قادام ەسەپتەۋىش ءبىزدىڭ قانشا ادىم جۇرگەنىمىزدى قالاي ەسەپتەي الادى؟
0
2019-08-06 17:17:00
|
كەلۋقاينارى:
|
جاۋاپتى رەداكتور :

 

    قازىر كەزدە، ءارقانداي ادام دەنساۋلىعىنا ەرەكشە كوڭىل بولەدى. ال ارەكەت جاساۋ— اقاۋسىز دەنساۋلىق ساقتاۋدىڭ ەڭ ماڭىزدى ءادىسى. مەيلى سىرتقا شىعىپ قول شىعىرىق نەمەسە قادام ەسەپتەۋىش تاعىپ ياكي قول تەلەفونىن العان ادامدار ءوزىنىڭ جۇرىس- تۇرىسىن كۇندەلىكتى ەستەلىككە الىپ وتىرادى. بۇل كوپتەگەن ادامداردىڭ تۇرمىس ادەتىنە اينالىپ وتىر. ءبىراق، قادام ەسەپتەۋىش ءسىرا قالاي قىزمەت ىستەيدى؟ ءار كۇنى قانشا ادىم جۇرەتىنىمىزدى قالاي بىلەمىز؟

 

 

جۇڭگو ەلەكترون عىلىمىن زەرتتەۋ ورنىنىڭ ينجەنەرى لياۋ يۇڭ بىلاي دەپ تانىستىردى:

 

«ەڭ العاشىندا قادام ەسەپتەۋىش مەحانيكالىق فورمادا بولادى. ويتكەنى، ادام جۇرگەن كەزدە سول تەربەلىستى الىپ جۇرەدى. ول نەگىزىنەن، ەگەر، ادام ءبىر ادىم جۇرسە، ونان سوڭ تەربەلىس بالعانى قوزعالتىپ، مەتالمەن جاناسىپ توك وتكىزەدى دە ءبىر قادام ەستەلىك قالدىرىپ وتىرادى.

 

ءاسىلى، قادام ەسەپتەۋىش تەربەلمە مەن مەتالدىڭ جاناسۋىنا سۇيەنگەندە عانا، ءبىزدىڭ قادام سانىمىزدى ەستەلىككە الا الادى. ءبىراق، قازىر تارالىپ جۇرگەن اقىلدىق ساقينا مەن قول تەلەفوننىڭ ىشىندەگى ادىمدى ەسەپتەۋ جۇمساق بولشەگى دە وسى قاعيداعا جاتا ما؟

 

قازىرگى قول تەلەفون ساقيناسىنىڭ ىشىندە، ول ادەتتە، ءبىر وتە كىشكەنە چيپ ارقىلى جۇرەتىن ءۇش ءوستى تەزدەتكىش وتكىزگىشى بولىپ تابىلادى. وسى ۇدەتكىش وتكىزگىشى ارقىلى قول تەلەفوننىڭ نەمەسە ساقينانىڭ ۇقساماعان ءۇش باعىتتاعى ۇدەۋى( تەزدىگى) ولشەنەدى. ونان سوڭ وسى ۇدەۋ ءمانى ارقىلى كەيبىر ەسەپتەۋ امالدارى بويىنشا ەسەپتەلەدى. ونان سوڭ ساناق ارقىلى جول ءجۇرۋ مولشەرىندەگى قادام سانىن بىلۋگە بولادى.

 

مۇنداي ۇدەتكىش وتكىزگىش ۇدەۋ قارقىنىن قالاي ەسەپتەيدى؟

 

ءبىر ءتۇرلى ەرەكشە ماتەريال بار بولىپ، ول قىسىممەن زاريادتالاتىن فارفور ماتەريال دەپ اتالادى. سول ءبىر اسەر تەربەلىسى ۇستىندەگى كۇشتىڭ ۇلكەن- كىشىلىگىنە قاراي تۇرلىشە ءپىشىن وزگەرىسى تۋىلادى. وسىلايشا، ونىڭ ۇستىنە اسەر ەتەتىن كۇش ارقىلى ۇدەۋ جىلدامدىعىن ولشەۋگە بولادى. ونان سوڭ ۇدەۋ ارقىلى وسى ادامنىڭ جۇرگەن- جۇرمەگەنىنە، قايسى باعىتتا قوزعالىس جاساعان- جاساماعاندىعىنا تۇجىرىم جاساۋعا بولادى.

