التاي ايماقتىق مەملەكەتتىك باجى مەكەمەسىنىڭ بايگەتوبە قىستاعىنا تۇسكەن قىزمەت اترەتىندەگىلەر «قوس ٴتىل» ۇيرەنۋگە ءمان بەردى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-06-15 14:49:00


    ەربول سولتانشارىپ ۇلى حابارلايدى. قستاققا تۇسكەن قىزمەت اترەتىندەگى جولداستاردىڭ قالىڭ حالىق بۇقاراسى ءۇشىن قىزمەت وتەۋ قابىلەتى مەن قىزمەت ونىمدىلىگىن ارتتىرۋ، بۇقارامەن بولعان تۇسىنىسۋدى قويۋلاتۋ ءۇشىن،التاي ايماقتىق مەملەكەتتىك باجى مەكەمەسىنىڭ بايگەتوبە قىستاعىنا تۇسكەن قىزمەت اترەتىندەگى ۇلىتتىق جولداستار مەن حانزۋ جولداستار ٴوزارا ءتىل ۇيرەنۋگە ەرەكشە ٴمان بەردى.


    بۇل قىزمەت اترەتى تۇرعان بايگەتوبە قىستاعى شەكاراعا قونىستانعان، قازاق ۇلتىن نەگىز ەتكەن اۆتونوميالى رايون بەلگىلەگەن كەدەي قىستاق.


    قىزمەت اترەتىندەگى حانزۋ-قازاق ۇلتىنان قۇرالعان 6 قىزمەتكەر، ٴوزارا ءتىل ۇيرەنۋدى ماڭىزدى قىزمەتتەردىڭ ءبىرى رەتىندە مىقتى ۇستادى. ۇيرەنۋدە ەڭ اۋەلى، اپتاسىنا ٴبىر كۇن ۋاقىت ورنالاسترىپ حانزۋ جولداستار قازاقشا الىپپەنى، قازاق ۇلتىنىڭ تۇرمىستىق ءتىلىن ۇيرەنۋگە كوڭىلءبولدى، بۇدان سىرت قىزمەتكەرلەردىڭ «قوس ٴتىل» ۇيرەنۋىنە ارنالعان وقۋلىقتان ۇتىمدى پايدالانۋمەن بىرگە تولىق تۇسىنبەگەن تۇيىندەرىن ۇلتتىق قىزمەتكەرلەردەن جالىقپاي سۇراپ ۇيرەنسە، تاڭەرتەڭگى جانە كوشكى بوس ۋاقىتتان پايدالانىپ تۇرمىستىق جەكە سوزدەردى جاتتاپ ۇيرەندى، ۇيرەنۋ ناتيجەسىن ٴار ۋاقىت باعالاپ تەكسەرىپ وتىردى ٴارى قىزمەتكەرلەردىڭ جىل سوڭىنداعى باعالاۋىنىڭ ٴبىر مازمۇنى ەتىپ تۇراقتاندىردى.


    كەزەكتە «قوس ٴتىل» ۇيرەنۋىنە ءمان بەرىلگەندىكتەن، قىزمەت اترەتىندەگى حانزۋ قىزمەتكەرلەر قىستاقتاعى بۇقارامەن قازاق تىلىندە تىكەلەي وي-پىكىر الماستىرا الاتىن، بۇقارانىڭ مۇڭ-مۇقتاجىن، تالاپ-تىلەگىن قازاق تىلىندە ۇعىسا الاتىن دارەجەگە جەتىپ، قىزمەت ونىمدىلىگىن جوعارىلاتىپ، قالىڭ حالىق بۇقاراسى ءۇشىن شىنايى قىزمەت وتەۋگە قولايلى بولدى.