مەملەكەت وقۋشىلارعا ءتيىمدى جاڭا وزگەرىستەردى بەلگىلەدى
0
2019-09-06 16:13:00
|
كەلۋقاينارى:
|
جاۋاپتى رەداكتور :

 

 

جاز ايى ايلانىپ وتۋىمەن بىرگە، وقۋشىلاردىڭ دا جازدىق كانيكولى دا سوڭىنا شىعىپ، جاڭا ءبىر وقۋ ماۋسىمى باستالدى.

 

9- ايدىڭ 1- كۇنىنەن باستاپ، بۇكىل ەلدەگى ورتا- باستاۋىش مەكتەپ وقۋشىلاردىڭ مەكتەپ اۋلاسىنا قايتا ورالۋى تىنىش قالعان مەكتەپتى دۋمانعا بولەدى. جاڭا وقۋ ماۋسىمىندا قانداي جاڭا وزگەرىستەرگە كوڭىل ءبولۋ كەرەك؟ بۇل وزگەرىستەر وقۋشىلارعا قانداي ىقپال جاسايدى؟

 

وقۋشىلاردىڭ سومكاسى ءتىپتى دە جەڭىلدەيدى! ورتالىق قۇجات شىعارىپ، وقۋ- اعارتۋدىڭ اۋىرتپالىعىن جەڭىلدەتۋدى تياناقتاندىردى

 

بيىل 7- ايدا، «ج ك پ ورتالىق كوميتەتى مەن مەملەكەتتىك كەڭەس وقۋ- اعارتۋ مەن وقىتۋ رەفورماسىن تەرەڭدەتۋ، مىندەتتى وقۋ- اعارتۋدىڭ ساپاسىن جاپپاي جوعارىلاتۋ جونىندەگى پىكىردىڭ» تولىق نۇسقاسىن جاريالاپ، وقۋشى قابىلداۋ، وقىتۋ، تاپسىرما بەرۋ سياقتى كوپ جاقتاردان وقۋشىلاردىڭ اۋىرتپالىعىن جەڭىلدەتتى.

 

مۇنىڭ ىشىندە وقۋشى قابىلداۋ جاعىندا، «پىكىردە»: ءتۇرلى ەمتيقان، باسەكەگە ءتۇسۋ، كۋرسى ناتيجەسى نەمەسە كۋالىك انىقتاماسى سياقتىلاردى وقۋشى قابىلداۋدىڭ نەگىزى ەتۋگە قاتاڭ تيىم سالۋ تالاپ ەتىلدى. سونىمەن بىرگە، بەتپە- بەت ەمتيحان، باعالاۋ دەگەن اتپەن وقۋشىلاردى ىرىكتەۋگە بولمايدى.

 

وقىتۋ جاعىندا، «پىكىردە» مىنالار اتاپ كورسەتىلدى: مەملەكەت بەلگىلەنگەن ساباقتاردى تولىق، ويداعىداي وقىتۋ كەرەك. ساباق ۋاقىتىن قالاعانىنشا كوبەيتىپ- ازايتىپ، قيىندىقتى وزگەرتىپ، قارقىنىن رەتكە سالۋعا بولمايدى؛ ەمتيحان رەت سانىن قاتاڭ تىزگىندەپ، ەمتيقان ناتيجەسىن دارەجە بويىنشا باعالاپ، ءارقانداي تاسىلمەن وقۋشىلاردىڭ ناتيجەسىمەن قاتارعا تۇرعىزىلۋىن جاريالاۋعا قاتاڭ تيىم سالىنادى.

 

وقۋشىلاردىڭ اۋىرتپالىعىن جەڭىلدەتۋدەن سىرت، اتا- انالار دا ودان يگىلىكتەنەدى. «پىكىردە» مىنالار ايقىن بەلگىلەندى: وقۋشىلاردىڭ تاپسىرماسىن اتا- انالاردىڭ تاپسىرماسىنا اينالدىرۋعا نەمەسە اتا- انالاردان تاپسىرمانى تەكسەرىپ بەكىتۋدى تالاپ ەتۋگە تيىم سالىنادى. جازالاۋ سيپاتىندىق جۇمىستاردى ورنالاستىرۋعا بولمايدى.

 

مەكتەپ اۋلاسىن ءتىپتى دە حاۋىپسىز ەتۋ

 

«مەكتەپ داڭ- دۇڭىن» جونگە سالىپ، اس- سۋ ءتۇزىمىن كەمەلدەندىرىپ، وقۋشىلاردىڭ حاۋىپسىزدىگىن قامتاماسىز ەتۋ كەرەك.

