التاي ايماعىءىرى بالىقتاردى جەتىلدىرىپ ايدىنعا قويا بەرۋ مولشەرىن 1000 تونناعا جەتكىزبەك
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-09-14 10:04:00


    ەركىنبەك مادەن ۇلى حابارلايدى. جۋىرداعى كۇندەردەن بەرى، بۋرىلتوعاي اۋدانىنىڭ جىلى كول توسپاسىندا، جەتىلدىرىلگەن بالىقتار ايدىنعا قويا بەرىلۋدە.


    ۇعىسۋعا قاراعاندا، "سۋ ورگانيزىمدەرىن جەتىلدىرىپ، جاسىل دامۋدى ىلگەرلەتۋدى" باس تاقىرىپ ەتكەن ايماعىمىزدىڭ وسى رەتكى بالىقتاردى جەتىلدىرىپ ايدىنعا قويا بەرۋ قيمىلى، كول ورگانيزىمدەرىنىڭ الۋان تۇرلىلىگىن ىسكە اسىرىپ، كول ەكولوگيالىق ورتاسىن قايتا قۇرۋدى دارىپتەپتى.


    بۋرىلتوعاي اۋداندىق سۋ ونىمدەرى شەكتەۋلى جاۋاپكەرلىك سەرىكتەستىگىنىڭ باس ديرەكتورى جاۋ شۇيتاۋ تىلشىگە: قازىر تابيعي سۋ ايدىندارىنان بالىق اۋلاۋعا تيىم سالۋ مەزگىلى، بۇل ءبىزدىڭ وسى جولى جەتىلدىرىپ ايدىنعا قويا بەرگەن بالىقتارىمىزدىڭ ءبىر مەزەت جاڭا ورتاعا ۇيلەسۋىنە جاقسى شارت- جاعداي ازىرلەدى. بىرنەشە جىلدان بەرگى جەتىلدىرىپ ايدىنعا قويا بەرۋ قىزمەتىنىڭ ارقاسىندا، كول ايدىنىنداعى بالىقتاردىڭ ءتۇرى دە ساپاسى دا ەسەلەپ ارتتى. بۇدان كەيىن دە بۇل قىزمەتتى جالعاستى جاقسى ىستەۋگە كۇش سالامىز،- دەدى.


    التاي ايماقتىق سۋ ونىمدەرى مەكەمەسىنىڭ ورىنباسار باستىعى جۋ شينيىڭ: 2017- جىلى ايماعىمىز بويىنشا، ەكونوميكالىق قۇنى جوعارى يت بالىق، تابان بالىق، الابۇعا قاتارلى جەرلىك بالىقتان جيىنى160 مىڭ بالىقتى ايدىنعا قويا بەرۋدى جوسپارعا العان بولاتنبىز، بۇنداعى ماقسات سۋ ورگانىيزىمدەرى بايلىق قاينارىن مولايتۋ جانە ولاردى قورعاۋ، سونىمەن بىرگە قوعامداعى ءار سالا قايراتكەرلەرىنىڭ دە ەكولوگيالىق ورتانى قورعاۋ تانىمىدارىن كۇشەيتىپ، ادام مەن تابيعاتتىڭ جاراسىمدى دامۋىن كۇشەيتۋ بولىپ تابىلادى،- دەدى.