كوپتەگەن جەرلەردە ماي قۇيۋ پۋنكيتتەرىندە ۇيالى تەلەفونمەن ەكىلىكتى جايمالاپ اقى تولەۋگە تيىم سالىندى!
0
2019-08-14 15:44:00
|
كەلۋقاينارى:Kazakcnr
|
جاۋاپتى رەداكتور :Dawil

ماي قۇيۋ پۋنكيتتەرىندە تەلەفون قابىلداۋعا بولمايتىنىن كوپتىڭ ٴبارى بىلەدى. 2008-جىلدان باستاپ جولعا قويىلا باستاعان ماي قۇيۋ پۋنكيتىندەگى حاۋىپسىزدىككە قاتىستى بەلگىلەمەلەر ماي قۇيۋ بارىسىندا تەلەفون قابىلداۋعا اشىق تيىم سالدى

الايدا، جىلجىمالى حابارلاسۋدىڭ اقى تولەۋگە الا كەلگەن تيمدىلىگىنەن كوپتەگەن ادامدار اقشا قاپشىعىنسىز-اق، ۇيالى تەلەفون ارقىلى ەكىلىكتى جايمالاپ اقى تولەيتىن بولدى. اۆتوكولىكتەرگە ماي قۇيۋ فۋنكيتتەرى دە وسى قاتاردا حالىق قولايىنا قاراي ەكىلىك جايمالاۋ ارقىلى ماي اقىسىن تولەۋگە بولاتىن ەتتى. ولاي بولسا، ماي قۇيۋ فۋنكيتتەرىندە ۇيالى تەلەفون ارقىلى ەكىلىكتى جايمالاپ اقى تولەۋدىڭ حاۋىپسىزدىككە كەسىرى بولاما؟ بۇل كوپتەگەن ادام جاۋابىن كۇتكەن سۇراق ەكەنى داۋسىز.

 


حىناننىڭ لوياڭ قالاسى، جياڭسۋدىڭ نانجيڭ قالاسى ماي قۇيۋ فۋنكيتتەرىندە ەكىلىكتى جايمالاپ اقى تولەۋگە تيىم سالعان. ٴبىراق قاتىستى ماماندار، «ماي قۇيۋ فۋنكيتىندە ۇيالى تەلەفون ىستەتۋ قوپارىلىس تۋدىرادى»دەۋدىڭ تەك نازاريالىق تۇرعىدان ايتىلعانىن ايتادى. ولاي بولسا، مۇنىڭ دۇرىسى قايسى، بۇرىسى قايسى؟!  

 


لوياڭ، نانجيڭ قالالارى ماي قۇيۋ فۋنكيتتەرىندە ەكىلىكتى جايمالاپ اقى تولەۋگە بۇكىلدەي تيىم سالعان


جاقىندا، حىنان ولكەسى لوياڭ قالاسىنىڭ تەلەۆيزياداعى قاتىستى باعدارلاماسىندا كورەرمەن حاۋىپسىزدىك باقىلاۋ تاراۋلارىنا وسى ماسەلەگە قاتىستى سۇراۋ قويعان. ەكىلىكتى جايمالاپ ماي اقىسىن تولەي سالۋ قولايلى بولعانىمەن، كىسىنى الاڭداتادى.


قالا تۇرعىنى1: قاتىستى بەلگىلەمەلەردە ماي قۇيۋ فۋنكيتىندە ۇيالى تەلەفون ىستەتۋگە تيىم سالىنادى دەلىنگەنىمەن، قازىر كوپتەگەن ادامدار قولايلى بولعانى ءۇشىن ەكىلىكتى جايمالاپ ماي اقىسىن تولەي سالۋدى ادەتكە اينالدىردى. ءۇيىمىز ماي قۇيۋ فۋنكيتىنىڭ ماڭىندا بولعاندىقتان ۇنەمى الاڭداپ وتىرامىن. كۇنىنە قانشاما اۆتوكولىككە ماي قۇيىلادى، كۇندەردىڭ بىرىندە شىنىمەن ەلەكتىر اعىسىنان ءورت كەتۋىنەن قورقامىن.


قالا تۇرعىنى 2: كولىككە ماي قۇيعاندا ۋيچات تەكشەسىندە ەكىلىكتى جايمالاپ ماي اقىسىن تولەي سالۋ شىنىمەن توتەنشە قولايلى. مەن كەيدە ءوزىم ەكىلىكتى جايمالاپ اقى تولەپ جاتقانىمدا كولىگىمنىڭ ماي باگىنىڭ قاقپاعى تولىق جابىلماعانىن، ماي قۇيعىدان ماي تامشىسى تامشىلاپ تۇرعانىن بايقاپ قالىپ، قاتتى تىكسىنىپ قالامىن. مەنىڭشە بۇلاي ىستەۋىمىز دۇرىس ەمەس.


لوياڭ قالالىق تەلەۆيزيانىڭ تىلشىلەرى تىلشىلىك ىستەۋ بارىسىندا مىنانى بايقاعان: ماي قۇيۋ فۋنكيتتەرىندەگى قىزمەتكەرلەر كولىك يەسىنە قولايلى بولۋ ءۇشىن، ەكىلىكتى ماي قۇيىلىپ جاتقان اۆتوكولىكتىڭ قاسىنا الا كەلەدى ەكەن.



تەلەۆيزيانىڭ باعدارلاماسىنا قاتىناسقان لوياڭ قالالىق شۇعىل جاعدايدى باسقارۋ مەكەمەسىنىڭ ورىنباسار مەكەمە باستىعى يۋان كىلياڭ بىلاي دەدى: بۇل جاعىندا باقىلاۋ قىزمەتى تولىق ىستەلمەي وتىر، بۇدان بىلاي ءتۇرلى ءادىس-امال قولدانىپ، بۇكىل قالا تۇرعىندارىنىڭ ماي قۇيۋ فۋنكيتتەرىندە ۇيالى تەلەفون ىستەتۋىنە بۇكىلدەي تيىم سالىنادى.