 

«مەكتەپتىڭ داڭ- دۇڭ» ماسەلەسىنە قاراتا، بيىل 8- ايدا، وقۋ- اعارتۋ مينيسترلىگى قاتارلى 5 تاراۋ «حاۋىپسىزدىك شىرعالاڭىن ءبىر جايلى ەتۋ مەحانيزمىن كەمەلدەندىرىپ، مەكتەپتىڭ وقۋ- وقىتۋ ءتارتىبىن قورعاۋ جونىندەگى پىكىردى» باسىپ تاراتتى. (تومەندە قىسقارتىلىپ «پىكىر» دەلىنەدى) مۇندا «مەكتەپ داڭ- دۇڭى» جونىندە 8 ءتۇرلى ءىس- ارەكەتپەن ءبىر جاقتىلى ەتۋ ءادىسى» ايقىن بەلگىلەندى.

 

قايسى قيمىلدار مەكتەپ داڭ- دۇڭىنا جاتادى؟ قۇجاتقا نەگىزدەلگەندە، مەكتەپتە باسقالاردى ۇرىپ- سوعۋ، باسقالاردى قاساقانا زاقىمداۋ نەمەسە جالپىنىڭ ياكي جەكەنىڭ مال- مۇلكىن قاساقانا ءبۇلدىرۋ؛ مەكتەپتىڭ ۇيلەرىن، قۇرىلعىلارىن جانە جابدىقتارىن يەمدەنىپ الۋ، ءبۇلدىرۋ سياقتىلاردى قامتيدى.

 

مۇنداي وقيعالاردى قالاي شەشۋ كەرەك؟ «پىكىردە» مىنالار تالاپ ەتىلدى: الدا- جالدا داڭ- دۇڭ شىعارسا، قوعام حاۋىپسىزدىگى ورگانى دەركەزىندە ساقشى شىعارىپ، زاڭ بويىنشا تيىم سالادى؛ سويقان شىعارۋ ارەكەتىن جۇرگىزىپ، قوعام ءتارتىبىن بىلىقتىرىپ، باسقالاردى زاقىمداسا نەمەسە مال- مۇلىكتى زيانعا ۇشىراتسا، اماندىق باسقارۋعا قايشىلىق جاساعانداردى جازالاۋ زاڭىنداعى بەلگىلەمە بويىنشا جازالانادى؛ ءىسى قىلمىسقا تولعاندارىن قىلمىستىق ىستەر زاڭىنداعى قاتىستى بەلگىلەمەلەر بويىنشا جازالاۋ كەرەك.

 

مەكتەپ ورتاسىنىڭ حاۋىپسىزدىگىن كۇشەيتۋدەن سىرت، 8- ايدىڭ 27- كۇنى، مەملەكەتتىك وقۋشىلاردى حورەكتىكپەن اسىراۋ كەڭسەسى 2019- جىلعى 3- ءنومىرلى ساقتىق سيگىنالىن جاريالاپ، وقۋشىلاردىڭ تاماق حاۋىپسىزدىگىنە كەپىلدىك ەتتى.

 

ساقتاندىرۋ تالابى بويىنشا، سىناق ءتۇيىنى ەتىلگەن مەكتەپتەردىڭ باستىقتارى اسحانانىڭ ازىق- تۇلىك حاۋىپسىزدىگى ءتۇزىمىنىڭ تياناقتانۋ جاعدايىن مەرزىم بويىنشا تەكسەرىپ تۇرۋى، رەتتەۋ- تۇزەتۋدى دەركەزىندە قۋزاۋى، مەكتەپ جاۋاپتىلارى وقۋشىلاردىڭ تاماق ءتۇزىمىن قاتاڭ تياناقتاندىرۋى كەرەك. وقۋ- اعارتۋ اكىمشىلىك تاراۋلارى دەنساۋلىق ساقتاۋ، بازاردى باقىلاۋ- باسقارۋ سياقتى تاراۋلارمەن بىرلەسىپ، كومەسكى حاۋىپ- قاتەردى اداقتاۋ قىزمەتىن ورنالاستىرۋ جانە ورىستەتۋدى، رەتتەۋ- تۇزەتۋدى، تياناقتاندىرۋدى ويداعىداي ىستەۋگە قۋزاۋ كەرەك. مەكتەپ اسحانالارىنىڭ «اشىق تا ءادىل بولۋىن» تولىق قامتۋىن جۇزەگە اسىرۋ كەرەك.

 

 

وقۋلىققا وزگەرىس ەنگىزىلدى

 

مىندەتتى وقۋ- اعارتۋدىڭ ءۇش پانى ءبىرتۇتاس قۇراستىرىلىپ، وقۋلىق تۇتاس جىلدا جالپىلاستىرىلادى.

