التاي قالاسى 1400 شارشى مەتر جەردەگى بەلگىلەمەگە قايشى سالىنعان قۇرىلىستاردى شاقتى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-09-14 10:01:00


    ەرىكتى ءتىلشى ەركىبەك مادەن ۇلى مەن ءمارۋا حابارلايدى. ءبىر ايدان بەرى، التاي قالاسى " 100 كۇندىك بەلگىلەمەگە قايشى سالىنعان قۇرىلىستارعا سوققى بەرۋ، وڭاۋ، شاعۋ" ارناۋلى وڭاۋ قيمىلىن جۇرگىزدى.


    ايماقتىق قازىنالىق باقىلاۋ مەكەمەسى سەميالىقتار اۋلاسىنداعى 300 شارشى مەتر كەلەتىن جەرگە كۋالىكسىز 19 ءۇي سالىنان بولاتىن، ەكى كۇننەن بەرى، قاتىستى قىزمەتكەرلەر وسى ۇيلەردى شاعا باستادى.

    التاي قالالىق اكىمشىلىك زاڭ اتقارۋ مەكەمەسى ازات جولى بولىمشەسىنىڭ باستىعى بولات: مىنا بەلگىلەمەگە قايشى سالىنعان ۇيلەردى بۇزىپ، وسى اۋلاداعى تۇرعىندارعا تاماشا ورتا جاراتپاقپىز،- دەدى.


    ۇعىسۋعا قاراعاندا، وسى رەتكى شوعىرلى وڭاۋ قيمىلىندا التاي قالاسىنىڭ قالا ورتالىعىنداعى كونە لاشىق رايونداردى وڭاۋ، الدىمەن جاتاعان ۇيلەردى ونان سوڭ توبەسىنە سالىنعان ۇيلەردى شاعۋ ءتارتىبى بويىنشا، التاي قالاسى التىنتاۋ، مادەنيەت، ازات، ىنتىماق جولدارىنداعى كونە لاشىق رايوندارىنداعى جاتاعان ۇيلەر مەن بينالاردىڭ اراسىنا، توبەسىنە سالىنعان ۇيلەردى شاعادى.


    قالا تۇرعىنى جۋ لىنيان: تۇرعىندار رايونىنداعى بەلگىلەمەگە قايشى سالىنعان ۇيلەر شاعىلاتىن بولسا، ءبىر جاعىنان قالا ورتاسى رەتكە تۇسەدى، تازالىعى دا جاقسارادى، ەندى ءبىر جاعىنان تۇرعىندارعا دا قولايلى بولادى، مەن بۇل ساياساتتى قولدايمىن،- دەدى.


    ارناۋلى وڭاۋ قىزمەتىن ويداعىداي ورىستەتۋمەن قاتار، التاي قالاسى ىركەس- تىركەس ەكى رەت ۇقتىرۋ شىعاردى، بۇل بەلگىلەمە 19- ماۋسىمنان باستاپ اتقارىلدى.


    التاي قالالىق اكىمشىلىك زاڭ اتقارۋ مەكەمەسى شاشۋ جولى بولىمشەسىنىڭ باستىعى ەكپىن: زاڭدى ۇيلەر مەن قۇرىلىستارعا، قاتىستى ورىندار ولشەپ، انىقتاپ بولعاننان كەيىن تولەم بەرىلەدى، ال زاڭسىز سالىنعان ۇيلەردى قاتىستى بەلگىلەمەلەر بويىنشا ءبىر تۇتاس شاعامىز، ال كوكونىس ەگىلەتىن كەي جەرلەردى قايتارىپ العاننان كەيىن، قاتىستى تولەم بەرەمىز. بۇنداعى ماقسات- قالا تۇرعىندارىنا كەڭ دە كوڭىلدى تۇرمىس ورتاسىن جاراتۋ،- دەدى.


    29- ماۋسىمعا دەيىن، التاي قالاسىندا 1400 شارشى مەتر كەلەتىن جەردەگى بەلگىلەمەگە قايشى سالىنعان قۇرىلىستار، 380 مەتر كەلەتىن داۋال شاعىلىپ بولعان.


    التاي قالالىق اكىمىشىلىك زاڭ اتقارۋ مەكەمەسىنىڭ باستىعى ەرزات: وسى رەتكى 100 كۇندىك قيمىلدا نەگىزىنەن الەۋمەتتىك اۋماقتارداعى بەلگىلەمەگە قايشى سالىنعان قۇرىلىستاردى ءبىر تۇتاس شاعىپ، قالا تۇرعىندارىنا قولايلى دا تىنىش تاماشا تۇرمىس ورتاسىن جاراتپاقپىز،- دەدى.