ورتا-باستاۋىش مەكتەپ وقىتۋشى-قىزمەتكەرلەرى ارناۋلى تاقىرىپتىق تاربيە كۋرىسىنا قاتىناستى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-09-14 10:25:00

 

    ۇسىنىس ەتىلگەن ءتىلشى مۇقامادي ءشارىپ ۇلى حابارلايدى. كوكتوعاي اۋداندىق وقۋ-اعارتۋ مەكەمەسى جاقىندا، ارناۋلى تاقىرىپتىق تاربيە كۋرىسىن اشىپ، ورتالىقتىڭ «ەلىمىزدەگى جوعارى مەكتەپتەردىڭ يدەيا-ساياسي قىزمەت جيىنى»، اۆتونوميالى رايوننىڭ «جوعارى مەكتەپتەردىڭ يدەيا-ساياسي قىزمەت جيىنى» مەن ايماقىتڭ «مەكتەپتەردىڭ يدەيا-ساياسي قىزمەت جيىنىنىڭ»رۋحىن اناعۇرلىم دايەكتىلەندىرىپ، وقىتۋشىلاردىڭ ءمورال، ءىستىل قۇرىلىسىن ۇزدىكسىز كۇشەيتتى.


    كۋرىستا، اۋداندىق قوعام قاۋىپسىزدىك مەكەمەسى، بىرلىكساپ ءبولىمى، توراپ قاۋىپسىزدىگىن باقىلاپ-باسقارۋ كەڭسەسى، ۇلتتار ىنتىماعى كەڭسەسى، قىزىل كىرەسىت قوعامى قاتارلى ورىندارداعى تىرەكتى كادرلار ساباق سويلەۋگە ۇسىنىس ەتىلىپ، اۋدانعا توتە قاراستى ءارقايسى مەكتەپ، بالالار باقشاسى، وقۋ-اعارتۋ مەكەمەسى ورگانىنداعى 600 وقىتۋشى قىزمەتكەرگە «شينجياڭنىڭ قازىرگى ورنىقتىلىقتى قورعاۋ جاعدايى»، «قوعام قاۋىپسىزدىگى بىلىمدەرى»، «ءدىن ىستەرى ەرەجەسى مەن ۇشقارلىقتى الاستاۋ ەرەجەسى»، «قايتكەندە لاڭكەستىك مازمۇنىنداعى دىبىس-كەسكىندەردىڭ تارالۋىنىڭ الدىن الۋعا بولادى»، «ۇلتتار ىنتىماعى تانىمىن بەكەمدەۋ»، «جاساندى جولمەن تىنىس الدىرىپ، شۇعىل قۇتقارۋ بىلىمدەرى» قاتارلى مازمۇنداردا ساباق ءوتتى.


    اۋداندىق وقۋ-اعارتۋ مەكەمەسى يدەيا-ساياسي قىزمەت ءبولىمىنىڭ مەڭگەرۋشىسى چىن فىڭ: وقىتۋشىلارىمىز قوعام ورنىقتىلىعى مەن ۇلتتار ىنتىماعىن قورعاۋشىلاردان بولۋى، ارناۋلى تاقىرىپتىق لەكسيا قيمىلىن ورىستەتىپ، ۇشقارلىقتى الاستاۋدىڭ ۇگىتشىلەرىنەن بولۋى كەرەك،-دەدى.


    ارناۋلى تاقىرىپتىق تاربيە كۋرىسىنىڭ اشىلۋى وقىتۋشىلاردىڭ ۇرپاق تاربيەلەۋ اسىرەسە يدەيالوگيا سالاسىنداعى بولشەكتەۋشىلككە قارسى تۇرۋ كۇرەسىندەگى جاۋاپكەرشىلىك تانىمىن، قىزمەت ورنى تانىمىن، ساپ تانىمىن كۇشەيتىپ، وقىتۋشىلاردىڭ وقۋ-اعارتۋ ارقىلى وقۋشىلاردىڭ يدەياسىن ايقىنداپ، وكتەم ءۇن قاتىپ، وقۋشىلاردىڭ ءدىنني ۇشقارى يدەيالاردىڭ سىڭۋىنەن ساقتانۋعا بولعان تانىمىن جوعارلاتۋعا بەرىك نەگىز قالادى.


    اۋداندىق تولىق ورتا مەكتەپتىڭ وقىتۋشىسى ۋاڭ نا: بۇدان كەيىن قىزمەت ورنىمىندا قوس جاۋاپكەرشىلىك بورىشىمدى ادا ەتىپ، وتان تۇتاستىعىن، ۇلتتار ىنتىماعىن قورعاۋشىلاردان بولامىن،-دەدى.



كوكتوعاي اۋداندىق راديو-تەلەۆيزيا مەكەمەسىنەن