 

بيىل 5- ايدا، وقۋ- اعارتۋ مينيسترلىگىنىڭ كەڭسەسى 2019- جىلعى ورتا- باستاۋىش مەكتەپتەردىڭ وقىتۋىنا قولدانىلاتىن وقۋلىقتار تىزىمدىگىن باسىپ تاراتتى ءارى 2017- جىلدان باستاپ، بۇكىل ەلدەگى باستاۋىش مەكتەپتەر مەن ورتالاۋ مەكتەپتەردىڭ العاشقى جىلىقتارىندا ءبىرتۇتاس قولدانىلاتىن مىندەتتى وقۋ- اعارتۋدا ءمورال جانە زاڭمەن باسقارۋ، ءتىل- ادەبيەت، تاريح پاندەرىنىڭ ءبىرتۇتاس قۇراستىرىلعان وقۋلىعىن باسىپ تاراتتى. بيىل كۇزگى وقۋ ماۋسىمىنان باستاپ، بارلىق جىلدىقتار تۇگەل تولىق قامتىلادى.

 

نازار اۋدارۋعا ءتيستىسى: ءبىرتۇتاس قۇراستىرىلعان ءتىل- ادەبيەت وقۋلىقتارى باستاۋىش مەكتەپتىڭ 1- جىلدىعىنان باستاپ، ەرتە زامان ولەڭدەرى وقىتىلادى. تۇتاس باستاۋىش مەكتەپتىڭ 6 جىلدىعىندا 12 ءبولىم وقۋلىق بولىپ، ەرتە زامان ولەڭدەرىنەن جيىنى 132 ولەڭ سارالانىپ باسىلعان. بۇل سارالانعان ماقالالار وقۋلىقتىڭ ٪30 ىن ۇستاپ، بۇرىنعى ادامداردىڭ ءتالىم- تاربيە باسىلىمىنان 55 پارشاسى ارتىپ، ارتۋ مولشەرى ٪80 كە جەتكەن.

 

جاڭا وقۋلىق ارت- ارتىنان ساباقحاناعا كىرۋمەن بىرگە، باستاۋىش مەكتەپتىڭ 4- جىلدىعىنان 6- جىلدىعىنا دەيىنگى وقۋشىلار دا كونە وقۋلىقتى جاڭا وقۋلىققا وزگەرتۋ ماسەلەسىنە دۇپ كەلدى.

 

باستاۋىش مەكتەپتىڭ 4- جىلدىعىنان 6- جىلدىعىنا دەيىنگى كونە وقۋلىقتان جاڭا وقۋلىققا ءساتتى وتۋىنە كەپىلدىك ەتۋ ءۇشىن، وقۋ- اعارتۋ مينيسترلىگىنىڭ وقىتۋ ماتەريالدارى مەكەمەسى جاڭا وقۋلىق پەن كونە وقۋلىقتىڭ سالىستىرماسىن زەرتتەۋدى ۇيىمداسىتردى. مۇنىڭ ىشىندە، باستاۋىش مەكتەپتىڭ ءتىل- ادەبيەت وقۋلىعىنىڭ 12 نۇسقاسى، باستاۋىش مەكتەپ ءمورال جانە زاڭمەن باسقارۋ وقۋلىعىنىڭ 6 نۇسقاسى سالىستىرىلدى ءارى ناقتى وقىتۋ ۇسىنىسىن ورتاعا قويدى.

 

مۇنان سىرت، وقۋ- اعارتۋ مينيسترلىگى جاريالاعان حابارعا قاراعاندا، ادەتتەگى ورتا مەكتەپتەردىڭ يدەيا- ساياسي، ءتىل- ادەبيەت، تاريح سىندى 3 پاننەن ءبىرتۇتاس قۇرالعان وقۋلىقتاردى قۇراستىرۋ، تەكسەرۋ قىزمەتى تولىق ورىندالىپ بولدى. بيىل 9- ايداعى كۇزگى وقۋ ماۋسىمىنان باستاپ، بەيجيڭ، تيانجين، شاڭحاي، شاندۇڭ، حاينان قاتارلى 6 ولكە، قالالاردا الدىمەن پايدالانۋعا بەرىلدى.

 

 

دەرەككوزى: جۇڭگو اقپاراتى اگەنتتىگى، جۇڭگو اقپاراتى ەكونوميكا جۇيەسى

حانزۋشادان اۋدارعان: قاليما بوقان قىزى (تورابىمىز ۇسىنىس ەتكەن ءتىلشى)

00.jpg
00.jpg
00.jpg
00.jpg
微信截图_20190909172958.jpg