جالپى حالىقتىق دەنە شىنىقتىرۋ كۇنى اتاپ ٴوتىلدى
كەلۋقاينارى: |جاۋاپتى رەداكتور: | جاڭالانعان ۋاقىت:2017-08-10 15:34:00

 

    گۇلنار ٴاۋساي قىزى حابارلايدى: 8-تامىز جالپى حالىقتىق دەنە شىنىقتىرۋ كۇنى بايلانىسىمەن شىڭگىل اۋداندىق مادەنيەت دەنە-تاربيە مەكەمەسى مەن شىڭگىل قالاشىعى بىرلەسىپ اۋداندىق مادەنيەت الاڭىندا «جالپى حالىقتىق دەنە شىنىقتىرۋ كۇنى» جانە 6-كەزەكتى الاڭ ٴبيى قيمىلىن وزدىردى. ورىنباسار اۋدان اكىمى ۋاڭ جۇنپيىڭ قيمىلعا قاتىناستى ٴارى ٴسوز سويلەدى.

 

ۋاڭ جۇنپيىڭ بىلاي دەدى: دەنە شىنىقتىرۋ ارقىلى وركەنيەتتى ىلگەرلەتىپ، وركەنيەتتى سالت-ساناعا باستاماشى ەتىپ، قالىڭ حالىق بۇقاراسى جالپى حالىقتىق دەنە شىنىقتىرۋ قيمىلىنىڭ نەگىزگى تۇلعاسى رەتىندە اۋدانىمىزداعى بۇقارالىق مادەني دەنە تاربيە قيمىلىن دامىتىپ، جالپى حالىقتىڭ دەنە ساپاسىن جاقسارتۋ كەرەك.

 

قيمىلعا قالاشىققا قاراستى ٴارقايسى الەۋمەتتىك ٴوڭىر تۇرعىندارى مەن قارتتار داشۋەسىندەگىلەردىڭ دايىنداعان 14 مايدان رەت ٴبيى قاتىناستىرىلىپ، كورەرمەندەردىڭ قىزۋ قارسى الۋىنا بولەندى.

 

جاقىنعى جىلداردان بەرى اۋدانىمىزدىڭ ٴارقايسى الەۋمەتتىك وڭىر جانە اۋىل قالاشىقتارىندا بۇقارالىق قيمىل وزدىرۋ مايدانى قۇرىلۋىنا ىلەسە ٴتۇرلى قيمىلدارعا قاتىناساتىن قارتتار سانى كۇننەن كۇنگە مولايىپ، ولاردىڭ مادەني تۇرمىسىن ونان ارى بايىتتى. ٴارى اۋدانىمىزداعى ٴار ۇلت بۇقاراسىنىڭ اقاۋسىز تۇرمىس ادەتىن قالىپتاستىرىپ، كۇننەن كۇنگە العا باساتىن تاماشا رۋحتارىن ايگىلەدى.

 

ونەرپاز جاڭ چيىڭنان تىلشىگە بىلاي دەدى:« ٴار جىلعى 8-تامىز جالپى حالىقتىق دەنە شىنىقتىرۋ كۇنى قيمىلىن اتاپ وتەمىز. وسىنداي جاراسىمدى قوعامدا جالپى حالىق بۇقاراسى بىرلىكتە دەنە شىنىقتىرىپ، باياشاتتى تۇرمىس كەشىرۋى پارتيا مەن ۇكىمەتتىڭ قامقورلىعى بولماق».

 

شىڭگىل قالاشىق پارتكومىنىڭ ورىنباسار شۋجيى ەسبول تىلشىگە بىلاي دەدى:« بۇل جلعى قيمىلدى وزدىرۋ ارقىلى تىپتىدە كوپتەگەن ادامداردى جالپى حالىقتىق دەنە شىنىقتىرۋعا باۋراپ، اقاۋسىز، جاراسىمدى جانە كۇن سايىن العا باساتىن تاماشا ادەت قالىپتاستىرىپ، تۇرمىستى تىپتىدە ماعىنالى وتكىزۋعا باستاساق دەيمىز».

 

ٴتىلشىنىڭ قىزمەت ورنى: شىڭگىل اۋداندىق راديو-تەلەۆيزيا مەكەمەسى