كوكتوعاي اۋدانى جايلى باسپانا سالىپ، حالىق تۇرمىسىن جاقسارتتى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-05-06 12:48:00



    ۇسىنىس ەتىلگەن ءتىلشى مۇقامادي ءشارىپ ۇلى حابارلايدى. كوكتوعاي اۋدانى اۆتونوميالى رايوننىڭ حالىققا ءتيىمدى توعىز ءتۇرلى ساياساتىنىڭ ءبىرى بولعان جايلى قونىس سالىپ، حالىقتى يگىلىككە كەنەلتۋ ساياساتىن پارمەندى اتقارىپ، حالىق تۇرمىسىن جاقسارتۋ جانە تياناقتاندىرۋ قىزمەتىن مىقتى يگەرىپ، ەگىنشى-مالشى قاۋىمىنىڭ باسپانا ماسەلەسىن ۇيلەسىمدى شەشتى.


    قارابۇلعىن اۋىلى قالشاعاي قىستاعىنداعى باقىت وتباسى وتكەن جىلى 95 شارشى مەترلىك جارىق تا ەڭسەلى جاڭا باسپاناعا كوشىپ كىردى. ول تىلشىگە پارتيانىڭ ابزال ساياساتىنىڭ ارقاسىندا باياشات تۇرمىس كەشىرىپ جاتقاندىقتارىن ءبىلدىردى.


    قارابۇلعىن اۋىلى قالشاعاي قىستاعىنىڭ تۇرعىنى باقىت قابىلاحات ۇلى: وتكەندە كونەتوز جاتاعان ۇيدە وتىراتىنبىز، قازىر پارتيانىڭ اۋىل-قىستاققا باعىتتالعان ابزال ساياساتىنىڭ ارقاسىندا جايلى باسپاناعا كوشىپ كىرىپ، باقىتتى تۇرمىس كەشىرىپ جاتىرمىز، پارتيامەن ۇكىمەتتىڭ قامقورلىعىنا راقىمەت،-دەدى.


    جايلى قونىستاندىرىپ، حالىقتى اۋقاتتاندىرۋ ينجەنەرياسى اتقارىلعاننان بەرى كوپتەگەن ەگىنشى-مالشى سىلكىنىسكە ءتوزىمدى باسپاناعا كوشىپ، وتىرىقتاسىپ، ءتيىمدى ساياساتتان يگىلىكتەنىپ، باقىتتى تۇرمىس كەشىرۋدە.


    بۇل اۋدان بيىل ەكى قونىس ينجەنەرياسىن جالعاستى اتقارىپ، جايلى قونىستاندىرىپ، حالىقتى اۋقاتتاندىرۋ ينجەنەرياسى بويىنشا 450 تۇرعىن ءۇي، مالشىلاردى وتىرىقتاستىرۋ ينجەنەرياسى بويىنشا 164 باسپانا سالىپ، مالشارۋاشىلىق رايوندارىنداعى كونە ۇيلەردى جاڭالايدى.

كوكتوعاي اۋداندىق راديو-تەلەۆيزيا مەكەمەسىنەن