بالاسىنىڭ جاسىن اكەسىنەن 3 جاس ۇلكەيتۋ نەتكەن سوراقىلىق!
0
2019-08-28 15:29:00
|
كەلۋقاينارى:Kazakcnr
|
جاۋاپتى رەداكتور :Dawil

 

«نەتكەن سوراقىلىق، ەڭ تومەنگى تۇرمىستى قامتاماسىزداندىرۋ قاراجاتىنا يە بولۋ ءۇشىن، اكەسى ۇلىنىڭ جاسىن وزىنەن 3 جاس ۇلكەيتىپ قويعان...» تاياۋدا چۇڭچيڭ قالاسى چيجياڭ رايوندىق ٴتارتىپ تەكسەرۋ باقىلاۋ كوميتەتى سانجياڭ ٴمالى باسقارماسى فۋشيڭ قىستاعى پارتيا ياچەيكاسىنىڭ بۇرىنعى شۋجيى لو يۇيلياڭنىڭ مەملەكەتتىڭ ەڭ تومەنگى تۇرمىستى قامتاماسىزداندىرۋ قاراجاتىن الداپ الۋ دەلوسىن تەكسەرىپ ٴبىر جاقتى ەتتى .لو يۇيلياڭنىڭ «بارماق باستى كوز قىستىلىق ىستەگەن» ءتاسىلى ەستىگەن ەلدىڭ تاڭدايىن شىقىلىقتاتىپ، تامام جۇرتتىڭ نازارىن اۋداردى.


2009-جىلى سانجياڭ ٴمالى باسقارماسىنا قاراستى كاسىپورىندار كۇيرەپ، جابىلىپ، جۇمىستان بوساعان جۇمىسشىلار قالا-قالاشىقتاعى جۇمىسشى-قىزمەتكەرلەردىڭ ەڭ تومەنگى تۇرمىسىن قامتاماسىزداندىرۋ جۇمىسىن توپتاپ بىتىرەدى، سول كەزدە فۋشيڭ قىستاعى پارتيا ياچەيكاسىنىڭ شۋجيى بولعان لو يۇيلياڭ ەڭ تومەنگى تۇرمىستى قامتاماسىزداندىرۋدى الداپ الۋ ارام ويىنا كەلەدى. ول سول كەزدە سانحى كوشەسى الەۋمەتتىك اۋماعىنىڭ مەڭگەرۋشىسى بولعان «تاتۋ اعايىنى» جاڭ جىڭپيڭدى ىزدەپ بارىپ، وعان ٴوزىنىڭ قاراستىلىعىنداعى رايوندا ءبىر جاقىن تۋىسى تۇرمىس قيىنشىلىعىنان ەڭ تومەنگى تۇرمىستى قامتاماسىزداندىرۋعا ءوتىنىش بەرمەك ەكەنىن ايتىپ، جاڭ جىڭپيڭدى ”ارتقى ەسىك ىستەۋگە “ ۇسىنىس ەتەدى. دوسىنىڭ اعايىندىعىن قيماعان جاڭ جىڭپيڭ ونىڭ ايتقانىنا كونەدى.


لو يۇيلياڭنىڭ «تۋىسى» ٴدال ونىڭ ۇلى لو ياشين ەدى. ەڭ تومەنگى تۇرمىستى قامتاماسىزداندىرۋ قاراجاتىنا يە بولۋ ٴۇشىن، لو يۇيلياڭ ويىنا كەلگەنىن ىستەپ، وتىرىك ايتىپ قانا قويماي، ونىڭ ۇستىنە لو ياشيننىڭ ٴوتىنىش ماتەريالدارىن دا جالعاننان جاسادى. ول لوياچيننىڭ ازاماتتىق كۋالىگى مەن نوپوس داپتەرىن كوبەيتىپ، كوبەيتىلگەن نۇسقاداعى «1983-جىلى» دەگەن سيفىرداعى « 8 » سانىن « 5 » گە وزگەرتىپ، ەكىنشى رەت كوبەيتىپ باسقان سوڭ مالىمەت ماتەريالى رەتىندە تاپسىرادى .سونىمەن لو يۇيلياڭ ۇلىنىڭ جاسىن سوراقىلىقپەن 1953-جىلعا وزگەرتىپ، ۇلى 1956-جىلى تۋىلعان وزىنەن ٴۇش جاس ۇلكەن بوپ شىعادى .
«بۇنىڭ بايقالماعان سەبەبى، لو يۇيلياڭنىڭ ءدانىشپاندىعىنان ەمەس، قايتا باسقا سەبەبى بار»، سانجياڭ ٴمالى ٴتارتىپ تەكسەرۋ قىزمەتى كوميتەتىنىڭ شۋجيى ۋاڭ شوۋبونىڭ ايتۋىنشا،سول كەزدە جۇمىستان بوساعان قىرۋار ادام سىرتقا شىعىپ جۇمىس ىستەيدى، ەڭ تومەنگى تۇرمىسى قامتاماسىزداندىرىلاتىن وتباسىلاردىڭ جاعدايىن سەميارالاپ تەكسەرۋ قاتاڭ تۇردە جۇرىلمەگەن، لو يۇيلياڭ وسى ساڭلاۋدان پايدالانىپ، ەڭ تومەنگى تۇرمىسىن قامتاماسىزداندىرۋعا ءوتىنىش بەرۋشىنىڭ سالاۋاتىن جالعاننان جاساپ، ۇلىنىڭ جاسىن وزگەرتىپ، جوعارى ورىننىڭ كوزىن بوياپ، جەرلىك ورىنعا نوپوسىن قوندىرعان ۇلىن ءساتتى تۇردە ەڭ تومەنگى تۇرمىستى قامتاماسىزداندىرۋ قاراجاتىنا ەنگىزىپ، ەڭ تومەنگى تۇرمىستى قامتاماسىزداندىرۋ قاراجاتىن 9 جىلعا دەيىن الادى.


