ۇيالى تەلەفون ابونتتارى بيىل 11-ايدا جاپپاي يگىلىكتەنەتىن جاڭا ساياسات
0
2019-08-08 17:11:00
|
كەلۋقاينارى:
|
جاۋاپتى رەداكتور :

 

ۇيالى تەلەفون ءنومىرىن ساقتاپ توراپ اۋىستىرۋ دەگەن نە؟

ۇيالى تەلەفون ءنومىرىن ساقتاپ توراپ اۋىستىرۋ دەگەنىمىز ۇيالى تەلەفون وزگەرتپەي بۇرىنعى تيجارات جۇرگىزۋشى توراپتى وزگەرتۋدى مەڭزەيددى. اتاپ ايتقاندا، ٴبىر حابارلاسۋ سەرىكتىگىنىڭ تۇتىنۋشىسى ٴوزىنىڭ قول تەلەفون ٴنومىرىن وزگەرتپەي-اق باسقا ٴبىر حابارلاسۋ سەرىكتىگىنىڭ تۇتىنۋشىسىنا اينالىپ، ٴتۇرلى قىزمەت وتەۋدەن يگىلىكتەنە الادى. مىسالى، جۇڭگو جىلجىمالى حابارلاسۋ تورابىنىڭ تۇتىنۋشىسى بۇرىنعى ۇيالى تەلەفون ءنومىرىن وزگەرتپەي، وسى ۇيالى تەلەفون نومىرىنە قىزمەت وتەيتىن توراپ جەلىسىن جۇڭگو بىرلەسپە حابارلاسۋ نەمەسە جۇڭگو تەلەگراق حابارلاسۋ تورابىنا اۋىستىرادى.

 

نەلىكتەن ۇيالى تەلەفوننىڭ بۇرىنعى ءنومىرىن ساقتاپ توراپ الماستىرادى؟

تيجارات جۇرگىزەتىن ساۋدا تورابىنىڭ قىزمەت وتەۋى كوڭىلىڭىزدەن شىقپاسا، الايدا، قىزمەت وتەۋ تۇرلەرىن جاڭالاماق بولعانىڭىزدا ۇيالى تەلەفون ءنومىرىن جاڭالاۋعا تۋرا كەلىپ، بۇرىنعى ۇيالى تەلەفون نومىرىنە اسا مول ينفورماتسيا تىركەپ العان بولساڭىز، بۇرىنعى ۋاقىتتا ۇيالى تەلەفون نومىرىن جاڭالايتىن ەدىڭىز. قازىر بۇل جۇمىس ءنومىردى ساقتاپ توراپ الماستىرۋ ارقىلى شەشىلەدى. بۇرىنعى نومىرىڭىز بەن قىزمەت وتەۋ تۇرلەرى باياعىداي ساقتالادى.

 

 

ۇيالى تەلەفون ءنومىرىن ساقتاپ توراپ اۋىستىرۋدىڭ قانداي پايداسى بار؟

شەتەلدىڭ وزىق تاجىريبەسىنەن قاراعاندا، ۇيالى تەلەفون ءنومىرىن ساقتاپ توراپ اۋىستىرۋ جۇمىسىن ىسكە اسىرۋدىڭ العاشقى مەزگىلىندە حابارلاسۋ بازارىنىڭ جاعدايىنا بەلگىلى ىقپال جاسايدى. الايدا تۇتىنۋشىلار جونىنەن قۋانىشتى حابار تۇتىنۋ باعاسى جاپپاي تومەندەيدى. سەبەبى تيجارات جۇرگىزەتىن حابارلاسۋ سەرىكتىكەرى ارزان دا ساپالى قىزمەت وتەۋ ارقىلى حاريدارلاردى الىپ قالۋعا تىرىسادى. سەبەبى ولار حاريدارلاردان ايىرىلۋدان الاڭدايدى.

