ماتىنبەك مەيىرباندىق قوعامى باتىل ءۇن قاتىپ، ايقىن پوزيتسيا ءبىلدىرىپ، ءار ۇلت تۇرعىندارىن ۇلتتار ىنتىماعىن قورعاۋشىلاردان بولۋعا باستادى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-09-14 10:24:00


    ۇسىنىس ەتىلگەن ءتىلشى مۇقامادي ءشارىپ ۇلى حابارلايدى. جاقىندا، 50 گە جۋىق ىزگى نيەتتى جان كوكتوعاي اۋدانىنداعى ماتىنبەك مەيىرباندىق قوعامىنىڭ قيمىل ورتالىعىندا باس قوسىپ، جىلۋ اتاپ، مەيىرباعىشتاۋ سياقتى فورمالار ارقىلى 15 تۇرمىسىندا قيىنشىلىعى بار پارتيا مۇشەسى مەن تۇرعىندارعا، وقۋشىلارعا 4500 يۋان حال سۇراۋ قاراجاتىن بەرىپ، ماتىنبەك مەيىرباندىق قوعامى قۇرىلعاندىعىنىڭ 4 جىلدىعىن قىزۋ قۇتتىقتادى ءارى باتىل ءۇن قاتىپ، ايقىن پوزيتسيا ءبىلدىرىپ، ءار ۇلت تۇرعىندارىن ۇلتتار ىنتىماعىن قورعاۋشىلاردان بولۋعا باستادى.


    باجى سالاسىنان دەمالىسقا شىققان كادر ماتىنبەك قۇرعان مەيىرباندىق قوعامى قازىرگە دەيىن، 100 مىڭ يۋانعا جۋىق قايىرىمدىلىق قورىن جيناپ، ىلگەرىندى-كەيىندى 100 گە جۋىق تۇرمىسىندا قيىنشىلىعى بار بۇقاراعا كومەكتەسىپ، تۇرمىسىندا قيىنشىلىعى بار 10 وقۋشىنىڭ داشۋەدەن وقۋ ارمانىن جۇزەگە اسىردى.


    قيمىل بارىسىندا مەيىرباندىق قوعامىنىڭ مۇشەلەرى باتىل ءۇن قاتىپ، ايقىن پوزيتسيا ءبىلدىرىپ، كەرمە تۋعا قول قويۋ قيمىلىن ورىستەتتى. ولار بۇدان كەيىن تۇرمىستا، قىزمەتتە بولسىن، قوعامدىق بورىشتارىن ادا ەتىپ، وتان تۇتاستىعى مەن ۇلتتار ىنتىماعىن قورعاپ، پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، اۋدانىمىزدىڭ كوركەم بولاشاعىن جاراتۋعا ورتاق قۇلشىناتىندىقتارىن ءبىلدىرسىتى.


    اۆتونوميالى رايوندىق ۇلتتار ىنتىماعىنىڭ ۇلگىسى حۋو يچيڭ: سۇيىسپەنشىلىك ۇلىتقا بولىنبەيدى، كوپشىلىككە ۇلتتار ىنتىماعىنىڭ ۇلى كۇش ەكەندىگىن جەتكىزۋمەن بىرگە، اۋدانىمىزداعى ءار ۇلت كادرلارى مەن جاسوسپىرىمدەردى ۇلتتاردىڭ ۇلى ىنتىماعى، ءار ۇلت تۇرعىندارىنىڭ باقىتتى تۇرمىسى ءۇشىن، تىعىز بەرەكە بىرلىكتە بولىپ، جابال اتتانىسقا كەلىپ، ءاربىر ۇلتتىڭ وتان تۇتاستىعىن، ۇلتتار ىنتىماعىن كوزقاراشىعىنداي قورعايتىن تاڭداۋلى داستۇردى جالعاستىرۋعا ۇندەدىك،-دەدى.


    2013-جىلى ماۋسىم ايىندا، ماتىنبەك 20 مىڭ يۋان قاراجات شىعارىپ، قۋەرتىس قالاشىعى سەرجان باتىس داڭعىلىندا ءوزى باس بولىپ، تۇرمىسىندا قيىنشىلىعى بار وقۋشىلارمەن ءالسىز توپتارعا، كاسىپ كوزىن اشپاقشى بولعان جەلەكتىلەرگە كومەكتەسۋدى ماقسات ەتكەن ماتىنبەك مەيىرباندىق قوعامىن قۇرىپ، قازىر بۇل قورقوعامى اۋدانداعى قايىرىمدىلىق قور ۇيىمىنا اينالدى. 2014-جىلى ماتىنبەك مەمىلەكەتتىك ۇلتتار ىنتىماعىنداعى ۇلگىلى جەكە بولىپ، استانامىز بەيجيڭدە مەمىلەكەت باسشىلارىنىڭ قابىلداۋىندا بولدى.


    ماتىنبەك مەيىرباندىق قوعامىنىڭ باستىعى ماتىنبەك مۇراتقان ۇلى: پارتيامىزدىڭ حالىققا ءتيىمدى ساياساتتارى مەن ۇلتتار ىنتىماعىنا قاتىستى ساياساتتارىن بارلىق وتباسىلارىنا، ەڭ الىستاعى وتباسىلارىنا دەيىن جەتكىزدىك. ۇلتتار ىنتىماعى، قوعام ورنىقتىلىعى مەن ۇزاق ۋاقىتتىق تىنىشتىعى ءۇشىن باس نىسانانى تىعىز توڭىرەكتەي وتىرىپ، قايىرىمدىلىق ىستەرى مەن ۇگىت قىزمەتىن جاقسى ىستەۋگە كۇش سالامىز. بۇدان كەيىن بۇقارا اراسىنا بارىپ، جالعاستى ۇگىت جۇرگىزىپ، ۇگىت ۇيىرمەمىزدىڭ رولىن تولىق ساۋلەلەندىرىپ، پارتيا 19-قۇرىلتايىنىڭ اشىلۋىن قىزۋ قارسى الامىز،-دەدى.

كوكتوعاي اۋداندىق راديو-تەلەۆيزيا مەكەمەسىنەن