ءسوز بايلاسقان جىگىتىنىڭ بۇكىل وتباسىمەن «جۇمباق كۇيدە كوز جۇمۋى»
0
2019-08-29 15:13:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :


    گۋاڭدۇڭ ولكەسى فوشان قالاسى نانحاي رايونىنداعى ءبىر بويجەتكەن عالامتوردا ءبىر جىگىتپەن تانىسىپ ءسوز بايلاسادى. الايدا، جىگىتپەن تانىسۋدان باستاپ ونىڭ «ناۋقاستانىپ ومىردەن وزعانىنا» دەيىن بەتپە-بەت كەزىكپەپتى. بۇدان سىرت، وسى تانىسىپ ءسوز بايلاسقان جىگىتىنىڭ «وتباسىنداعىلار» ىلگەرىندى-كەيىندى «ناۋقاستان كوز جۇمادى». بويجەتكەن وسى سەبەپتى جىگىتكە جالپى 60 مىڭ يۋاننان استام قارىز اقشا بەرەدى.


    اقشانى ەسەباتقا اۋدارعان ءىشىنارا ەستەلىك تالوندارى


    8-ايدىڭ 21-كۇنى نانحاي رايونى قوعام حاۋىپسىزدىگى مەكەمەسى وسى ۋاقيعانىڭ الدامشىلىق ەكەنىن حابارلاندىردى. حالىق ساقشىلارى سوناۋ شالعايداعى انحۇي ولكەسىنىڭ بىڭبۋ قالاسىنا بارىپ بويجەتكەننىڭ «ءسوز بايلاسقان جىگىتىن» قولعا ءتۇسىردى.


    ءسوز بايلاسقان جىگىتىمەن تانىسقانىنا بىرەر اي بولماستان، «جىگىت وتباسىمەن قوسا ومىردەن وزعان»


    8-ايدىڭ 12-كۇنى، ۋاقيعاعا قاتىستى ادام شياۋچيان (جاناما اتى) قوعام حاۋىپسىزدىگى مەكەمەسىنە دەلو مالىمدەپ كومەك سۇرايدى. بويجەتكەننىڭ ايتۋىنشا، عالامتوردا تانىسىپ ماحاباتتاسقانىنا بىرەر اي ۋاقىت بولعان جىگىتى اۋىر ناۋقاستان دۇنيەدەن وتكەن، ال ول جىگىت ءتۇرلى سىلتاۋمەن بويجەتكەننەن 60 مىڭ يۋاننان استام قارىز اقشا العان. قارىزعا العان اقشانى وسى ۋاقىتقا دەيىن قايتارماعان. دەلو مالىمدەۋىن تاپسىرىپ العان سوڭ، نانحاي رايوندىق قوعام حاۋىپسىزدىگى بولىمشە مەكەمەسى قولباسشىلىق ورتالىعى گۋانياۋ ساقشى بولىمشەسىنە دەلونى بارلاپ تەكسەرۋدى بۇيىرادى.


    حالىق ساقشىلارىنىڭ ىشكەرىلەي ۇعىسۋىنا قاراعاندا، شياۋچيان بەلگىلى مۋزيكالىA P P تەكشەسىندە ٴان ايتۋدى جاقسى كورەدى ەكەن، بيىل 4-ايدا ول بىرگە ٴان ايتۋ بارىسىندا توراپتاس ياڭ X X پەن تانىسادى ٴارى ۋيچاتتاعى جاقسى دوستار توبىنا قوسادى. وسىدان كەيىن ەكەۋى ۋيچاتتا شۇيىركەلەسىپ، سوڭىندا ماحابباتتاسىپ ءسوز بايلاسادى.


    الايدا، كوپ وتپەي، بيىل 7-ايدا، ياڭ X X اكە-شەشەم بىردەي اۋىرىپ شيپاحاناعا جاتىپ قايتىس بولدى دەيدى، سونىمەن بىرگە وسىنى سىلتاۋراتىپ شياۋچياننان نەشە مىڭ يۋان ەمدەلۋ قاراجاتىن سۇرايدى.


    كوپ وتپەي، «ۋاڭلەي» اتتى توراپتاس شياۋچياننىڭ ۋيچاتىنا قوسىلادى، ول ٴوزىن ياڭ X X تىڭ جاقسى دوسىمىن دەپ تانىستىرادى ٴارى ياڭ X X سالماقتى ناۋقاسقا دۋشار بولعاندىقتان قازىر شيپاحانانىڭ I C U بولمەسىندە ەمدەلۋدە، وعان قىرۋار ەمدەلۋ قاراجاتى قاجەت دەيدى. ءسوز بايلاسقان جىگىتىنىڭ ناۋقاسىن ەمدەتۋ ٴۇشىن شياۋچيان نەشە ون مىڭ يۋان اقشا اۋدارىپ «ۋاڭلەيعا» بەرەدى.