 

قايىتكەندە ۇيالى تەلەفون ءنومىرىن ساقتاپ توراپ اۋىستىرۋدى جۇزەگە اسىرۋعا بولادى؟

حۋبەي قاتارلى بەس ولكە سىناق ءتۇيىنى بولادى. ءبىرىنشى قادام: CXXZ # اتى-ءجونى # كۋالىكتىڭ ءنومىرى قاتارلىلار رەداكسيالانىپ قازىرگى قىزمەت وتەۋشى ورىننىڭ جۇمىس تەكشەسىنە جولدانادى. ەكىنشى قادام: CQXZ # اتى-ءجونى # كۋالىكتىڭ ءنومىرى قاتارلىلار رەداكسيالانىپ قازىرگى قىزمەت وتەۋشى ورىننىڭ جۇمىس تەكشەسىنە جولدانادى. وسى ارقىلى ۇيالى تەلەفون ءنومىرىن ساقتاپ توراپ اۋىستىرۋعا ۇقىقتى نومىرگە يە بولاسىڭ. ءۇشىنشى قادام: ۇيالى تەلەفون ءنومىرىن ساقتاپ توراپ اۋىستىرۋعا ۇقىقتى ءنومىردى جانە ازاماتتىق كۋالىكتى الىپ بۇرىنعى ۇيالى تەلەفون نومىرىنە جاڭادان قىزمەت وتەۋشى سەرىكتەستىك ورنىنا كەلەسىڭ. بۇرىنعى ۇيالى تەلەفون ءنومىرىن جاڭا توراپ جەلىسىنە قوسۋ جۇمىسىنىڭ راسىمياتتارىن وتەيسىڭ.

 

 

ۇيالى تەلەفون ءنومىرىن ساقتاپ توراپ اۋىستىرۋدا قانداي ماسەلەلەر جولىعادى؟

ۇيالى تەلەفون ساتۋ، ۇسىنۋ قيمىلدارىنا قاتىناسا المايدى. بۇرىنعى ۇيالى تەلەفون ءنومىرىڭىزدىڭ سويلەسۋ قاراجاتىن قايتارۋ سياقتى قىزمەت وتەۋ تۇرلەرى بار بولسا، ءنومىردى ساقتاپ توراپ الماستىرۋدان بۇرىن وسى قىزمەت تۇرىن كۇشىنەن قالدىرۋىڭىز كەرەك. جاڭادان پايدالاناتىن توراپ تيجارات ورنىنىڭ قىزمەت تۇرلەرىمەن سايكەس كەلمەسە، جىلجىمالى لەنياداعى قىزمەت وتەۋشى ورىنداردا بارىپ ۇيالى تەلەفون ءنومىرىن ساقتاپ توراپ اۋىستىرۋ جۇمىستارىن بىتىرەسىز. ۇقساماعان رايونداعى جۇمىس ءبىتىرۋ راسمىياتتاردى ۇقسامايدى. سوندىقتان، الدىمەن قاتىستى ورىندارعا، تيجارات دۇكەندەرىنە بارىپ ۇيالى تەلەفون ءنومىرىن ساقتاپ توراپ اۋىستىرۋ جۇمىستارىن ەگجەي-تەگجەيلى ۇعىسقانىڭىز دۇرىس.

 

وسى اراعا كەلگەندە، وقىرماندار «ۇيالى تەلەفون ءنومىرىن ساقتاپ توراپ اۋىستىرۋ» تۋرالى العاشقى ادىمدا تۇسىنىككە يە بولعان شىعار. «ۇيالى تەلەفون ءنومىرىن ساقتاپ توراپ اۋىستىرۋدىڭ» ۇزدىكسىز ەركىنە جىبەرىلۋىنە بايلانىستى حابارلاسۋ سەرىكتەستىگى ساۋداگەرلەرىنىڭ حابارلاسۋ بازارىنداعى ٴتيىمدى باسەكەلەسۋى ۇزدىكسىز كەڭەيەدى.

 

مەملەكەتتىك كەڭەستىڭ ۇنەمىلىك ىستەر ماجىلىسىندە، بيىل 11-ايدىڭ سوڭىنان بۇرىن بۇكىل ەل كولەمىندە «ۇيالى تەلەفون ءنومىرىن ساقتاپ توراپ اۋىستىرۋدى» جاپپاي اتقارۋ بەلگىلەندى.

