مىنا ٴۇش تۇردەگى ٴۇيى بارلار نوپوسىن ٴۇرىمجى نوپوسىنا قوندىرالادى
0
2019-08-28 10:39:00
|
كەلۋقاينارى:
|
جاۋاپتى رەداكتور :




جاڭادان سالىنعان تاۋار ٴۇي ساتىپ العاننان كەيىن، ورتالىق قالادا نوپوسىن قالاي قوندىرۋ كەرەك؟ ەكىنشى قول ايىرباسقا تۇسكەن تۇرعىن ٴۇي، جەكە سالعان ٴۇي سياقتى ۇيلەردى ساتىپ الىپ نوپوسقا قوندىرۋ ساياساتىنان يگىلىكتەنۋگە بولاما؟

بۇل جونىندە 8-ايدىڭ 23-كۇنى، ٴۇرىمجى قوعام حاۋىپسىزدىك مەكەمەسىنىڭ حالىق سانىن باسقارۋ بولىمشە اترەتى قالا تۇرعىندارى ۇزاقتان بەرى كوڭىل بولىپ وتىرعان جاڭادان سالىنعان تاۋار ٴۇي ساتىپ الۋ، زاڭدى تۇراقتى قونىسقا (ەكىنشى قول ايىرباسقا تۇسكەن ٴۇيدى قامتيدى) كوشىپ كىرۋدە نوپوسقا قوندىرۋعا ٴوتىنىش بەرۋدىڭ شارتتارى مەن قاجەتتى دايىنداۋعا ٴتىيىستى ماتەريال جونىندە ارناۋلى تانىستىرۋ جاسادى.

 

 

جاڭادان سالىنعان تاۋار ٴۇي ساتىپ الىپ قونىستانۋشىلار جونىندە

 

ٴۇي-مۇلىك سەرىكتىگىنەن جاڭا سالىنعان تاۋار ٴۇي ساتىپ الۋشىلار تاۋار ٴۇي ساتىپ الۋ توقتامىن جاساسىپ باجى تاپسىرعاننان كەيىن، ٴوزىنىڭ، جۇبايىنىڭ جانە نەكەلەنبەگەن بالالارىنىڭ نوپوسىن قوندىرۋعا ٴوتىنىش بەرۋىنە بولادى. (بۇندا ٴوتىنىش بەرۋشى ۇيلەنگەنىنە 3 جىل تولعان بولۋ شارت)

نوپوس قوندىرۋعا ٴوتىنىش بەرۋشى مىناداي ماتەريالداردى دايىنداۋ كەرەك: ٴوتىنىش بەرۋشى تاۋار ٴۇي ساتىپ الۋ توقتامى مەن باجى تاپسىرعان ىسپات تالونى؛ وسىمەن بىرگە جۇبايى نەمەسە بالالارى بولسا، «ۇيلەنۋ كۋالىگى» اكەلۋمەن بىرگە، قاتىستى ورىنداردان بالانىڭ اكە-شەشەسىمەن بولعان قانداستىق قاتىناس ىسپات انىقتاماسىن الۋ؛ بالالارى زاڭدا بەلگىلەنگەن ۇيلەنۋ جاسىنا تولعاندار، ۇيلەنبەگەندىگى جونىندە ىسپات انىقتاماسىن شىعارتىپ اكەلۋ كەرەك.

 