    ءسوز بايلاسقان جىگىتى «كوز جۇمىپ» قالىڭدىعىنا قوراجاي ميراسقا قالدىرعان؟


    7-ايدىڭ سوڭىندا «ۋاڭلەي» ياڭ x ناۋقاستان ءولدى، ٴبىراق قالىڭدىعىنا 400 مىڭ يۋاندىق قوراجايدى ميراسقا قالدىردى دەيدى. «ۋاڭلەي» ميراستى وتكەرمەلەۋدى سىلتاۋ ەتىپ، شياۋچياننان ٴار ٴتۇرلى قاراجاتتاردى تولەۋدى تالاپ ەتەدى. تاپقان تايانعانىن جۇمساپ تاۋىسقان شياۋچيان تۋعان-تۋىستارى مەن جاقىندارىنان قارىز اقشا سۇراپ شاپقىلايدى. ٴاسىلى جىگىتىنىڭ وزىنە قالدىرعان ميراسىن تەزدەتىپ قولعا تيگىزۋدى ويلاپ جۇرگەندە ٴىس جۇزىندە ۋاقيعادا جانە بۇرىلىس بولادى.


    «ۋاڭلەيدىڭ» تانىس اعايىنىنىڭ ايتۋىنشا «ۋاڭلەيدى» بىرەۋلەر ۇرىپ ەسىنەن تاندىرعان


    ياڭ x تىڭ ۇيىندەگىلەر ونىڭ ميراسىن شياۋچيانعا قالدىرىپ كەتكەندىگىن ەستىپ، «ۋاڭلەيدى» مازالاعان ٴارى ونى ۇرىپ جارالاعان. وسىنداي ساتتە توسىننان «ۋاڭلەيدىڭ» اعايىنى ورتاعا شىعىپ شياۋچيانمەن حابارلاسادى ءارى كانىگى تاسىلمەن شياۋچياندى الداۋ ارقىلى ودان ەمدەلۋ قاراجاتى، اۋىزىن جابۋ قاراجاتى، قارىز اقشا بەرەتىن توراپ تەكشەسىنىڭ اقىسى قاتارلىلاردى سۇرايدى. وسى كەزدە شياۋچيان جاعدايدىڭ ەمەستىگىن بايقاپ ساقشىعا دەلو مالىمدەيدى.


    حالىق ساقشىسى دەلونى ىشكەرىلەي بارلاۋ ارقىلى شياۋچيانمەن «ءسوز بايلاسقان جىگىت» ياڭ x تىڭ سالاۋاتىن بىرتىندەپ انىقتايدى. 8-ايدىڭ 16-كۇنى حالىق ساقشىلارى انحۇي ولكەسىنىڭ بىڭبۋ قالاسىنا بارىپ، سوڭىنا ءتۇسىپ تەكسەرۋ ارقىلى قىلمىس كۇماندىسى ياڭ x تى (ەر، 39 جاستا، انحۇي ولكەسىنىڭ بىڭبۋ قالاسىنان) قولعا تۇسىرەدى.


    تەرگەۋ بارىسىندا قىلمىس كۇماندىسى ياڭ x x الدامشىلىق قىلمىسىن بۇلتارماي مويىندايدى. ۇعىسۋعا قاراعاندا، ياڭ X X توراپتا قۇمار ويناۋعا بەرىلىپ، بانكە ورنى مەن دوستارىنان نەشە ون مىڭ يۋان قارىز الىپ قايتارا الماعان. امالسىز قالعاندىقتان توراپتا تانىسقان قىزدارعا ءسوز سالىپ، الداپ-ارباۋمەن اقشا ءتۇسىرۋدى ماقسات ەتكەن. وسى ارالىقتا، شياۋچيانعا حابارلاسقان بارلىق ادامنىڭ رولىن ياڭ x x جالعىز اتقارعان، اۋرۋ سەبەبىنەن شيپاحاناعا جاتىپ ەمدەلۋ، اكە-شەشەسى قايتىس بولۋ، ٴوزىنىڭ ٴولىپ قالۋى، ميراسىن وتكەرمەلەۋ قاتارلى ىستەر تۇگەلدەي ويدان قۇراستىرىلعان ەكەن.

 

اۋدارعان: قۋات جۇماش ۇلى

00.jpg
00.jpg
00.jpg
00.jpg
00.jpg