2018 -جىلى 7-ايدا چۇڭچيڭ قالاسى چيجياڭ رايونى پارتيالى كادرلاردىڭ ۇقىققا ساياتىن ىستەرىن جاريا ۇستاۋدى جاپپاي ىلگەرىلەتىپ، رايوندىق حالىق تۇرمىسىن باقىلاۋ تۇعىرىنا سۇيەنىپ، ەڭ تومەنگى تۇرمىستى قامتاماسىزداندىرۋ سياقتى حالىق تۇرمىسى يگىلىگى ساياساتىنان يگىلىكتەنگەن ادامدارعا جۇيەلى باسقارۋ جۇرگىزەدى. ٴىرى ساندى مالىمەت قامباسى سالىستىرماسىندا تەكسەرگەن سوڭ، ٴىستىڭ ناسىرعا شابا باستاعانىن بايقاعان لو يۇيلياڭ جەرگىلىكتى ٴتارتىپ تەكسەرۋ كوميتەتىنە بارىپ تارتىپكە قايشىلىق جاساۋ بارىسىن تاپسىرادى ٴارى ەرەجەگە قايشىلىق جاساپ العان 33 مىڭ 900 يۋاننان استام ەڭ تومەنگى تۇرمىستى قامتاماسىزداندىرۋ اقشاسىن وزدىگىنەن قايتارادى.


20 نەشە جىل قىستاق كادرى بولعاندىقتان، جەكە مۇدەنى باستى ورىنعا قويىپ ۇيرەنىپ قالىپپىن، ٴبىراق ەڭ سوڭىندا ٴتارتىپ جازاسىنان قاشىپ قۇتىلا المادىم،- دەدى لو يۇيلياڭ وپىق جەپ. 2018 ـ جىلى 12 ـ ايدا، لو يۇيلياڭعا پارتيادا قالدىرىپ 2 جىل بايقاپ كورۋ جازاسى بەرىلدى. سونىمەن بىرگە، لو يۇيلياڭنىڭ ەڭ تومەنگى تۇرمىسى قامتاماسىزداندىرۋ قاراجاتىن الداپ الۋىنا كومەك كورسەتكەن قاتىستى قىزمەتكەرلەر ايىرىم ٴبىر جاقتىلى ەتىلدى، مۇنىڭ ىشىندە جاڭ جىڭپيڭعا پارتيا ىشىندە قاتاڭ ەسكەرتۋ جازاسى بەرىلدى، سانجياڭ كوشەسىندەگى جاۋاپتى باسشىلار مەن ەڭ تومەنگى تۇرمىسى قامتاماسىزداندىرۋدى باسقارۋعا جاۋاپتى قىزمەتكەرلەر لو يۇيلياڭنىڭ ەڭ تومەنگى تۇرمىسى قامتاماسىزداندىرۋ قاراجاتىن الداپ الۋ ٴىسىن تەكسەرمەگەندىگى سەبەپتى قاتىستى جاۋاپكەرشىلىكتەرى قۋزاستىرىلدى.


دەلو تۋىلعاننان كەيىن، سانجياڭ ٴمالى باسقارماسى پارتيا قىزمەتى كوميتەتى دەلودان تاجىريبە ساباق قابىلداپ، بىرەۋى ارقىلى وزگەسىن تۇسپالداپ، الەۋمەتتىك اۋماق جانە قىستاق كادرلارىن ۇيىمداستىرىپ، «دەلو ارقىلى 4 ءىستى دارىپتەۋ» جونىندە ساقتاندىرۋ، تاربيە بەرۋ جينالىسىن اشىپ، ماڭايىنداعى ىستەر ارقىلى جانىنداعى ادامدارعا تاربيە جۇرگىزدى. سونىمەن بىرگە، قاراستى رايوندا ەڭ تومەنگى تۇرمىستى قامتاماسىزداندىرۋدان يگىلىكتەنۋدى ارناۋلى وڭاۋ قيمىلىن ورىستەتىپ، 900 دەن استام ەڭ تومەنگى تۇرمىستى قامتاماسىزداندىرۋ ساياساتىنان يگىلىكتەنەتىن وتباسىلارىن تۇگەلدەي ارالاپ جاعداي ۇعىسىپ، قاتە باعالاۋ، باعالاماي ەلەۋسىز قالدىرۋ، تۋىس - تۋعان، دوس - جاراندارىنا جان تارتۋ، ساياساتتى اعايىندىققا قۇربان ەتۋ سياقتى ەرەجەگە، تارتىپكە قايشى ارەكەتتەردى قاتاڭ تەكسەرىپ، شارتقا ۇيلەسپەيتىن 30 وتباسىنىڭ ەڭ تومەنگى تۇرمىستى قامتاماسىزداندىرۋ تولىمدىلىعىن كۇشىنەن قالدىرىپ، بايقالعان ماسەلەلەردى كوزدە ۇستاي وتىرىپ، ەڭ تومەنگى تۇرمىستى قامتاماسىزداندىرۋ وبيەكتىسىن يكەمدى باسقارۋ مەحانيزمىن ورناتىپ جانە كەمەلدەندىرىپ، حالىق تۇرمىسى قارجىسىن باسقارۋدى جانە پارتيالى كادرلاردى باقىلاۋدى، تەجەۋدى اناعۇرلىم كۇشەيتتى.


اۋدارعان: قۋات جۇماش ۇلى

00.jpg
00.jpg
00.jpg
00.jpg
00.jpg