حالىق تۇرمىسىن ارقاۋ ەتىپ، قالا قۇرىلىسىن جالپى بەتتىك ىلگەرىلەتتى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-09-14 10:06:00


    نۇرشات قابىلقان قىزى حابارلايدى. بيىل، بۋىرشىن اۋدانى تۇرعىندار ورتاسىن جاقسارتىپ، وڭىرلىك قۇرىلىس ەرەكشەلىگىن كورنەكتىلەندىرىپ، قالانىڭ ماركاسىن جوعارىلاتىپ، قاناس جولى، سىرلىكول جولى، قازانكول جولى سىندى 3 كوشە جولىنداعى ەسكى عيماراتتاردى كەمەلدەندىرىپ، قالاشىقتى وسىزماندانعان، اناعۇرلىم كوركەم بەينەگە ەندىردى.


    5- شىلدە كۇنى، ءتىلشى قاناس جولىنا بارعاندا جۇمىسكەرلەردىڭ كوشە بويلارىنداعى كونە عيماراتتارعا جاباعى جاپسىرىپ جاتقانىن كوردى. بۇل كونە عيماراتتاردى كەمەلدەندىرۋ اۋداندىق حالىق ۇكىمەتىنىڭ قارجى شىعارىپ، قوعامنان قارجى توپتاپ، اۋدان قازىاسىنان قارجى شىعارىپ، بۇرىنعى كومىركەن ەمحاناسى، ياڭگۋاڭ رەستۇراتىنىن، ەگىن- مال شارۋاشىلىعى، ورمان شارۋاشىلىعى كەڭسە عيماراتىن، قاناس رەستۇرانىن، حالىق بانكەسى كەڭسە عيماراتىن، پوچتا تەلەگفراپ كەڭسە عيماراتىن، ونەركاسىپ- ساۋدانى اكىمشىلىك جاقتان باسقارۋ مەكەمەسىنىڭ كەڭسە عيماراتى سياقتى 25 عيماراتتى، الەۋمەتتىك قارجى توپتاۋ قازانكول قوناقجايى جانە كايلۇڭ رەستۇرانى، ەكى نىسانىن 63 مىڭ 466 شارشى مەترلىك اۋماقتى كەمەلدەندىردى. بۇعان جۇمسالعان قارجى 29 ميلليون 300 يۋانعا جەتتى. كونە عيماراتتاردى كەمەلدەندىرۋدە نەگىزىنەن جاباعى جاپسىرۋ، ەۆروپا ۇلگىسىندە اشەكەيلەۋ، قابىرعالارىن جەلىمدەۋ، سبس سۋدان ساقتانۋ جۇيەسىن ورناتتى.


    اۋداندىق قالا قۇرىلىسىن باسقارۋ، تەكسەرۋ ۇلكەن اترەتىنىڭ باستىعى جاۋ فىڭچىڭ بىلاي دەدى: 2017- جىلى اۋداندىق پارتكوم مەن حالىق ۇكىمەتى اۋدان قالاشىعىنداعى 3 كوشە رايونىن كەمەلدەندىرۋدى تۇراقتاندىردى. مۇنداعى ماقسات اۋدان قالاشىعى رايونىنداعى تۇرعىندار عيماراتىندا جاباعى جاپسىرىلماعان عيماراتتارعا جاباعى جاپسىرۋ، وسى ارقىلى جىلۋمەن قامداۋ ارقىلى بۇقاراعا جىلى دا جانعا جايلى ورتا جاراتۋ.


    بۋىرشىن اۋدانى « جىلۋ جەتكىزۋ » قۇرىلىسىن جۇرگىزگەن ەكى جىلدان بەرى ءتۇرلى جاقتان 60 ميلليون يۋان قارجى توپتاپ، قالاشىق رايونىنداعى كولەمى 410 مىڭ شارشى مەترلىك 120 نەشە كونە تۇرعىندار عيماراتىندا ەنەرگيا ۇنەمدەيتىن قۇرىلعى ورناتىپ، كەمەلدەندىردى. كوز الدا، اۋدان قالاشىعى رايونىنداعى بارلىق تۇرعىندار عيماراتى جىلۋ ساقتايتىن جانە سىرتقى ورتاسىنىڭ دارەجەسى كورنەكتى جوعارىلادى.

بۋىرشىن اۋداندىق راديو- تەلەۆيزور مەكەمەسى