ەكولوگيالى، كورىكتى اۋدان قۇرۋ قادامىن جەدەلدەتتى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-05-06 17:28:00


    ۇسىنىس ەتىلگەن ءتىلشى مۇقامادي ءشارىپ ۇلى، نۇرداۋلەت بەكەن ۇلى حابارلايدى. كوكتوعاي اۋدانى سوڭعى جىلدارى سۋ، توپىراق ساپاسىن جاقسارتىپ، اعاش ەگىپ، ورمان وتىرعىزىپ، ەكولوگيالىق وركەنيەت قۇرىلىسىن كۇش سالا اتقارىپ، قۇرىلىستاندىرۋ مەن ەكولوگيانىڭ سايكەسىمدىلىگىن جەبەپ، تابيعاتتى ايالاپ، ورتانى كورىكتەندىردى.


    ەرتىس وزەنىنىڭ قاينار باسىنا ورنالاسقان بۇل اۋدان اسىرەسە سۋ ساپاسىن جاقسارتۋعا ايىرىقشا ءمان بەرىپ، وزەن بويى مەن تاۋلى وڭىرلەردىڭ ەكولوگياسىن پارمەندى قورعاپ، ەرتىس، ۇلىڭگىر اڭعارىنداعى ورماندى مەملەكەت دارەجەلى ەكولوگيالىق جاسىل القاپ رەتىندە كوركەيتىپ، ورمان-توعايلى اۋماقتى اشۋدى جاپپاي دوعارىپ، زاڭسىز جەر اشۋ ارەكەتىن قاتاڭ تەجەپ، «كورىكتى، جاراسىمدى، ەكولوگيالى» اۋدان قۇرۋعا بەرىك نەگىز قالادى.


    اۋداندىق ورمان شارۋاشىلىعى مەكەمەسىنىڭ ورىنباسار باستىعى تيان شياۋچين: سۋ قاينارىن قورعاپ، ورمان ءوسىرۋ، توپىراق ساپاسىن جاقسارتۋ سىندى ەكولوگيالىق قۇرىلىسقا وسكەلەڭ ءمان بەرىپ، قورىق رايوندارى مەن سازدىق باقشا قۇرۋ قادامىن جەدەلدەتىپ، «اۋىل-قالاشىقتى ورمانمەن كومكەرۋ، جاسىل بەلدەۋ قۇرۋ» قىزمەتىن جەبەپ، قونىستانۋعا جايلى، كورىكتى اتا-مەكەن قۇرۋعا كۇش سالدىق،-دەدى.


    كوكتوعاي اۋدانى جۋىقتاعى جىلداردان بەرى اعاش ەگىپ، ورمان وتىرعىزۋ قىزمەتىن تىڭعىلىقتى ىستەپ، ورمان-توعايدى ءبۇلدىرۋ، سۋ قاينارىن بۇلعاۋ تەكتەس زاڭسىز ارەكەتتەرگە سوققى بەرۋ تەبىنىن كۇشەيتىپ، ورماندى ورتتەن، دەرت-دەربەزدەن قورعاپ، «ورمانمەن كومكەرىلۋ» سالىستىرماسىن ٪5.62كە جەتكىزىپ، ىلگەرىندى-كەيىندى «اعاش ەگىپ، ورمان وتىرعىزۋ قىزمەتىندەگى وزات اۋدان»، «مەملەكەت جەرىن جاسىلداندىرۋداعى ۇلگىلى اۋدان» قاتارلى داڭىقتى اتاقتاردى ەنشىلەدى.


    اۋداندىق ورمان شارۋاشىلىعى مەكەمەسىنىڭ ورىنباسار باستىعى تيان شياۋچين: ەگىستىكتەن ورماندى قالپىنا كەلتىرۋ، اعاش ەگىلگەن اۋماقتى قورعاۋ، الەۋمەتتىك يگىلىك سيپاتىنداعى ورمان وتىرعىزۋ تەكتەس تۇيىندى ينجەنەريالاردى اتقارىپ، 5000 مۋ جايىلىمدى، ەگىستىكتەن 8000 مۋ ورماندى قالپىنا كەلتىرىپ، 8000 مۋ ورمان وتىرعىزىپ، 10 مىڭ مۋ ورماندى قورشاپ، ەكولوگيالىق ورتانى وڭاۋ تەبىنىن ارتتىرىپ، زاڭسىز جەر اشۋ ارەكەتىن تەجەۋ قاتارلى جەتى ءتۇرلى تىزگىندەۋ-وڭاۋ قيمىلىن ورىستەتتىك،-دەدى.


    بۇل اۋدان وتكەن جىلى 11 مىڭ 313 مۋ جەرگە اعاش، 1174 مۋ جەرگە جيدەك ەگىپ، 1324 مۋ جەرگە ەگىنجاي قورعانىس ورمانىن وتىرعىزىپ، ەگىستىكتەن 3859 مۋ ورماندى قالپىنا كەلتىرىپ، 444 وتباسىن اۋلا شارۋاشىلىعىمەن شۇعىلدانۋعا باستاپ، اۋىل-قىستاقتارداعى ەكى وتىرىقتاسۋ ءتۇيىنىن جاسىلداندىرىپ، 45.4 كيلومەتر جاسىل بەلدەۋ قۇرىپ، قالاشىق ماڭىنا 2735 مۋ ورمان ءوسىرىپ، 977 مىڭ ءتۇپ قالامشا ەكتى.

كوكتوعاي اۋداندىق راديو-تەلەۆيزيا مەكەمەسىنەن