جەتى ەل توبىنىڭ ىشكى الاۋىزدىعى اسقىنا ٴتۇستى
0
2019-08-29 15:01:00
|
كەلۋقاينارى:
|
جاۋاپتى رەداكتور :

 

جەتى ەل توبى باسشىلار جينالىسى 8-ايدىڭ 24-كۇنىنەن 26-كۇنىنە دەيىن فرانسيانىڭ وڭتۇستىك بولەگىندەگى بياريس قالاسىندا اشىلدى. تالداۋشىلار بىلاي دەدى: جەتى ەل توبى اراسىندا سيفرلى باجى، كەدەن سالىعى ، فينانس جانە اقشا ساياساتى قاتارلى جاقتاردا الاۋىزدىقتىڭ تەرەڭدەۋى-دۇنيە ٴجۇزى ەكونوميكاسىنىڭ اينالىم حاۋىپ-قاتەرىن ارتتىرۋى مۇمكىن.

وسى رەتكى جينالىستىڭ تاقىرىبى مەن جاعدايى ا ق ش پەن باسقا دا مۇشە ەلدەر اراسىنداعى الاۋىزدىقتىڭ اسقىنعانىن، الاۋىزدىقتى كەڭەسپەن شەشۋدىڭ تاماشا جولى ٴالى جوقتىعىن كورسەتتى.

«ۋوللستريت گازەتىندە» بىلاي دەلىندى: ا ق ش-نىڭ پرەزيدەنتى ترامپ پەنٴار ەل باسشىلارى اراسىندا ساۋدا داۋى جانە ٴبىرقىدىرۋ ديپلوماتيالىق ساياساتتاردا قاقتىعىس ساقتالعاندىعى ونىڭ دۇنيە ساحناسىندا وقشاۋ قالعاندىعىن ايگىلەدى.

مۇشە ەلدەر ساۋدا داۋ-شارى جاعىندا ا ق ش-ىنا ٴبىرشاما بايسالدى پوزيتسيا ۇستاندى. جاپونيا اقپارات اگەنتتىگىنىڭ حابارىنا قاراعاندا، ا ق ش جاپونيا مەن ەۆروپانى ساۋدانىڭ بىركەلكىسىزدىگىن وزگەرتۋگە ماجبۇرلەۋ ٴۇشىن ساۋدا كەلىسسوزىن ىلگەرلەتتى، الايدا جاپونيا مەن ەۆروپا جەتى ەل باسشىلار جينالىسىندا ٴتىپتى دە اۋىر قىسىمعا ۇشىراۋدىڭ الدىن الۋ ٴۇشىن ترامپتتىڭ شامىنا تيۋدەن ساقتاندى.

ا ق ش ەۆروپا وداعىنان كەلگەن اۆتوموبيلدەر مەن ۇساق بولشەكتەردەن ۇستەمە كەدەن باجىسىن الدى ، ونىڭ ۇستىنە ەۆروپا وداعىنىڭ ايروپلان جاسايتىن «ايىرباس» سەرىكتىگىنە قوسىمشا قاراجات بەرۋىنە نارازىلىعى كۇشەيە تۇستى. ەۆروپا وداعى ەگەر ا ق ش قالىپتان ٴتىس كەدەن سالىعىن جولعا قويسا، وعان قارىمجى قايتاراتىندىعىنٴبىلدىردى.

ەۆروپا القالار كەڭەسىنىڭ ٴتوراعاسى تۋسكو ەسكەرتۋ بەرىپ بىلاي دەدى: ەگەر ا ق ش «قۇقاي كورسەتەتىن» بولسا، وندا ەۆروپا وسىعان ۇقساس تاسىلمەن جاۋاپ قايتارادى. سونىمەن بىرگە ول ساۋدا داۋىن توقتاتۋعا ۇندەپ: ا ق ش كەدەن باجىسىن ساياسي ماقساتتا قولدانسا بۇكىل دۇنيەگە زيان جەتكىزەدى،-دەپ ەسكەرتتى.

حالىقارالىق ىستەردى سايكەستىرۋ جاعىندا جاپونيا اقپارات اگەنتتىگىنىڭ حابارىنا نەگىزدەلسەك، ٴار ەل دۇنيە ٴجۇزى ەكونوميكاسىنىڭ قۇلدىراۋ حاۋىپ-قاتەرىنە توتەپ بەرۋ ٴۇشىن قاجەتكە قاراي يكەمدى ٴارى كەمەلدى شارا قولدانۋ كەرەكتىگىن تانىپ جەتكەن. الايدا ، جاپونيا ۇكىمەتىنىڭ قاتىستى قايراتكەرلەرى ناقتى ساياسات جونىندە ىشكەرىلەي تالقى ورىستەتپەگەنىن ، ٴىس جۇزىندە قولدانۋعا بولاتىن ٴتاسىل وتە شەكتى ەكەندىگىن ٴبىلدىردى.