 

تاياۋدا ونەركاسىپ جانە ينفورماتسيالاندىرۋ مينيسترلىگى «ۇيالى تەلەفون ءنومىرىن ساقتاپ توراپ اۋىستىرۋعا قىزمەت وتەۋدى باسقارۋدىڭ ۋاقىتتىق ٴادىسى (پىكىر الۋ نۇسقاسى)» جونىندە اشىق پىكىر الىپ، «ۇيالى تەلەفون ءنومىرىن ساقتاپ توراپ اۋىستىرۋعا» قىزمەت وتەۋ شارتىن، كاسىپ ٴتارتىبىن، قىزمەت وتەۋدى ارناعا ٴتۇسىرۋ سياقتى مازمۇنداردى ايقىندادى. بۇل ۇيالى تەلەفون ءنومىرىن ساقتاپ توراپ اۋىستىرۋ قىزمەتىنىڭ تياناقتانۋ ساتىسىنا وتكەندىگىن، تۇتىنۋشىلاردىڭ ۇيالى تەلەفون ءنومىرىن ساقتاپ توراپ اۋىستىرۋ كاسىبىنەن جاقىن كۇندەردە شىنايى يگىلىكتەنە الاتىندىعىن بىلدىرەدى.

 

2010-جىلى 11-ايدا ونەركاسىپ جانە ينفورماتسيالاندىرۋ مينيسترلىگى تۇڭعىش توپتاعى ۇيالى تەلەفون ءنومىرىن ساقتاپ توراپ اۋىستىرۋ سىناق ٴتۇيىنىن باستاعاننان بەرى، وبيەكتيۆ جاقتا كوپتەگەن ماسەلەلەر ورىن تەپتى. وسى ماسەلەلەرگە باعىتتاي وتىرىپ، «پىكىر الۋ نۇسقاسىندا» ٴارقايسى جاقتىڭ جاۋاپكەرشىلىگى اناعۇرلىم ايقىندالدى.

 

ۇيالى تەلەفون ءنومىرىن ساقتاپ توراپ اۋىستىرۋ كاسبىنە ٴوتىنىش ەتكەن تۇتىنۋشىلار ٴبىر ۋاقىتتا 5 شارتتى قاناعاتتاندىرۋى كەرەك—ياعني، ۇيالى تەلەفون ءنومىرىن ساقتاپ توراپ اۋىستىرۋدى ءوتىنىش ەتكەن ادام شىن اتى - جونىمەن تىزىمگە الىنۋى، ۇيالى تەلەفون ءنومىرى قالىپتى پايدالانۋ كۇيىندە تۇرعان بولۋى، تەلەگراف اقىسىن الدەقاشان اداقتاپ بولعان نەمەسە كەلىسىم بويىنشا اداقتاپ بولعان بولۋى، توراپتا كەلىسكەن قىزمەت وتەۋ مەرزىم شەگى تولعان نەمەسە كۇشىنەن قالدىرىلعان بولۋى، ۇيالى تەلەفون ٴنومىرىنىڭ توراپقا جالعانۋى 120 كۇنگە تولعان بولۋى كەرەك.

 

ءمۇبادا، 5 شارتتى تۇگەلدەي قاناعاتتاندىرعانىمەن ٴار ٴتۇرلى قاساقانا توسقاۋىلدارعا جولىقسا قايتۋ كەرەك؟ «پىكىر الۋ نۇسقاسىندا» دا بىلاي دەپ ايقىن بەلگىلەندى: تەلەگراف كاسىبى تيجاراتشىلارى ٴارقانداي تاسىلمەن تۇتىنۋشىلاردىڭ ۇيالى تەلەفون ءنومىرىن ساقتاپ توراپ اۋىستىرۋدى ءوتىنىش ەتۋىنەن باس تارتۋىنا، كەدەرگى جاساۋىنا، كەشىكتىرۋىنە نەمەسە باسقادا سىلتاۋمەن قىزمەت وتەۋدى اياقسىز قالدىرۋىنا بولمايدى؛ نەمەسە جۇمىس ءبىتىرۋ، شارۋالاردى ٴبىر جاقتى ەتۋ شارتىن كوبەيتىپ، ٴارقانداي تاسىلمەن تۇتىنۋشىلارعا ۇيالى تەلەفون ءنومىرىن ساقتاپ توراپ اۋىستىرۋعا قىزمەت وتەۋدەن باس تارتۋىنا، بوگەت جاساۋىنا، كەشەۋىلدەتۋىنە بولمايدى.

 

شينحۋا اگەنىتتىگى ۋيچات تەكشەسىنەن اۋدارعان: قۋات جۇماش ۇلى


2f7e-iaxiufn7537717.jpg
企业微信截图_20190808170156.jpg
00.jpg
00.jpg
00.jpg