بىرىنشىدەن، دەرەۋ ۇقتىرۋ شىعارىپ، قالاعا قاراستى ءارقايسى ماي قۇيۋ فۋنكيتتەرىندە ۇيالى تەلەفون ارقىلى ەكىلىكتى جايمالاپ اقى تولەۋگە تيىم سالىنادى.

ەكىنشىدەن، ماي قۇيۋ فۋنكيتىنىڭ كورنەكتى جەرىنە تيىم سالۋ بەلگىسى قويىلىپ، شوفەرلەرگە ماي قۇيۋ بارىسىندا ەكىلىكتى جايمالاۋ ارقىلى اقى تولەۋگە، تەلەفون شالۋعا، ۋيچاتتا سويلەسۋگە، سۋرەتكە تۇسۋگە بولمايتىنى ەسكەرتىلەدى.

لوياڭ قالاسىنان تىس، جياڭسۋدىڭ نانجيڭ، سۋجوۋ قالالارى دا بيىلدان باستاپ وسى شارانى جولعا قويدى. ءسوزسىز ەكىلىكتى جايمالاپ اقى تولەۋ كەرەك بولعاندا، ماي قۇيۋ فۋنكيتىنىڭ كەڭسە ورنىنا بارىپ تولەۋ كەرەك.

 

ماي قۇيۋ فۋنكيتىندە ۇيالى تەلەفون ارقىلى اقى تولەۋ شىنىمەن قوپارىلىس تۋدىراتىن ارەكەت پە؟


دۇڭنان ۆنيۋەرسيتەتىنىڭ توراپ كەڭستىگى حاۋىپسىزدىگى شۋەيۋانىنىڭ فرافەسسورى سۇڭ يۇيبو وسى ماسەلەگە توقتالعاندا بىلاي دەدى: ۇيالى تەلەفوندى ىستەتكەندە مىنا ەكى ءتۇرلى جاعدايدا قوپارىلىس تۋىلادى. ءبىرى، ماي قۇيۋ فۋنكيتىندەگى مايدىڭ ارالاسپا قويۋلىعى بەلگىلى ولشەمگە جەتۋى قاجەت. ەندى ءبىرى، ۇيالى تەلەفوننىڭ ەلەكتىر ماگنيت تولقىنى بەلگىلى ولشەمگە جەتىپ، توك جولىندا ەلەكتىر ۇشقىنىن قالىپتاستىرۋى قاجەت. سوندىقتان، ماي قۇيۋ فۋنكيتىندە ۇيالى تەلەفون شالۋ نەمەسە تەلەفون قابىلداۋ قاتارلى ارەكەتتەر قوپارىلىسىن تۋدىرادى دەۋدىڭ نازاريالىق نەگىزى بار. ءبىراق، مۇنىڭ مۇمكىندىگى بارىنشا تومەن، جايشىلىقتا ەكىلىكتى جايمالاپ اقى تولەۋدە ماي كۇبىسىنەن الىستاۋ ورىندى تاڭداساق، حاۋىپسىزدىك قاتەرىن بارىنشا تومەندەتۋگە بولادى.



«ادەتتە قولىمىزداعى ۇيالى تەلەفونداردىڭ تاراتۋ قۋاتى شەكتى كەلەدى دە، وت ۇشقىندارىن شىعاراتىن دارەجەگە جەتپەيدى. قازىرگى تەلەفوندار ەكراننان ساۋساق ارقىلى باسقارىلاتىندىقتان، مەحانيكالى ۇيكەلىس بولمايدى دا، وت ۇشقىنى پايدا بولا قويمايدى».



ماي قۇيۋ فۋنكيتىندە شاش تاراۋ، كيىم جيناستىرۋ قاتارلى ارەكەتتەر دە ءورت اپاتى تۋىلۋىنا سەبەپ بولاتىندىعىن ەسكەرىڭىز. ءورت وشىرۋشىلەر مىنانى ەسكەرتەدى: كيگەن كيىمنەن ەلەكتىر زارياتى پايدا بولۋىنان توتەنشە ساقتانۋ كەرەك. سەبەبى، ماي قۇيۋ بارىسىندا ماي قۇيعىدان شىققان از مولشەردەگى ماي پارلانىپ گازعا اينالادى دا، جاڭاعى ەلەكتىر زارياتىن وت ۇشقىنىنا اينالدىرادى.



«ماي وڭاي بۋلانادى، اۋاعا تارالسا تەز جاناتىن گاز تۇلعاسىن قالىپتاستىرىپ، اۋامەن توعىسىپ، بەلگىلى دارەجەگە جەتكەندە بولىمسىز دىبىستىڭ وزىنە قوپارىلىس جاساۋى ابدەن مۇمكىن. ەڭ جاقسىسى ماقتا قولعاپ كيۋ ارقىلى ۇيكەلىستەن زارياد شىعۋىنىڭ الدىن الۋ، ماي قۇيعىنى الۋدان بۇرىن ماي كۇبىنىڭ ۇستىندەگى زارياد تاراتۋ جابدىعىن سيپاپ، دەنەدەگى زارياد تولىق تارالىپ كەتكەن سوڭ بارىپ ماي قۇيۋ كەرەك.»

 

اۋدارعان: شاربات جۇمان قىزى

d833c895d143ad4b4430e6d9c38ddbaba40f0624.jpg
QQ浏览器截图20190815090059.jpg
00.jpg
00.jpg
00.jpg