يراننىڭ سىرتقى ىستەر مينيسترى زاليف 8-ايدىڭ 25-كۇنى كەشتە جەتى ەل توبى باسشىلار جيىنالىسىنا بارىپ، فرانسيانىڭ سىرتقى ىستەر مينيسترى رەدلەونمەن كەڭەس وتكىزدى، فرانسيانىڭ پرەزيدەنتى ماكرون دا سوڭىنان زاليفپەن كەزدەستى.

«ۆاشينگتون پوچتا گازەتىنىڭ» حابارىندا: زاليفتىڭ وسى رەتكى ساپارى ا ق ش-عا ارانداتۋشىلىق تۋدىردى،-دەپ قارالدى.

بيىل 3-ايدان بەرى ، ا ق ش پەن فرانسيا ، ا ق ش پەن ەۆروپا اراسىندا سيفرلى سالىقتان تۋىلعان قايشىلىق ۇزدىكسىز اسقىنىپ، وسى رەتكى جەتى ەل توبى باسشىلار جينالىسىنا دەيىن جالعاستى.


ترامپ تاياۋدا بىلاي دەدى: فرانسيا ەگەر گۋگل، فەيسبۇك جانە الما سياقتى ا ق ش ينتەرنەت تەحنيكاسى كاسىپورىندارىنان سيفرلى باجى السا، ا ق ش فرانسيانىڭ ٴجۇزىم شارابىنان كەدەن باجىسىن ۇستەمەلەپ الادى.

اقشا ساياساتى جاعىندا فەدراتسيالىق قور مەكەمەسى بيىل 7-ايدىڭ سوڭىندا ون جىلدان بەرى تومەندەپ كورمەگەن اقشا ٴوسىمىن تومەندەتىپ، 9-ايدا تاعى تومەندەتۋ مەجەسىن جاريالادى. ەۆروپا ورتالىق بانكەسى دە 9-ايدا ٴوسىمدى تومەندەتۋ سياقتى اقشانى كەڭ ۇستاۋ جاڭا ساياساتىن اتقاراتىندىعىن ٴبىلدىردى.

بازارداعىلار بىلاي دەستى: ەگەر ا ق ش پەن ەۆروپانىڭ اقشانى كەڭ ۇستاۋىنان جاپونيادا دا اقشا قۇنسىزدانۋ قىسىمى ارتاتىن بولسا، باسقا ەلدەردىڭ ورتالىق بانكەلەرى دە اقشانى كەڭ ۇستاۋعا ٴماجبۇر بولادى. الايدا اقشانى كەڭ ۇستاۋدىڭ مۇمكىندىگى شەكتى، ەگەر اقشانىڭ باسەكە سيپاتتى قۇنسىزدانۋى تەزدەسە، كوپتەگەن ەلدەردىڭ ورتالىق بانكەسى تىعىرىققا تىرەلۋى ابدەن مۇمكىن.

ا ق ش-تىڭ جانە ونىڭ باستى وداقتاستارىنىڭ ٴوزارا قارىم-قاتىناسىنىڭ شيەلەنىسۋىنە بايلانىستى ولاردىڭ بۇرىنٴبىر اۋىزدىلىققا كەلگەن كوپتەگەن تانىمدارىنىڭ قازىرگى كەزدە ەڭ تومەنگى شەكتە ورتاقتىقتى ساقتاۋى كەرەكتىگىن تۇسىندىردى. بۇدان سىرت، ساياسي تۇراقسىزدىق مۇشە ەلدەردىڭ شەشىم جاساۋ ونىمدىلىگىنە دە ىقپال جاساپ وتىر، ريتەر اگەنتتىگى ماقالا جاريالاپ، مۇشە ەلدەردىڭ كەزەكتەگى قات-قابات قيىنشىلىق قىسپاعىندا قالعاندىعىن مىناداي تىزىمدىككە تىزىپ شىقتى: يتاليانىڭ زۇڭليى تاياۋدا عانا قىزمەتتەن بوسادى؛ كانادا الداعى جەردە زور سايلام وتكىزەدى؛ گەرمانيانىڭ زۇڭليى مەركەلدىڭ دۇنيە ساحناسىنداعى ىقپالى باسەڭدەي باستادى؛ انگليا ەۆروپا وداعىنان شەگىنىپ شىعۋ الدىندا تۇر نەمەسە الدىن الا زور سايلام وتكىزەدى.

 

 

00.jpg
00.jpg
00.jpg
00.jpg
00.jpg