جايلىمدى قورشاۋ قىزمەتىن جان- جاقتىلى كۇشەيتىپ، جايلىمنىڭ باياندى دامۋىنا كەپىلدىك ەتتى
كەلۋقاينارى: |جاۋاپتى رەداكتور: | جاڭالانعان ۋاقىت:2017-09-12 15:35:00

 

    ءتىلشىمىز تولقىن ايتان قىزى حابارلايدى: جايلىمدى قورشاۋ قىزمەتى ورىستەتىلگەلى بەرى، مۇڭعۇلكۇرە اۋدانى جۋىقتاعى جىلدان بەرگى ۇزدىكسىز قۇلشىنىس جاساۋ ارقىلى، تۇرلى شارالاردى بەلسەنە قولدانىپ، تۇتاس اۋداننىڭ جايلىمدى قورشاۋ قىزمەتىن تىڭ ارناعا كوتەرىپ، ەكولوگيا ءونىمدى قورعالىپ، جايلىمدى قورشاۋ قىزمەتىندە كورنەكتى ناتيجەگە قول جەتكىزدى.

 

ۇستەگى جىلى، مۇڭعۇلكۇرە اۋدانى ۇزىنبۇلاق اۋىلىنىڭ 45 مىڭ 570 مۋ جايلىمى قورشالىپ، مەملەكەتتىك جايلىم ەكولوگياسىن قورعاۋ نىسان ساياساتى بويىنشا، جايلىمدى قورشاۋ جاۋاپكەرلىك توقتامىنا قول قويعان مالشىلارعا بەلگىلەنگەن ولشەم بويىنشا ءار مۋىنا 50 يۋان جايلىمدى قورشاۋ قوسىمشا قاراجاتىن بەردى ءارى قورشاۋ راشەتكاسىن ورناتۋ، تىشقان ءولتىرىپ، شەگىرتكە تۇسۋىنىڭ الدىن- الۋ ، شارلاۋ، ساپالى ءشوپ ەگۋ سىندى شارا قولدانىپ، جايلىمنىڭ تۇياقكەستىلىگىنەن ءونىمدى ساقتاندى.

 

ۇزىنبۇلاق اۋىلى جايلىمدى باقىلاۋ قىزمەتكەرى ءومىربەك ءابدىكەرىم ۇلى بىلاي دەدى: ۇزىنبۇلاق اۋىلىندا جينى 45 مىڭ 600 گە جۋىق جايلىم بار، مۇنىڭ ىشىندە 2016- جىلى ۇزىنبۇلاق اۋىلى قالقاتى جايلاۋىنىڭ 45 مىڭ 570 مۋ جايلىمىن قورشاپ، جايلىم مەن مال تەپە- تەڭدىگىن ساقتاۋ قىزمەتىن ورىستەتىپ، جايلىم ەكولوگياسىنىڭ بۇزىلۋىنىڭ الدىن- الدى.

 

ۇزىنبۇلاق اۋىلى قالقاتى قىستاعىنىڭ تۇرعىنى داۋىتبەك التايبەك ۇلى تىلشىگە: مال سانىنىڭ ۇزدىكسىز ارتۋىمەن قوسا جايلىم اۋىستىرىپ مال جاياتىن رايون بولىنبەگەندىكتەن، جايلىم بارعان سايىن تۇياقكەستىلەنىپ كەتكەننىن، جايلىمدى قورشاۋ ساياساتى شىققاننان كەيىن، ءوزىنىڭ ءار جىلى36 مىڭ يۋان جايلىمدى قورشاۋ قوسىمشا قاراجاتىن الاتىنىن ءارى جايلىمنىڭ تۇياكەستى بولۋ جاعىدايى بىرتىندەپ وڭاىپ كەلە جاتقانىن، پارتيانىڭ جاقسى ساياساتىنىڭ ارقاسىندا تۇرمىسىمىزدا كۇن سايىن جاقسارىپ كەلە ايتتى.

 

قازىر مۇڭعۇلكۇرە اۋدانىندا 7 ميليون 369 مىڭ 500 مۋ جايلىم بار، 2016- جىلى مەملەكەتتىڭ جايلىم ەكولوگياسىن قورعاۋ نىسانى بويىنشا 700 مىڭ مۋ جايلىم قورشالىپ، مۇنىڭ ىشىندە سۋ قاينارىن قورعاۋ رايونىنداعى 500 مىڭ مۋ جايلىم مەن 200 مىڭ مال جايلاتىن جايلىم دا قامتىلىپ، قورشالعان جايلىمنىڭ ۇزىندىعى 230 كيلومەتىر بولىپ، جينى 44 ميليون 350 مىڭ يۋان قوسىمشا قاراجات تاراتىلىپ، بۇعان3385 وتباسى قامتىلىپ، جايلىمدى قورشاۋ قىزمەتى كورنەكتى ونىمدىلىككە قول جەتكىزىپ، حالىقتىڭ رازلىعىن الىپ، جايلىمدى قورشاۋ قىزمەتىنىڭ تاباندى ورىستەتىلۋىنە تاماشا نەگىز قالاپ، مۇڭعۇلكۇرە ەكولوگياسىنىڭ جاقسارۋىن جەبەپ، جايلىم ەكولوگيا ساپاسىن جوعارلاتىپ، جايلىم ەكولوگيا بايلىعىن اينالمالى پايدالانۋىن ىلگەرلەتتى.

 

مۇڭعۇلكۇرە اۋداندىق راديو- كينو- تەلەۆيزيا اقپارات تاراتۋ ورتالىعى