ءار ۇلت جۇرتشىلىعى ءۇشىن اناعۇرلىم ساپالى دا قولايلى قىزمەت وتەدى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-09-14 10:21:00

 

    بيىل اۋدانىمىز ەمدەۋ-داۋالاۋ، دەنساۋلىق ساقتاۋ نەگىزدىك قۇرىلعىلار قۇرىلىسىن كۇش سالا ىلگەرلەتىپ، جۇرتشىلىقتىڭ ەمدەۋ ورتاسىن بەلسەنە كەمەلدەندىرىپ، نەگىزگى ساتىداعى ەمدەۋ-داۋالاۋعا قىزمەت وتەۋ قابىلەتىن جوعارلاتىپ، ءار ۇلت جۇرتشىلىعى ءۇشىن اناعۇرلىم ساپالى دا قولايلى قىزمەت وتەدى.


    تاياۋ كۇندەرى، تىلشىلىك ىستەۋ بارىسىندا، قورقىس قالاشىعىنىڭ ەمدەۋ-داۋالاۋ ورنى ولشەمدەندىرۋ قۇرىلىس نىساننىڭ ناق مايدانىنان قۇرىلىسشىلاردىڭ ۇستەمەلەپ جۇمىس ىستەپ جاتقاندىعىن كوردىك.


    قورقىس قالاشىعى دەنساۋلىق ساقتاۋ ورنى ولشەمدەندىرۋ قۇرىلىس نىساننىڭ قۇرىلىس سالۋعا جاۋاپتىسى لي چيفاڭ: نەگىزدىك توسەنىش قاباتىن سالىپ بولعان سوڭ، قايتا تەگىستەيمىز، قۇرىلىس سالۋ جوباسىنىڭ كەستەسى بويىنشا، ساپا وتكەلىن مىقتى ۇستاپ، قۇرىلستى ۋاعىندا ورىنداپ بولۋعا كۇش سالامىز،-دەدى.


    قورقىس قالاشىعى دەنساۋلىق ساقتاۋ ورنىنىڭ ولشەمدەندىرۋ قۇرىلىس نىسانى بيىل 1-ماۋسىمنان باستاپ قۇرىلىس باستاعان، قۇرىلستىڭ يەلەگەن جەر اۋماعى 1577 شارشى مەتر، نىسانعا 3 ميلليون 900مىڭ يۋان قارجى قوسىلعان، مەجەمەن، قىركۇيەك ايىندا سالىنىپ بولادى، قۇرىلىس سالىنىپ بولىپ، پايدالانۋعا بەرىلگەن سوڭ، جەرگىلىكتى ورىنداعى بۇقارانىڭ ەمدەلۋ ورتاسى مەن قاجەتىن بارىنشا كەمەلدەندىرەدى.


    قورقىس قالاشىعى ەمدەۋ-داۋالاۋ ورنى پارتيا ياشەيكاسىنىڭ شۋجيى چىن جيان: كەڭسە عيماراتى سالىنىپ بولعان سوڭ، ەمدەۋ-داۋالاۋ ورنىنىڭ ءار قايسى ۋنيۆەرسال ءبولىمى تۇگەلدەي وسى عيماراتقا كوشىپ كەلەدى، ءارى وسى ارادا دەنساۋلىق تەكسەرتەدى، مۇنان سىرت، ناۋقاستار بولمەسى قۇرىلىپ، جەرگىلىكتى ورىنداعى بۇقارانىڭ جاقىن جەردەن ناۋقاس كورسەتۋ، شيپاحاناعا جاتۋىنا قولايلى بولادى،-دەدى.


    داچۋان اۋىلى شاۋفاڭجۋاڭزى قىستاعىنىڭ ەمدەۋ-داۋالاۋ بولمەسى كەڭ ءارى جارىق، تازا دا رەتتى، ءتۇرلى قۇرىلعىلارى تولىق، شارۋالار ناۋقاستانسا، وسى اراعا كەلىپ، ناۋقاس كورسەتىپ، ءدارى الىپ، ەمدلەدى، بۇعان قىستاق تۇرعىنى شاۋ ليڭلي ىشتەي قاتتى قۋاندى.


    داچۋان اۋىلى شاۋفاڭجۋاڭزى قىستاعىنىڭ ديقانى شاۋ ليڭلي: قىستاعىمىزدان ەمدەۋ-داۋالاۋ بولمەسى اشىلىپ، تازالىعى دا، شيپاگەرلەردىڭ قىزمەت وتەۋ پوزيتسياسى دا جاقسى، ادەتتە، تۇماۋراتىپ قالساق وسى اراعا كەلىپ، ءدارى الامىز، ۋكىل سالدىرامىز، بۇعان ازعانتاي اقشا جۇمسايمىز، ءارى قولايلى، ءارى ارزان،-دەدى.


    كەزەكتە، داچۋان اۋىلىنداعى 13قىستاقتىڭ بارلىعىندا 60شارشى مەترلىكتەن ارتىق كەلەتىن ەمدەۋ-داۋالاۋ بولمەسى بار، ءدارىحانا، دياگنوز قويۋ، اسپا ۋكىل سالدىرۋ، ءدارى جاساۋ بولمەلەرى تۇگەلدەي دايىن، ءارى سالماق ولشەگىش، كومپيۋتەر قاتارلى ەمدەۋ-داۋالاۋ قۇرىلعى جابدىقتارى سايكەستىرىلگەن.


    داچۋان اۋىلى شاۋفاڭجۋاڭزى قىستاعىنىڭ قىستاق شيپاگەرى ياڭ يانبين: بۇرىنعىداي پەشكە وت جاقپايدى، قىستا سۋىق، جازدا ىستىق ەمەس، قازىر توپىراق ءۇي بولسا، تەرەزەسى كەڭ ءارى جارىق، مۇنداي تاماشا ورتادا قىزمەت ىستەسەڭ، راحاتتانىپ قالاسىڭ، وسىنداي تاماشا ورتا بۇقارا ءۇشىن ءتىپتى دە جاقسى قىزمەت وتەگەندىك سانالادى،-دەدى.


    ۇعىسۋعا قاراعاندا، قازىرگە دەيىن، اۋدانىمىزدا اۋىل، قالاشىق ەمدەۋ-داۋالاۋ ورنىنان 16سى بار بولىپ، مۇنىڭ ىشىندە، قۇرىلسىتىڭ اۋماعى ولشەمگە جەتكەن اۋىل، قالاشىقتارداعى ەمدەۋ-داۋالاۋ ورنىنان 8ى بار، بيىل ەمدەۋ-داۋالاۋ ورنىنان 4ىن جاڭادان سالادى، جالعاستى سالىناتىنداردان 4ى، سالىنۋعا ءتيىستى ەمدەۋ-داۋالاۋ بولمەسىنەن 229ى، مۇنىڭ ىشىندە، قۇرىلىس اۋماعى ولشەمگە جەتكەندەردەن 135ى بار، بيىل تاعى 33ىن جاڭادان سالادى ەكەن.


ساۋان اۋداندىق مادەنيەت، دەنە-تاربيە، راديو-كينو-تەلەۆيزيا مەكەمەسىنەن: ساۋلە كەنجەبەك قىزى