التاي قالاسى توسىننان تۋىلعان ۋاقيعالارعا توتەپ بەرۋ جاتتىعۋىن وتكىزدى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-09-14 09:58:00

 

    ايقىنگۇل ايتىكەن قىزى مەن گۇلسارا حابارلايدى. ماۋسىمنىڭ 30- كۇنى، التاي قالالىق قاتىناس- تاسىمال مەكەمەسى، التاي قالالىق قاتىناس- ساقشى ۇلكەن اترەتى، التاي قالالىق قوعام حاۋىپسىزدىگى ءورت ءوشىرۋ ۇلكەن اترەتى جانە التاي قالالىق حالىق شيپاحاناسى قاتارلى ورىندار بىرلەسىپ، توسىننان تۋىلعان ۋاقيعالارعا توتەپ بەرۋ جاتتىعۋىن وتكىزدى.


    تۇستەن بۇرىن، ساعات 12 جارىمدا، وڭتۇستىك قالا رايونىندا جاتتىعۋ رەسىمي باستالدى. ۇقساتىپ جاسالعان جاتتىعۋ مايدانىندا، ادام تولى كوشە اۆتوبوزى ءجۇرىپ بارا جاتقاندا، كەنەت اۆتوبوز ىشىنەن قويۋ تۇتىن بۋداقتاپ، جولاۋشىلار ابىر- سابىر كۇيگە تۇسەدى. كوشە اۆتوبوزى شوفەرىنىڭ قايتا- قايتا ەسكەرتۋىندە جولاۋشىلار ءۇش مينوتقا جەتپەيتىن ۋاقيعا تۋىلعان ورىننان حاۋىپسىز، رەتتى بىتىرايدى. ءورت ءوشىرۋشى كاماندير-جاۋىنگەرلەر، 120 شۇعىل قۇتقارۋ قىزمەتكەرلەرى مەن قاتىناس ساقشىلارى دەر كەزىندە ناق مايدانعا جەتىپ قۇتقارۋ قىزمەتىنە قاتىناسادى. ساعات بىردە، ءبىر كىرە اۆتوكولىگىنە توسىننان ءورت كەتەدى. ءورت كەتكەنىن كورگەن ەندى ءبىر كىرە اۆتوكولىك شوفەرى دەرەۋ كەلىپ شۇعىل جاعدايعا جولىققاندا توتەپ بەرەتىن ءادىس- شارالاردى قولدانادى. توك جولدارىن ۇزىپ، جولاۋشىلاردى تاراتىپ، ساقشىعا مالىمدەدى، ونانسوڭ ىلە- شالا ءورت ءوشىرۋ جابدىعىن الىپ تۇتىن بۋداقتاعان كىرە كولىگىنە شاشتى. بىرنەشە مينوتتان كەيىن، تۇتىن بۋداقتاعان موتور قالىپقا ءتۇسىپ، قاتەر دەر كەزىندە الاستالدى.


    كىرە كولىك شوفەرى فىڭ گىنشان: بۇل رەتكى جاتتىعۋ ارقىلى ءبىز كوپتەگەن ءورت وشىرۋگە قاتىستى بىلىمدەرگە يە بولدىم. بۇدان كەيىن ءورت اپاتى تۋىلسا قالاي توتەپ بەرۋ جانە مال- مۇلىك شىعىنىن قايتكەندە ەڭ تومەنگى شەككە ءتۇسىرۋ كەرەك ەكەنىن ءتۇسىندىم. قايتىپ بارعاننان كەيىن سەرىكتەستىگىمىزدەگى باسقا شٶفەر جولداستارعا دا ۇگىتشى بولىپ، ولاردىڭ ورتتەن ساقتانۋ تانىمىن جوعارىلاتۋىنا كومەكتەسەمىن،- دەدى.


    جاتتىعۋ اياقتاعاننان كەيىن، جۇڭگو حاۋىپسىزدىك، اماندىق تاربيە تورابى شينجياڭ بەكەتىنىڭ وقىتۋشىسى ناق مايداندا ورتتەن ساقتانۋ اسپابىن قالاي دۇرىس پايدالانۋ ادىسىن ۇيرەتتى.


    التاي قالالىق قاتىناس- تاسىمال مەكەمەسى جولاۋشى تاسىمالىن باسقارۋ كەڭسەسىنىڭ مەڭگەرۋشىسى ۋاڭ حۋانميىن: بارلىق كىرە اۆتوكولىك شوفەرلارى مەن كوشە اۆتوبوزى شوفەرلارىنىڭ ورتتەن ساقتانۋ تانىمىن جوعارىلاتۋ ماقساتىندا بۇل رەتكى قيمىلدى ورىستەتتىك ءارى باسقارۋ تاراۋلارى مەن سەرىكتەستىكتەرگە جاۋاپتى ادامداردىڭ ءورت اپاتى تۋىلعان جاعدايداعى ۇيلەسۋ قۋاتى مەن ءبىر جايلى ەتۋ قۋاتىن جوعارىلاتتىق،- دەدى.