كادرلاردىڭ تۇيمەدەي ءىسىن تۇيەدەي ىسكە اينالدىرۋعا بولمايدى
0
2019-08-14 15:38:00
|
كەلۋقاينارى:Kazakcnr
|
جاۋاپتى رەداكتور :Dawil

(ماتەريالدىق سۋرەت)

تاياۋدا حىنان ولكەسى شاڭچيۋ اۋدانىنداعى ءبىر ايەل كادردىڭ جيىندا اياعىن قاسىپ وتىرعان سۋرەتى جۇرتتىڭ تالقىسىنا اينالدى. وسى ءىس جونىندە جەرگىلىكتى قالاشىق ۇكىمەت: بۇل ايەل كادردىڭ اياعىنىڭ بۋىنى شىعىپ، ءدارى جاققان، ونىڭ ۇستىنە جيىن زالىندا ماسا بولعاندىقتان، اياعى جايسىزدانىپ، شىداي الماي اياعىن قاسىعان. كەيىن جۇرت اڭىسىن ۇققان سوڭ، ول قاتتى وكىنىپ، قالاشىق پارتكومعا ءوزىن تەكسەردى، دەپ جاۋاپ قايتارعان. قالاشىق پارتكوم، ۇكىمەت مەديالار مەن توراپكەرلەردىڭ باقىلاۋىنا، نازار اۋدارعانىنا ەرەكشە العىس ايتىپ، وسى ءىس جونىندە ارناۋلى جيىن اشىپ، بۇل ىستەن ساباق الىپ، بىرەۋى ارقىلى وزگەسىن تۇسپالداپ، تۇتاس قالاشىقتاعى كادرلاردىڭ ساپاسىن جوعارىلاتۋ جونىندە ارناۋلى تاربيە جۇرگىزىپ، جيىن ءتارتىبىن قايتالاي دارىپتەپ، ستيل قۇرىلىسىن كۇشەيتۋدى ۇيعارعان.


سىرتتاي قاراعاندا، وسى رەتكى اياق قاسۋ ىسىندەگى باقىلاۋشى مەن باقىلانۋشىنىڭ ءوزارا ىقپالداستىعى وتە ءمىنسىز، رەتتەۋ-وڭاۋدا «بىرەۋى ارقىلى وزگەسىن تۇسپالداعان»، ءبىر رەتكى ءساتتى باقىلاۋ جۇرگىزۋدەي كورىنەدى. ءىس جۇزىندە، اياقتى قاسۋ تەك وقتا-تەكتە تۋىلعان ارەكەت بولعاندىقتان، ستيل ماسەلەسىن تابۋعا ۇرىنعان باقىلاۋ ۇيعارىمى وزگەرتىلدى، قالاشىق ۇكىمەتىنىڭ جاۋابى دا كىسىنى يلاندىرا المادى. ەندەشە، كەلەر جولى كادرلاردى ماسا شاقسا باسقارماۋ كەرەك پە؟ بۇدان باقىلاۋداعى ەكى جاقتىڭ بەينەسى: بىرەۋى، تۇيەدەي ءىستى تۇيەدەي ىسكە اينالدىرۋ، ەندى ءبىرى، جۇرتتى جايىقتىرىپ، قاتاڭ باقىلاۋدان توتەنشە الشاقتاپ كەتكەندىك ەكەنىن اڭعارۋعا بولادى. جۋىردا  مۇنداي ىستەر توراپ جانە نەگىزگى ساتىدا كوپ كورىلۋدە. كادرلاردى باقىلاۋدا كەي ۋاقىتتا، ءىشنارا جەرلەر « ميميكانى» باقىلاۋ، « ارەكەتتى» باقىلاۋ نىسايى قالىپتاسىپ، كوبىندە سۋرەت جانە كەسكىندەگى اتالمىش كادرلاردىڭ ۋاقىتسىز كۇلىمسىرەۋى، ۇيلەسىمسىز ارەكەتى ارقىلى ولاردىڭ ءىرىپ-ءشىرۋى مەن ستيل ماسەلەسىن كورسەتۋگە ۇرىنعان. بالكىم مۇنداي باقىلاۋدىڭ كوزدەگەن ماقساتى تۋرا بولۋى مۇمكىن، ءبىراق ءىس جۇزىندىك ءونىمى جاقسى بولماي، بۇرىنعى ۇيعارىمدى وزگەرتۋ مىسالدارى دا از ەمەس. ناتيجەدە بۇلار تەك كادرلاردىڭ قالىپتى، وقتا-تەكتە تۋىلعان قيمىلى مەن ميميكاسى ەكەندىگى بايقالدى. 


 عالامتور داۋىرىندە ءىرىپ-شىرۋگە قارسى تۇرىپ، پاكتىكتى دارىپتەۋدە قالتارىس بولماۋعا ءتيىس، كادرلارعا، ءسوز جوق، «ۇلكەيتكىش ايناشا» جان-جاقتىلى باقىلاۋ جۇرگىزىپ، بۇلاردىڭ بارلىعى باقىلاۋ تاقىرىبىندا بولۋعا ءتيىستى مازمۇن. الايدا، باقىلاۋدا قاتاڭ بولۋ مەن زاڭ-تارتىپكە ساي بولۋدىڭ شەكاراسى ايگىلەنۋى،  « اسىرە پرينسيپكە كوتەرۋگە»، جاي ادامداردىڭ بارىندە تۋىلۋى مۇمكىن بولعان ارەكەت، ميميكالارعا دا توندىرە باقىلاۋ جۇرگىزۋگە بولمايدى. 


كادرلار قالاي دەگەنمەن اۋليە ەمەس، قۇلتەمىر دە ەمەس، ولاردىڭ ارەكەت ميميكاسىندا بىرنەشە سەكۋندتىق «ماسەلە» تۋىلۋى قالىپتى جاعداي. ەگەر باقىلاۋدا ۇنەمى ارەكەت جانە ميميكاعا عانا بۇرىلىس جاسايتىن بولساق، بىرىنشىدەن، ءىس جۇزىندىكتەن وڭاي الشاقتايمىز، ەكىنشىدەن، ءىرىپ-شىرۋگە قارسى تۇرىپ، پاكتىكتى دارىپتەۋدىڭ قاتاڭدىعىنا نۇقسان جەتەدى. ماسەلەن، وسى رەتكى اياق قاسۋ ىسىندە، تۇيمەدەي ءىستى تۇيەدەي ىسكە اينالدىرىپ، وعان باقىلاۋ جۇرگىزۋ، «قالىپقا اينالعان» فورماشىلدىقپەن جاۋاپ قايتارۋ كادرلار قوسىنىنىڭ ستيلىن رەتكە سالۋ رولىن اتقارعاندى بىلاي قويىپ، قاتاڭ باقىلاۋدى كوڭىل كوتەرۋگە اينالدىرىپ، جۇرت بۇل ءىستىڭ حابارىن جانە مالىمدەمەسىن كورگەندە كوڭىل كوتەرۋ حابارلارىن كورگەندەي بولىپ، پارتيا،  ۇكىمەت جانە ءتارتىپ تەكسەرۋ تاراۋلارىنىڭ وبرازىنا اۋىر داق كەلتىرەدى. بۇنداي ىستەردەن ساباق الۋىمىز كەرەك! 

اۋدارعان: قادىر ماقان ۇلى

00.jpg
00.jpg
00.jpg
未标题-1.jpg
00.jpg