بايگە توبە قىستاعىنا تۇسكەن قىزمەت اترەتى ديحاندار اراسىنان پارتياعا مۇشە قابىلداۋ قىزمەتىن مىقتى ۇستادى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-06-15 14:44:00


    ەربول سولتانشارىپ ۇلى حابارلايدى. قىستاق دارەجەلى پارتيا ۇيىمىنىڭ ۇيىمدىق قۇرىلىسىن كۇشەيتۋ، پارتيا مۇشەلەرىنىڭ اۆانگارتتىق رولىن تولىق ساۋلەلەندىرۋ ٴۇشىن، التاي ايماقتىق مەملەكەتتىك باجى مەكەمەسىنىڭ التاي قالالىق شەمىرشەك قالاشىق بايگەتوبە قىستاعىنا تۇسكەن قىزمەت اترەتى ورايدى مىقتى ۇستاپ، ۇتىمدى شارا قولدانىپ، ديحان پارتيا مۇشەلەرىن تاربيەلەۋ، پارتياعا جاڭا مۇشە قابىلداۋ قىزمەتىنە ەرەكشە ءمان بەردى.


    قىزمەت اترەتى قىستاقتاعى پارتيا مۇشەلەرىنىڭ قوسىن قۇرىلىسى ءالسىز، جاس قۇرامىنىڭ ۇلعايعاندىعى، قابىلەت ورەسىنىڭ تومەندىگى، جاستاردىڭ پارتيا ۇيىمىنا كىرۋ بەلسەندىلىگىنىڭ السىزدىگى قاتارلى ىسجۇزىندىك احۋالىنا نەگىزدەلىپ، ءار اپتاسىنا ءبىر رەت «ديحاندار كەشكى مەكتەبىن» ۇيىمداستىرىپ، پارتيا مۇشەلەرى مەن بەلسەندى جاستارعا «جۇڭگو كوممۋنيستىك پارتياسىنىڭ ۇستابى»، «نەگىزگى ساتى پارتيا ۇيىمى قۇرىلىسى»، «نەگىزگى ساتىدا دەموكىراتيالى ساياسي قۇرىلىسىتى كۇشەيتىپ قوعامنىڭ بەرەكەلىگى مەن ورنىقتىلىعىن ىلگەرلەتۋ»، «ٴۇش جيىن ٴبىر ساباق»، «ون جۇلدىز دارەجەلى قىستاق قۇرۋ» قاتارلى مازمۇنداردا لەكسيا سويلەۋ قىيمىلىن بەلسەنە ۇيىمداستىرىپ، كورنەكتى ناتيجەگە قول جەتكىزدى.


    پارتيا ۇيىمىنا ءوتىنىش بەرگەن بەلسەندى جاستارعا قاراتا الىپ بارىلعان تاربيەنىڭ باستى ماقساتى-جاستاردىڭ پارتيانىڭ نەگىزگى بىلىمدەرىن يگەرۋ، پارتيانىڭ شۇعىلالى تاريحىن تانىپ جەتۋ، پارتيا مۇشەلەرىنىڭ نەگىزگى شارتتارى، مىندەتتەرى مەن بورىشتارىن جەتە تۇسىنۋ ارقىلى كوممۋنيستىك كوزقاراس پەن يدەيانى جاستار ساناسىنا ٴسىڭىرۋ.


    كەزەكتە بايگەتوبە قىستاعىندا پارتىيا ۇيىمىنا ءوتىنىش بەرگەن جاستاردىڭ قاتارى كورنەكتى ارتىپ، 32 ادامعا جەتسە، وبيەكتىلەر مەن كانديدات پارتيا مۇشەلەرىنىڭ سانى 12 ادامعا جەتتى.


    پارتيا مۇشەلەرى مەن جاستارعا جۇرگىزىلگەن تاربيەدەن كەيىن، بايگەتوبە قىستاعىندا قىستاق پارتيا ۇيىمىنىڭ قوسىن قۇرىلىسى كۇشەيىپ، پارتيا مۇشەلەرىنىڭ ۇلگىلى ونەگەلىك رولى تولىق ساۋلەلەنىپ، قىستاقتاعى بۇقارانىڭ كەدەيلىكتەن قۇتىلىۋ، ورتاق اۋقاتتانۋعا بەت الۋ قىزمەتىندە تىڭ دامۋ قولعا كولدى.