التاي ايماعىنداعى قوس ءتىل وقىتۋشىلارىنىڭ جازدىق دەمالىستاعى مەملەكەت ءتىلىن ۇيرەنۋ كۇرىستەرى ساباق باستادى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-09-14 10:05:00

 

    ەركىنبەك مادەن ۇلى مەن ءمارۋا ونەرقان قىزى حابارلايدى. وقۋشىلاردىڭ جازدىق دەمالىسقا تاراۋى بايلانىسىمەن، التاي ايماعىنداعى قوس ءتىل وقىتۋشىلارىنىڭ مەملەكەت ءتىلىن ۇيرەنۋ كۇرىستەرى ارت- ارتىنان ساباق باستادى.


    4-شىلدە كۇنى، التاي قالاسىنىڭ قوس ءتىل وقىتۋشىلارىنىڭ مەملەكەت ءتىلىن ۇيرەنۋ كۇرىسى دە ساباق باستادى، قالا بويىنشا 246 وقىتۋشى وسى جولعى كۇرىسكە قاتىناستى.


    التاي قالاسى قاندىعاتى مۇڭعىل ۇلتتىق اۋىلى جاتاقتى مەكتەبىنىڭ وقىتۋشىسى گۇلناز: التاي قالالىق وقۋ-اعارتۋ مەكەمەسىنىڭ ۇيىمداستىرۋىمەن اشىلعان وسى جولعى قوس ءتىل ۇيرەنۋ كۇرىسى، ءبىز سەكىلدى قوس ءتىل مۇعالىمدەرىنىڭ وقىتۋ ونەرىن ۇشتاپ، مەملەكەت ءتىلى قابىلەتتەرىن وسىرۋىنە جاقسى وراي بولدى، وڭاي- وسپاق قولعا كەلمەيتىن وسىنداي ورايدى مىقتى ۇستاپ، قۇلشىنا ۇيرەنىپ، مەملەكەت ءتىلى ورەمدى ءوسىرىپ، وقۋشىلارعا ۇشان – تەڭىز ءبىلىم بەرۋگە قۇلشىنامىن،- دەدى.


    التاي قالالىق وقۋ-اعارتۋ مەكەمەسىنىڭ ورىنباسار باستىعى سۇن لييە: وسى جولعى كۇرسىنى ۇيىمداستىرىپ اشۋداعى ماقسات: بىرىنشىدەن، وقۋ- اعارتۋ مينيسترلىگىنىڭ، اۆتونوميالى رايونىمىزدىڭ قوس ءتىل اعارتۋىن ىلگەرلەتۋگە ساياتىن قاتىستى حۇجاتتارىنىڭ رۋحىن تياناقتاندىرۋ؛ ەكىنشىدەن، 2020- جىلدان بۇرىن قوس ءتىل وقىتۋشىلارىنىڭ مەملەكەت تىلىندە ساباق بەرۋىن بىرتىندەپ ىلگەرلەتۋ؛ ۇشىنشىدەن، قوسءتىل وقىتۋشىلارىنىڭ ورتاق جازۋدى تانۋ، وقۋ، قولدانۋ قابىلەتىن جوعارلاتىپ، كاسىپتىك ورەلەرىن ءوسىرۋ، ءار ۇلت وقىتۋشىلارى اراسىنداعى ءتىل تابىسۋدى، تاجىريبە الماستىرۋدى كۇشەيتۋ بولىپ تابىلادى،- دەدى.