شىرعالاڭدى ءبىر جاقتى ەتىپ بولماستان «قاشىپ كەتكەن» قاتىناس ساقشىسى
0
2019-09-02 09:26:00
|
كەلۋقاينارى:
|
جاۋاپتى رەداكتور :


جىجياڭدىق قاتىناس ساقشىسى حۋاڭ ۋىنجىنىڭ ءىس-ارەكەتىن بىرنەشە كۇننىڭ الدىندا ورتالىق تەلەۆيزيا ىستانسياسى «اشكەرەلەدى»...

بۇنىڭ سەبەبى—ول ءبىر رەتكى قاتىناس شىرعالاڭىن ءبىر جاقتى ەتىپ بولماستان «قاشا جونەلگەن»...

بۇل، ءسىرا، نەندەي ءىس؟

 



قاتىناس شىرعالاڭىن ءبىر جاقتى ەتۋ بارىسىندا، جول شەتىندە ءبىر ايەل ادام قۇتقارىڭدار دەپ ايعايلايدى، قاتىناس ساقشىسى كىشكەنتاي قىز بالانى قۇشاعىنا كوتەرىپ اۆتوموبيلگە قاراي جۇگىرەدى

حۋاڭ ۋىنجى جىجياڭ ۋىنجوۋ رۇي-ءان قوعام حاۋىپسىزدىگى مەكەمەسى قاتىناس ساقشى ۇلكەن اترەتى فييۇن ورتا اترەتىنىڭ حالىق ساقشىسى. 8-ايدىڭ 18-كۇنى تۇستەن كەيىنگى ساعات 6 دا، ول نانبين كوشەسى گى-يي قىستاعىنىڭ تۇرعىندار ورتالىعى ماڭىندا ەكى اۆتوكولىكتىڭ ءوزارا سوعىلعان قاتىناس شىرعالاڭىن ٴبىر جاقتى ەتەدى.

ول شىرعالاڭعا قاتىستى ەكى جاقتان احۋال ۇعىسىپ، شىرعالاڭ تۋىلعان ناق مايداننىڭ سۋرەتىن سىزا باستاعاندا جولدان كەنەت ءبىر ايەل: «ويباي، قۇتقارىڭدار»-دەپ ايعاي سالادى.

«نەندەي ءىس، نە بولدى؟»-دەپ حۋاڭ ۋىنجى ايعاي شىققان جاققا جان ۇشىرا جۇگىرەدى.

جولدىڭ قارسىسىندا حۋاڭ ۋىنجى ٴبىر كىشكەنتاي قىز بالانىڭ قاراشىعى ۇستىنە تارتىپ، اۋزىنان اق كوبىك شىعىپ، ٴالسىن-ٴالى قۇرىسقانىن كورەدى. بالانىڭ جانىندا قىزىل شاقپاقتى ۇزىن كويلەك كيگەن ايەل شوشىعانىنان: «تەز كەلىڭدەر، قۇتقارىڭدار!»-دەپ ايعايلايدى.

جاعدايدىڭ شۇعىل ەكەنىن اڭعارعان حۋاڭ ۋىنجى كىشكەنتاي قىز بالانى قۇشاعىنا كوتەرىپ، اسىعىس ساقشى اۆتوموبيلىنە تارتادى.

حۋاڭ ۋىنجى ٴبىر جاعىنان كىشكەنتاي قىزدىڭ جاعدايىن بايقاپ، ٴبىر جاعىنان الگى ايەلگە: « ماعان ىلەسىپ ٴجۇرىڭىز، تەزىرەك، اۆتوموبيلگە وتىرىڭىز!»-دەيدى.

ومىرگە حاۋىپ تونگەندە قول قۋسىرىپ قاراپ تۇرۋعا مۇلدە بولمايدى. حۋاڭ ۋىنجى ساقشى اۆتوموبيلىنىڭ ساقتىق دابىلىن اشىپ، كىشكەنتاي قىز بالا مەن شەشەسىن الىپ جاقىن ماڭداعى شيپاحاناعا قاراي زىمىرايدى.


جول بويى حۋاڭ ۋىنجى بالانىڭ شەشەسىن جۇباتىپ، ودان جاعدايدى ۇعىسادى، ءاسىلى، قىز بالا جول بويىندا ويناپ وتىرعاندا توككە سوعىلىپ، وسىنداي تۇتقيىل اۋرۋ بەلگىلەرى پايدا بولعان ەكەن.

«راقىمەت، كوپ راقىمەت ! جاڭا زارەم قالمادى»-دەپ شيپاحاناعا بارعان سوڭ كىشكەنتاي قىزدىڭ شەشەسى قاتىناس ساقشىسىنا العىس ايتادى.

«وقاسى جوق، بۇدان كەيىن حاۋىپسىزدىككە كوڭىل بولگەن ءجون!»-دەيدى حۋاڭ ۋىنجى. كىشكەنتاي قىز بالانىڭ دەنساۋلىق جاعدايى ورنىقتى ەكەنىن كورگەن سوڭ حۋاڭ ۋىنجى الاڭسىز شيپاحانادان قايتادى.

ۇعىسۋعا قاراعاندا، قازىر كىشكەنتاي قىز بالا ساۋىعىپ شيپاحانادان شىققان.

 



حۋاڭ ۋىنجى: بالانى كورگەندە دەرەۋ شيپاحاناعا اپارۋ كەرەك دەپ ويلادىم

كەسكىننىڭ كەلۋ قاينارى: «بۇقاراعا جول العان قاتىناس»

ٴوزىنىڭ توراپتا «تانىمالدىعى» ارتقانىن بىلگەننەن كەيىن حۋاڭ ۋىنجى بىلاي دەدى: «انىعىندا بۇندا تۇرعان دانەڭە جوق. كىشكەنتاي قىز بالانىڭ بەينەسىن كورگەندە، تۇتقيىل ناۋقاسقا شالدىققان بولار دەپ توپشىلادىم دا دەرەۋ ەمحاناعا جەتكىزۋ بەكىمىنە كەلدىم».

حۋاڭ ۋىنجى سول كەزدەگى جاعدايدى ەسكە الىپ بىلاي دەدى: «سول كەزدە شىرعالاڭ دا ٴبىر جايلى ەتىلۋگە تاياعان بولاتىن، ءوزارا سوعىلعان اۆتوموبيل يەلەرىنە قىسقاشا ەسكەرتۋ جاساعان سوڭ، قىز بالانى اۆتوموبيلعا سالىپ شيپاحاناعا توتە تارتتىم.»

قىسىلتاياڭ ساتتە بۇقارانىڭ اماندىعىن ماڭىزدى ساناعان حۋاڭ ۋىنجى تەكتەس حالىق ساقشىلارىنا العىس ايتامىز!

 

 

 
00.jpg
00.jpg
00.jpg
00.jpg
00.jpg