التاي ايماقتىق مەملەكەتتىك باجى مەكەمەسىنىڭ بايگەتوبە قىستاعىنداعى قىزمەت اترەتى «قىستاق تۇرعىندارى مەن ورگان قىزمەتكەرلەرى ٴوزارا تۋىس بولۋ» قىيمىلىن ورىستەتتى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-06-15 15:03:00


    ەربول سولتانشارىپ ۇلى حابارلايدى. التاي ايماقتىق مەملەكەتتىك باجى مەكەمەسىنىڭ بايگەتوبە قىستاعىنا تۇسكەن قىزمەت اترەتى «قوعام ورنىقتىلىعى مەن باياندى تىنىشتىقتى ساقتاۋدىڭ ۇزاق مەرزىمدىك ۇلى نىساناسى» مەن «ۇلتتار ىنتىماعى جاراسقان ءبىر ۇيلى جاندار» قىيمىلىن ىشكەرىلەي دايەكتى تياناقتاندىرۋ ءۇشىن، مەكەمەدەگى 45 پارتيا مۇشەسى جۋىقتا التاي قالاسنىڭ شەمىرشەك قالاشىق بايگەتوبە قىستاعنا كەلىپ قىستاق تۇرعىندارىمەن ٴوزارا «تۋىس بولۋ، بەرەكەنى نىعايتۋ» قيمىلىن ورىستەتتى.


    بۇل رەتكى قيمىلدى ورىستەتۋدەگى باستى ماقسات-ءوزارا «تۋىس بولۋ» قىيمىلىن ورىستەتۋ ارقىلى، ٴوزارا پىكىر الماستىرۋ، سەميالىق احۋالىن ۇعىسۋ، پارتيا مەن ۇكىمەتتىڭ ٴتۇرلى تيىمدىلىك ساياساتتارىنىڭ وتباسىلارىنا تياناقتانۋ احۋالىن ۇعىسۋ، بۇقارانىڭ ءوندىرىسى مەن تۇرمىسىندا ساقتالىپ وتىرعان قىيىنشىلىقتاردى ورتاق اقىلداسىپ شەشىم جاساۋ، «پارتيانىڭ مەيىر-شاپاعاتىن سەزىنۋ، پارتياعا ىلەسۋ» ۇگىت-تاربيە قىزمەتىن ورىستەتۋ، زاڭ-تۇزىمگە بويسىنۋ، وتاننىڭ تۇتاستىعى مەن ۇلتتار ىنتىماعىن قورعاۋ، كەدەيلىكتەن قۇتىلىپ ورتاق اۋقاتتانۋعا قۇلشىنۋ، اقاۋسىز تۇرمىس ادەتىن قالپتاستىرىپ مادەنىيەتتى قىستاق تۇرعىنى بولۋعا كۇش سالۋ.


    قىيمىل كەزىندە، التاي ايماقتىق مەملەكەتتىك باجى مەكەمەسىنەن كەلگەن 45 قىزمەتكەرلەر وزدەرىنىڭ تۋىستاسقان سەميالارىن ارالاپ ءتوس سوعىستىرىپ امانداسىپ، تۋىستارىنا ارنايى دايارلاپ الا كەلگەن ساۋعالارىن ۇسىنىپ، پارتيانىڭ ورنىقتىلىق ساياساتى مەن ٴتۇرلى تيىمدىلىك ساياساتتارى توڭىرەگىندە ارقا-جارقا اڭگىمەدە بولىپ، وتكەن-كەتكەنىن ۇعىسىپ، ءبىرىن- ٴبىرى ءوز وتباسىلارىنا قوناقتا بولۋعا شاقىرىسپ دەگەندەي،مارە-سارە بولىپ ەستەن كەتپەس ٴبىر كۇنىن اسا كوڭىلدى وتكىزدى.


   بۇل رەتكى قىيمىل قىستاقتاعى بۇقارا اراسىندا كۇشتى اڭىس قوزعاپ، بەلگىلى قوعامدىق ناتيجەگە قول جەتكىزدى، قىزمەت اترەتى بۇل قىيمىلدى ءارەكى ايدا ءبىر رەت جالعاستى وتكىزىپ تۇرۋدى بەلگىلەدى.