ٴوتىنىش بەرۋ ٴتارتىپ باسقىشتارى: ٴوتىنىش بەرۋشى جاڭادان ساتىپ العان تاۋار ٴۇي تۇرعان جەردەگى ساقشى بولىمشەسىنە بارىپ ٴوتىنىش بەرەدى، سول قاراستىلىقتاعى الەۋمەتتىك اۋماققا جاۋاپتى ساقشىدان قاتىستى ماتەريالدارىن تەكسەرىپ بەكىتكەننەن كەيىن، «نوپوسقا الدىرۋعا ٴوتىنىش بەرۋ» كەستەسىن تولتىرىپ، ساتىپ العان ٴۇيدىڭ تۇراقتانعان ادرەسىنىڭ ەكى ولشەمدى ٴنومىرىنىڭ كوشىرمە نۇسقاسىن باسىپ شىعاراىپ بەرەدى؛ ٴوتىنىش بەرۋشى تولىقتاپ دايىنداعان ماتەريالداردى الىپ، وسى قاراستىلىقتاعى قوعام حاۋىپسىزدىك مەكەمە بولىمشەسىنىڭ نوپوس قابىلداۋ ورنىنا نەمەسە قاراستى ساقشى بولىمشەسىنىڭ نوپوس باسقارۋ بولىمنە بارىپ«قونىستانۋعا رۇحسات كۋالىگىن» بىتىرەدى ؛ «قونىستانۋعا رۇحسات كۋالىگىن» العاننان كەيىن، بۇرىنعى نوپوس قاراستىلعىنداعى قوعام حاۋىپسىزدىك مەكەمەسىنە بارىپ «نوپوس جوتكەۋ كۋالىگىن» بىتىرەدى؛ بارلىق قاتىستى ماتەريالدار تولىقتانعاننان كەيىن، جاڭا قونىستانعان رايوننىڭ نوپوس باسقارۋ ورنىنان بارىپ نوپوسقا قوندىرۋ ىراسيمياتتارىن بىتىرۋىنە بولادى. ماتەريال تولىق ٴارى دۇرىس بولعاندا، ناق مايداندا «نوپوس داپتەرىن» ٴبىتىرىپ الۋعا بولادى.

 

حالىق سانىن باسقارۋ تارماق اترەتىنىڭ قىزمەتكەرلەرى ٴوتىنىش ەتۋشىىلەر ٴۇي ساتىپ الۋ توقتامىن جاساسۋ بارسىندا ٴۇي-جاي كۋالىگىنە قوسىلعان ورتاق مەنشىكتەنۋشىلەردىڭ دە تاۋار ٴۇي ساتىپ الۋشىلارمەن بىردەي نوپوسقا قوندىرۋىنا بولاتىندىعىن ەسكەرتتى.

 

ۇل-قىزدارىنىڭ اكە-شەشەسىمەن بولعان قانداستىق قاتىناس ىسپات انىقتاماسى- نوپوس داپتەرى، بالانىڭ تۋىلۋ ىسپاتى، نوپوس ارحيۆى، جەكەلىك ارحيۆى قاتارلىلارى وتباسى قاتىناسىن بەينەلەيتىن قاتىستى ىسپاتتامالاردى مەڭزەيدى. (قوعام حاۋىپسىزدىك ورگانى بەرگەن قانداستىق قاتىناس ىسپاتتاماسىنا ارناۋلى تاڭبا باسىلعان بولۋ كەرەك)

 

 

زاڭدى تۇراققا كوشىپ قونىستانۋ (ەكىنشى قول ايىرباسقا تۇسكەن تۇرعىن ٴۇيدى قامتيدى)

 

قالادا تۇراتىن زاڭدى تۇراعى بارلار ٴۇي-مۇلىك ۇقىق كۋالىگى (تىزىمگە النعان تۇراقتى مال-مۇلىك كۋالىگى)تولىق، تومەندەگى 4 شارتقا تولعاندار ٴوزى جانە جۇبايىنىڭ وسىعان قوسا ۇيلەنبەگەن بالالارىنىڭ دا نوپوسىن قوندىرۋعا ٴوتىنىش بەرۋىنە بولادى. (بۇندا ٴوتىنىش بەرۋشى ۇيلەنگەنىنە 3 جىل تولعان بولۋ شارت)

 

مۇندا جەكە-جەكە ەرلى-زايپتىلاردىڭ ٴبىرى قالا-قالاشىق جۇمىسشى-قىزمەتكەرلەرىنىڭ نەگىزگى زەينەتكەرلىك قامسىزداندىرۋ اقىسىن تاپسىرعان بولۋى شارت؛ ٴوزى نەمەسە جۇبايى رايون (اۋدان) دارەجەلىدەن جوعارى داڭق اتاعىنا يە بولعان بولۋى؛ ٴوزىنىڭ نەمەسە جۇبايىنىڭ ورتا دارەجەلىدەن جوعارى كاسىپتىك-تەحنيكالىق اتاعى بارلار؛ ادىلەت جولىندا ايانباعاندار نەمەسە قوعام ورنىقتىلىعىن قورعاۋدا كورنەكتى ۇلەس قوسقان وسى ٴتورت ٴتۇرلى شارتتىڭ ٴبىرىن ورىنداعاندار نوپوس قوندىرۋعا ٴوتىنىش بەرۋىنە بولادى.

