ەگىنشى، مالشىلاردى ءوزارا تاجىريبە ورتاقتاستىردى
كەلۋقاينارى: |جاۋاپتى رەداكتور: | جاڭالانعان ۋاقىت:2017-09-12 15:44:00

 

    ەرىكتى ءتىلشى سەرىك يمانقان ۇلى حابارلايدى: ەگىن، مال شارۋاشىلىق قىستاقتارىنىڭ ورتاق دامۋعا ۇمتىلىپ، كاسىپ كوزىن اشۋ، تىڭ كاسىپتىڭ نەگىزىن سالۋ، ەگىن شارۋاشىلىعى مەن باعىم شارۋاشىلىعىنىڭ ءوزارا ىرىس- جۇعسىن ارتتىرا ءتۇسۋ ءۇشىن، جاقىندا ياعىني قىركۇيەك ايىنىڭ باسىندا بۋرىلتوعاي اۋدانىنىڭ ءىرى مال شارۋاشىلىق قالاشىعىنىڭ تاڭبالى قىستاعىنداعى قىزمەت اترەتى كورشى اۋىل كوكاعاش اۋىلى جولتۇسكەن قىستاعىنداعى ادال ەڭبەك، اشتى تەرىمەن ەگىن شارۋاشىلىق جاعىنداعى مايتالمان ەگىنشى رىن شينيۋاندى تاڭبالى قىستاعىنا ارنايى شاقىردى، بۇل بىتەر ءىستىڭ باسىنا جاقسى كەلەر قاسىنا دەگەندەي بۇل يگىلىكتى شارۋانىڭ تەتىگىن ۇيرەنۋگە 30 تان استام مالشى قاۋىمى قاتىناستى.

 

قازاق ءتىلىن جاتتىق تا ىركىلمەي سويلەيتىن رىن شينيۋان قاراپايىم ۇعىنىقتى مازمۇنمەن، ءىس جۇزىندىككە جاناسىمدى تاسىلمەن تاڭبالى قىستاعىنداعى مالشىلارعا ەگىن شارۋاشىلىق داقىلدارىن ەگۋ تەحنيكاسىن، جەردى قالاي باپتاۋ، بازار اۋقىمىنا قالاي تۇجىرىم جاساۋ سياقتى ءبىر قىدىرۋ تەحنيكالاردى ەگجەي- تەگجەيلى ۇيرەتتى ءارى سالالى اتىز باستارىن ارالاپ جۇرىپ مالشىلارعا ءتۇرلى كوكونىس، داقىلداردىڭ ارتىقشىلىقتارىن، ەرەكشەلىكتەرىن ءبىر- بىرلەپ ءتۇسىندىرىپ، بار ىنتى—شىنتسىن سالىپ ۇيرەتىپ، مالشىلاردىڭ ىقىلاسىنا يە بولدى.

 

وسىدان كەيىن تاڭبالى قىستاعىنداعى قىزمەت اترەتى مال شارۋاشىلىق جاعىنداعى ىسكەردە كوزقاراقتى مالشىلاردى ءوندىرىس قىستاعىنا جىبەرىپ، باعىمشىلىق جاعىنداعى تاجىريبەلەرىن ۇيرەتكىزدى. وسىنداي ۇيرەنۋ تاسىلدەرى ارقىلى ءوندىرىس قىستاعى مەن مال شارۋاشىلىق قىستاعىنىڭ ءوزارا سەلبەسىپ دامۋىنداعى اياق السىن تەزدەتىپ، ەگىنشى، مالشىلاردىڭ بازار شارۋاشىلىعىنا قاراي ءار كاسىپتىك كوزىن اشۋعا جەبەدى.