 

ءبىراق، قولفوندى قولمەن اينالدىرعاندا دا ۇدەۋ پايدا بولادى

 

ادام جۇرگەن كەزدە، جيلىك بەلگىلى ءبىر كولەم ىشىندە بولادى. ەگەر، قولفوندى الىپ تەربەلتەتىن بولسا، ءبىر جاعىنان، تەربەلۋ جيلىگى توتەنشە تەز بولادى؛ ەندى ءبىر جاعىنان، قولفوندى ۇستاپ تۇرعان كەزدە، ۇدەۋ جىلدامدىعىنىڭ وزگەرىسى ادامنىڭ جۇرگەن جىلدامدىعىنىڭ وزگەرىسىنەن الدە قايدا زور بولادى. نەگىزىنەن وسى ەكى جاق ارقىلى ادامنىڭ قول تەلەفونمەن تەربەلىپ بارا جاتقانىن، الدە شىن جۇرگەن- جۇرمەگەندىگىن دە تۇجىرىمداۋعا بولادى.

 

ءىس جۇزىندە، ادىمدى ەسەپتەۋ يقۋاتى ۇدەتكىش سەزىمتال وتكىزگىشتىڭ ءبىر ءبولىمى عانا. اۆتوموبيلدەردىڭ حاۋىپسىزدىگى، كوپىرلەردىڭ اقاۋسىزدىعى سياقتى جاقتاردا ۇدەتكىش سەزىمتال وتكىزگىشتىڭ اسا ماڭىزدى رولى بار.

 

مىسالى، اۆتوموبيلدەگى حاۋىپسىزدىك گاز قالتاسى نە ءۇشىن سەرپىلىس جاسايدى؟ ويتكەنى، اۆتوموبيل بەلگىلى جىلدامدىققا جەتكەندە كەنەت توقتاي قالسا، حاۋىپسىزدىك گاز قالتاسى اتىلىپ شىعادى. ءىس جۇزىندە، ۇدەتكىش سەزىمتال وتگىزگىشتىڭ العا باسۋ باعىتىن ولشەيتىن كەرى ۇدەۋ جىلدامدىعى بولادى. نەمەسە، وتە تەز جىلدامدىقتان كەنەن توقتاپ قالعاندا، ءبىر شاما وزگەرىس پايدا بولادى دا سول ۋاقىتتا حاۋىپسىز گاز قالتاسىن اتىپ شىعارۋ كەرەك پە، جوق پا دەگەن تۇجىرىم جاساي الادى.

 

سەنزور تەحنيكاسى مەن كومپيۋتەر تەحنيكاسى، حابارلاسۋ تەحنيكاسى وسىزامانعى ينفورماتسيا تەحنيكاسىنىڭ ءۇش ۇلكەن تىرەگى سانالادى. عارىشتىق تاسىمال راكەتاسىنا قولدانىلاتىن سەزگى 2000 نان اسادى؛ ءبىر حالىقتىق اۆياتسيا جولاۋشىلار ۇشاعىنا قولدانىلاتىن سەزگى دە مىڭنان اسادى. ءارقانداي اۆتوماتتى مەڭگەرۋ قۇرىلعىسى مەن جۇيەسى سەنزور تەحنيكاسىنان ايىرىلا المايدى دەۋگە بولادى.

 

سوندىقتان، ءۇنحات قادام ەسەپتەۋىشىنىڭ استارىندا اسا كۇشتى تەحنيكا جاتىر!

 

دەرەككوزى: شينحۋا اگەنتتىگى

حانزۋشادان اۋدارعان: قاليما بوقان قىزى (تورابىمىز ۇسىنىس ەتكەن ءتىلشى)


企业微信截图_20190806172935.jpg
middle_17f6a6a8a08661d7f0486835f5c3e41a.jpg
01.jpg
00.jpg
640 (2).gif