التاي ايماعى كەدەيلىكتەن قامال الۋ شايقاسىن جۇرگىزۋدە
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-09-14 09:57:00

 

    ايقىنگۇل ايتىكەن قىزى حابارلايدى. وتانىمىزدىڭ ەڭ سولتۇستىك شەتىندەگى 118 مىڭ شارشى كيلومەترگە تاياۋ ولكەدە، التاي ايماعىنىڭ 1197 كيلومەتر كەلەتىن ءۇشى- قيىرسىز قارلى دالاسىندا، التايدىڭ ءورىسى مالعا، دلاسى دانگە تولعان سايىن ساحاراسىندا، ءبىر نەگىزگى ساتى پارتيا مۇشەسى ءبىر ورنىقتىلىقتى قورعايتىن جاۋىنگەر، ءبىر نەگىزگى ساتى ساقشىلىق ىستەر كەڭسەسى ءبىر قاراۋىل ورىنى، ءبىر نەگىزگى ساتى پارتيا ياچەيكاسى ءبىر نەگىزگى ساتى جاۋىنگەرلىك قامالى ىسپەتتى.


    التاي ايماعى شينجياڭداعى كەدەيلىكتەن قۇتىلاتىن ءتۇيىندى 8 ايماق- وبىلىستىڭ ءبىرى. 2015- جىلى التاي ايماعىندا مەملەكەت دارەجەلى ءتۇيىندى كەدەي اۋدان ەكەۋ، كەدەي قىستاق 76، ارحيۆ تۇرعىزىلعان كەدەي جان سانى 29 مىڭ 735 ادام بولىپ، كەدەيلىك اۋماعى كەڭ، كەدەيلىك دەڭگەيى تەرەڭ بولعان.


    قىستاق دارەجەلى پارتيا ۇيىمى قىستاقتاردىڭ كەدەيلىكتەن قامال الۋداعى "سۇيەمەلى" سياقتى.. كەدەيلىكتەن قامال الۋ قىزمەتىن باستاپ جۇرگىزگەندە، ساياسيلىعى جوعارى، نەگىزگى ساتى احۋالىنا قانىق، وي جەلىسى كەڭ اۋدان باسقارما دارەجەلى 76 كادىردى تالداپ، كەدەي قىستاقتارعا "ءبىرىنشى شۋجي" ەتىپ تاعايىنداپ، 380 ۇزدىك كادىردى قىستاقتارعا ءتۇسىرىپ، كەدەيلىكتەن قامال الۋ بەكىنىسىن ونان ارى بەكەمدەدى.


    بۋرىلتوعاي اۋدانى جەتارال قالاشىعى جەلمايا باعىمشىلىق ديحاندار كاسىپتىك سەلبەستىك كوپەراتيۆىنىڭ القا باستىعى نۇرلان قۇسىمان ۇلى: ءبىز قازىر كەدەي وتباسىلارىن شوعىرلاندىرىپ بازارعا بەت الۋ سىندى دامۋ ۇلگسىنەن پايدالانىپ وتىرمىز. سونىمەن بىرگە ارتىق ەڭبەككۇشتەردى باسقا كاسىپ سالاعا ويىستىرىپ كاسىپتەندىردىك،- دەدى.


    پارتيا ياچەيكاسىنىڭ باستاماشىلدىعىندا، كىشى- گىرىم، شاعىن ءوندىرىسپەن شۇعىلداناتىنداردىڭ باسىن قوسىپ، سەلبەسىپ تيجارات جۇرگىزۋ تاسىلىنەن پايدالانىپ، ۇيىمدىق جاقتان باسقارۋ مەن عىلىمي ىستەۋدى جۇزەگە اسىرىپ، بارلىق سەلبەستىك كوپەراتيۆ مۇشەلەرىن دالمە- دال كەدەيلىكتەن قۇتىلۋعا جەتەلەپ، كىرىسىن ارتتىرىپ، كەدەي وتباسىلارىنىڭ كەدەيلىك قالپاعىن الىپ تاستاپ، اۋقاتتانۋ جولىنا تۇسۋىنە جەبەۋشى بولدىق، -دەدى- جەمەنەي اۋدانى توستى اۋىلدىق پارتكومنىڭ شۋجيى سۇڭ دۇڭچاڭ.


    كەدەيلىكتەن قۇتىلۋدان قامال الۋدا ءبىر پارمەندى كوشباسشى قوسىن بولعاندا قانا كەدەي بۇقارا اۋقاتتانۋدان ءۇمىت كۇتە الادى ءارى كەدەيلىك قالپاعىن الىپ تاستاۋ جولىندا قۇلشىنادى،- دەدى التاي ايماقتىق پارتكوم ۇيىمداستىرۋ ءبولىمىنىڭ ورىنباسار باستىعى پىڭ كاڭ.


    ۇعىسۋعا قاراعاندا، 2016- جىل سوڭىنا دەيىن، التاي ايماعىندا جالپى جيىنى 20 مىڭ 644 ادام كەدەيلىكتەن قۇتىلىپ، كەدەيلىكتەن قۇتىلۋ مولشەرى ٪69.4 بولعان. 49 كەدەي قىستاق پەن شىڭگىل اۋدانى ءساتتى تۇردە كەدەيلىكتەن قۇتىلعان.