ەلەكتروندى ساۋداعا تاربيەلەۋ كۋرىسى اشىلدى
كەلۋقاينارى: |جاۋاپتى رەداكتور: | جاڭالانعان ۋاقىت:2017-08-10 15:30:00

 

    گۇلنار ٴاۋساي قىزى حابارلايدى: جۋىردان بەرى شىڭگىل اۋداندىق ەكونوميكا ساۋدا كوميتەتى شيىنجياڭ باتىس ٴوڭىر عالامتور عىلىمى شەكتەۋلى سەرىكتەستىگىمەن بىرلەسىپ ٴبىر اپتاعا جالعاسقان ەلەكتروندى ساۋداعا تاربيەلەۋ كۋرىسىن اشتى.

 

كۋرسىدە شيىنجياڭ باتىس ٴوڭىر عالامتور عىلىمى شەكتەۋلى سەرىكتەستىگىنىڭ اعا وقىتۋشىسىن ەلەكتروندى ساۋدا ىستەرى ٴتاسىلى، زات اينالىمى يىنفورماتسياسى، ەلەكتروندى ساۋدا دەلوسى، توراپتا تاۆاردى جالپىلاستىرۋ، قاريدارمەن بايلانىس جاساۋ، ٴتۇرلى تەكشەلەردەن دۇكەن اشۋ، تاۆارالاردى تالداۋ، دۇكەن ورنىن بەلگىلەۋ قاتارلى مازمۇنداردا ساباق وتۋگە ارنايى ۇسىنىس ەتتى سونداي-اق بۇل جولعى كۋرسىگە قاتىناسقاندار اراسىنان ۇزدىكتەرىنەن بەس كۋرسسانت ۇرىمجى قالاسىنا ىشكەرلەي ۇيرەنۋگە جىبەرىلەدى. اۋداندىق ەكونوميكا ساۋدا كوميتەتى مەن دۋ مۋرىن نىسانىنا جاۋاپتى ادام بىرلىكتە بەس ۇزدىك كۋرسسانتقا ۇزدىك كۋرسسانت كۋالىگى مەن كاسىپتىڭ ۇيرەنۋ كۋالىگىن تاراتتى. كۋرسىنىڭ اشىلۋى اۋدانىمىزداعى ەلەكتروندى ساۋدا كاسىبىمەن اينالىسۋشىلارعا كاسىپتەنۋ ورايىن جاراتىپ، قالىڭ جاستاردىڭ كاسىپ جاراتۋلارىنا تەكشە جاراتتى. سونىمەن بىرگە ٴار ۇلت جاستارىنىڭ ەلەكتروندى ساۋدانىڭ دامۋ بەتالىسىن مىقتى يگەرىپ، كاسىپتەنۋ ارناسىن كەڭەيتىپ، اۋدانىمىزدىڭ ەلەكتروندى ساۋدا ىستەرىن دامىتۋدى ىلگەرلەتتى.

 

كۋرسسانت مايرا تىلشىگە بىلاي دەدى:«مەن ەلەكتروندى ساۋدامەن اينالىسقالى سەگىز ايدان استى. كۋرسىگە قاتىناسۋ ارقىلى توراپ دۇكەنىن قالاي اشۋ جونىندە كوپتەگەن بىلىمدەر ۇيرەندىم ٴارى جاقسى ناتيجە جاراتتىم. مەن جالعاستى قۇلشىنا ۇيرەنىپ، كاسىبىمدى جانداندىرامىن».

 

كۋرسسانت ايسارا تىلشىگە بىلاي دەدى:« مەن سانجى شۋەيۋانىنان بىتىرگەنمىن. مەن ۇنحات تەكشەسىنەن ٴوزىمنىڭ دۇكەنىمدى اشتىم ٴارى اۋدانىمىزدا اشىلعان كاسىپتىك كۋرسىگە قاتىناسىپ كوپتەگەن بىلىمدەرگە يە بولدىم. كۋرسى ارقىلى تيجاراتىمدى ويداعىداي جۇرگىزىپ، ۇنحات ساۋداسىن دامىتۋعا بولعان سەنىمىن ارتتى».

 

دۋمۋرىن نىسانىنا جاۋاپتى زوبو تىلشىگە بىلاي دەدى:« كۋرسىنى اشۋداعى ماقساتىمىز اۋدانىمىزدىڭ جەرلىك ەلەكتروندى ساۋداسىن دامىتىپ، تىپتىدە كوپتەگەن ەلەكتروندى ساۋدامەن شۇعىلدانۋشىلاردى تاربيەلەپ، اۋىل شارۋاشىلىق ونىمدەرىنىڭ تيجارات ارناسىن كەڭەيتىپ، ەگىنشى مالشىلاردىڭ كىرىسىن ارتتىرساق دەيمىز».

 

ٴتىلشىنىڭ قىزمەت ورنى: شىڭگىل اۋداندىق راديو-تەلەۆيزيا مەكەمەسى