدەيمىن؟


    تىلدەسۋدەن ناتيجە شىقپاعان سوڭ ءتىلشى ءتاي-ءان قالالىق اكىمشىلىك تەكسەرىپ-بەكىتۋ مەكەمەسىنىڭ ەكولوگيالىق ىستەردى ءبىر جاقتى ەتۋ تەرەزەلىك ورنىنا كەلدى، تەرەزەلىك ورىن قىزمەتكەرى تانىستىرۋىنشا چاڭشىڭ تاس ماتەريالدارى زاۆودىنىڭ قورشاعان ورتانى باعالاۋ راسىمياتى ٴالى بىتپەگەن، بۇل رەسىمياتتار بولماسا وندىرىسپەن شۇعىلدانۋعا بولمايدى، وندىرىسپەن شۇعىلدانسا ايىپ سالىنادى، قازىر بۇنداي ىستەر قاتاڭ تەكسەرىلۋدە»،-دەدى. ءتىلشى جەرلىك ورىنداعى قاتىستى تاراۋلاردىڭ نەلىكتەن تەكسەرمەگەنىن سۇراعاندا، قزمەتكەر ەرتەلى-كەش تەكسەرەدى دەپ جاۋاپ بەردى.


    تاستاردى جاسىل سىرمەن بوياپ بۇركەنشىك جاساپ جۇرگەندەر كىمدەر؟


    ءتىلشى تەكسەرۋ بارىسىندا كەن قازۋ ورنىنداعى تاستاردىڭ بىلتىر جاسىل سىرمەن بويالعانىن ۇعىسادى، سوندا جەرلىك ورىنداعى ۇكىمەت تاراۋلارى ءمان-جايدان حابارسىز با؟


    ەگەر جەرلىك ۇكىمەت پەن قاتىستى تاراۋلار جاعدايدان حاباردار بولسا، نە ٴۇشىن قازىرگە دەيىن تەكسەرىپ ٴبىر جاقتى ەتپەگەن؟ ورتانى قورعاۋ باعالاۋ راسىمياتى بولماسا كەن اشۋ رۇقسات كۋالىگىن قالاي باسقارۋعا بولادى؟ بۇل سۇراۋلارعا ۇزدىكسىز نازار اۋدارۋ كەرەك.


حالىق گازەتى ۋيچات تۇعىرىنان
اۋدارعان: قۋات جۇماش ۇلى (تورابىمىزدىڭ ۇسىنىس ەتىلگەن ءتىلشىسى)

00.jpg
00.jpg
00.jpg
00.jpg
00.jpg