 

حالىق سانىن باسقارۋ تارماق اترەتىنىڭ قىزمەتكەرلەرى نوپوسقا قوندىرۋدى ٴوتىنىش بەرۋشىلەرگە مىناداي ماتەريالداردى دايىنداۋ كەرەكتىگىن تۇسىندىردى: ٴۇي مەنشىك ۇقىعى كۋالىگى نەمەسە تىزىمگە الىنعان تۇراقتى مال-مۇلىك كۋالىگى جانە توقتام باجىسىن تولەۋ ىسپات تالونى؛ وسىمەن بىرگە جۇبايى نەمەسە بالالارى بولسا، «ۇيلەنۋ كۋالىگىن» اكەلۋمەن بىرگە، قاتىستى ورىنداردان بالانىڭ اكە-شەشەسىمەن بولعان قانداستىق قاتىناس ىسپات انىقتاماسىن الا كەلۋ كەرەك؛ بالالارى زاڭدا بەلگىلەنگەن ۇيلەنۋ جاسىنا تولعاندار، ۇيلەنبەگەندىگى جونىندە ىسپات انىقتاماسىن شىعارتىپ اكەلۋ كەرەك.

 

وسىمەن بىرگە ٴوتىنىشى بەرۋشى مىناداي ماتەريالداردى دايىنداۋ كەرەك: قالا-قالاشىق جۇمىسشى-قىزمەتكەرلەرىنىڭ نەگىزگى زەينەتكەرلىك قامسىزداندىرۋ اقىسىن تاپسىرعان تالونى، سىيلانعان داڭق كۋالىگى، كاسىپتىك اتاق كۋالىگى نەمەسە كاسىپتىك اتاق كۋالىگىن تەكسەرىپ بەكىتۋ كەستەسىنىڭ قاتىستى ورىننىڭ تاڭباسى باسىلعان كوبەيتىلگەن نۇسقاسى قاتارلى ماتەريالداردى دايىنداۋ كەرەك. نوپوسقا قوندىرۋ باسقىشى جاڭادان ساتىپ العان تاۋار ٴۇيگە نوپوس قوندىرۋ باسقىشىمەن بىردەي.

 

مەكەمەنىڭ بىرلىك بولىسىندە ٴۇي جاڭالاعاندار مەن قارجى توپتاپ سالىنعان ۇيلەرگە كوشىپ كىرۋشىلەر

 

مەكەمە-ورىنداردىڭ بىرلىك بولىسىندە ٴۇي جاڭالاعاندار مەن قارجى توپتاپ سالىنعان ۇيلەرگە كوشىپ كىرۋشىلەر جۇبايى جانە ۇيلەنبەگەن پەرزەنتتەرىن نوپوسقا قوندىرۋدى ٴوتىنىش بەرۋىنە بولادى.

 

نوپوسقا قوندىرۋعا ٴوتىنىش بەرگەندە تومەندەگىدەي ماتەريالداردى دايىنداۋ كەرەك: مەكەمەنىڭ ٴۇي جاڭالاۋ، قارجى توپتاپ ٴۇي سالۋ سياقتى ساياساتىنان ىيگلكتەنۋشىلەر ٴۇي الۋ كەلىسىمى مەن اقشا تاپسىرۋ تالونى؛ جۇمىس ورنى جۇمىسشى-قىزمەتكەرلەرگە سالاۋاتتىق انىقتاما شىعارىپ بەرەدى (زەينەتكە شىققانداردىڭ زەينەتكە شىعۋ كۋالىگىن بەرەدى)؛ وسىمەن بىرگە جۇبايى نەمەسە بالالارى بولسا، «ۇيلەنۋ كۋالىگىن» اكەلۋمەن بىرگە، قاتىستى ورىنداردان بالانىڭ اكە-شەشەسىمەن بولعان قانداستىق قاتىناس ىسپات انىقتاماسىن الۋ كەرەك ؛ بالالارى زاڭدا بەلگىلەنگەن ۇيلەنۋ جاسىنا تولعاندار، ۇيلەنبەگەندىگى جونىندە ىسپات انىقتاماسىن شىعارتىپ اكەلۋ كەرەك. نوپوسقا قوندىرۋ باسقىشى جاڭادان ساتىپ العان تاۋار ۇيگە نوپوس قوندىرۋ باسقىشىمەن بىردەي.

 

 

00.jpg
00.jpg
00.jpg
00.jpg
00.jpg