نەگىزگى ساتى كادرلارىنىڭ 3-كەزەكتى قوس ءتىل باسەكەسىن ۇيىمداستىردى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-05-06 12:52:00



    ۇسىنىس ەتىلگەن ءتىلشى مۇقامادي ءشارىپ ۇلى، نۇرداۋلەت بەكەن ۇلى حابارلايدى. كوكتوعاي اۋداندىق پارتكوم ۇگىت ءبولىمى مەن ۇيىمداستىرۋ ءبولىمى جاقىندا نەگىزگى ساتى كادرلارىنىڭ 3-كەزەكتى قوس ءتىل باسەكەسىن ۇيىمداستىردى. ءارقايسى اۋىل-قالاشىقتىڭ 34 ازۇلت، حانزۋ كادرى جارىسقا قاتىناستى.


    جارىس ءوزىن تانىستىرۋ، تاقىرىپتىق لەكسيا، ديالوك جانە ونەر ايگىلەۋ سىندى ءتورت ءتۇرلى مازمۇندا وتكىزىلىپ، ازۇلت كادرلارى حانزۋشا، حانزۋ كادرلار قازاقشا لەكسيا جاسادى.


    جارىسقا قاتىسۋشىلار «ۇلتتاردىڭ بەرەكەلى شاڭىراعى» تاقىرىبىنداعى جان تەبىرەنتەرلىك اڭگىمەلەر مەن تيپتىك ۇلگىلەردىڭ ىزگى ىستەرىن بايانداپ، تىڭدارماندارعا تاماشا اسەر قالتىردى. اۋداندىق مەملەكەتتىك باجى مەكەمەسىنىڭ كادرى باقىتگۇل تىلشىگە جارىستان تاجىريبە توپتاپ، مول ءبىلىم يگەرگەندىگىن ءبىلدىردى.


    جارىسقا قاتىناسقان كادر باقىتگۇل جەڭىس قىزى: جارىستا ۇزدىكتەردىڭ لەكسياسىن تىڭداپ، تەرەڭ اسەر الدىم ءارى جەتەرسىز جەرلەرىمدى تانىپ جەتتىم، كوپتەگەن جاڭا دوس تاپتىم، قىزمەتىمدى تىڭعىلىقتى ىستەپ، ۇلتتار ىنتىماعىنىڭ ۇلگىلەرىنەن ۇيىرەنىپ، مەيىر باعىشتاپ، كوپتەگەن ادامعا كومەكتەسسەم دەيمىن.


    جارىسقا قاتىناسقان شەبەرلەر قوس ءتىل قابىلەتى مەن بەينەلەۋ ورەسىن ايگىلەپ، كوپشىلىكتىڭ جاقسى باعاسىنا يە بولدى.


    كۇرتى اۋىلدىق ۇكىمەتتەن جارىسقا قاتىناسقان كادر نۇرلاش: جارىسقا قاتىناسقانىما توتەنشە قۋانىشتامىن، نەگىزگى ساتىنىڭ پارتيا مۇشەسى ءارى ۇگىتشىسى تۇرعىسىنان قىزمەتتى جاقسى ىستەپ، ەگىنشى-مالشىلارعا ساپالى قىزمەت وتەۋگە كۇش سالامىن،-دەدى.


    باعالاۋشىلار وزات شەبەرلەر مەن ۇزدىك ۇيىمداستىرۋشى ورىندارعا سيلىق تاراتتى. جارىستا الدىڭعى ۇشتىككە ەنگەندەر ايماقتىڭ قوس ءتىل باسەكەسىنە قاتىناسادى.

كوكتوعاي اۋداندىق راديو-تەلەۆيزيا مەكەمەسىنەن