جۇمىلا كوتەرگەن جۇك جەڭىل
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-09-14 10:36:00


    كەنجەبەك دالەلقان ۇلى مەن مەيرانبەك قالياسقار ۇلى حابارلايدى. بۋرىلتوعاي اۋدانى "ۇلتتار ىنتماعىنىڭ بەرەكەلى شاڭىراعى" قيمىلىن دابىرالى ورىستەتكەننەن بەرى، ءار ۇلت جۇرتشىلعى كىمدە قيىنشىلىق بولسا، جۇمىلا كومەكتەسۋ سىندى تاماشا قوعامدىق ورتا جاراتىپ، ىسجۇزىندىك ارەكەتتەرىمەن ۇلتتار ىنتماعىن بەكەمدەدى.


    ليۋ دىگۇي جەتارال قالاشىعى كوكتەرەك قىستاعىنىڭ تۇرعىنى، ول جاستايىنان قازاق اۋىلداستارىمەن ەتەنە ارالاسىپ، قازاقشانى دا جاتتىق سويلەيتىن، كوپتەگەن قيىنشىلىعى بار تۇرعىندارعا كومەكتەسىپ، ولاردىڭ كوكتەمگى ءوندىرىس بارسىنداعى قارجى قاجەتى مەن قىستاعى جەم – ءشوپ قيىنشىلىعىن شەشىپ، كىم كومەككە ءزارۋ بولسا سونىڭ قاسىنان تابىلدى.


    كوكتەرەك قىستاعىنىڭ تۇرعىنى ليۋ دىگۇي: 40 نەشە جىلدان بەرى ۇلتتىق جولداستارىمەن ءبىر ءۇيلى جاندارداي ەتەنە ارالاسىپ كەتتىم، ولاردى اعا–باۋىر، اپەكە–قارىنداسىمداي كورەمىن، قولىمنان كەلگەنشە كومەگىمدى ايامايمىن،-دەدى.


    ليۋ دىگۇي قسىتاقتاعى از ۇلت تۇرعىندارىن ءوز جاقىنىنا بالايتىن، ال كورشىلەرى دە ونىمەن سيلاستىقتارىن ۇزبەي، تاتۋ–ءتاتتى ءوتىپ كەلەدى. بيىل ليۋ دىگۇيدىڭ 600 مۋ جەرگە ەككەن قىزىلشاسىن ارام ءشوپ باسىپ، ۋاعىندا ءدارى شاشىلماي ابىرجىعان كەزىندە قىستاقتاعى قازاق باۋىرلاستارى جابال كەلىپ كومەكتەسىپ، كوڭىلىن ورنىقتىردى.


    ءتىلشىمىز ليۋ دىگۇيدىڭ قانت قىزىلشاسىن ەككەن اتىزىنان قىستاق تۇرعىندارىنىڭ ارام ءشوپتى تازالاپ، تامشىلاتىپ سۋارۋ جابدىعىن قايتالاي ورناتىپ جاتقانىن كوردى، قىستاق تۇرعىندارىنىڭ وسىنداي ءوزارا كومەكتەسۋى ءار ۇلت تۇرعىندارى اراسىنداعى بەرەكەنى كۇشەيتىپ، سيلاستىقتارىن ارتتىردى، كوپشىلىكتىڭ رياسىز كومەگىنە رازى بولعان ليۋ دىگۇي ءوز كوڭىل كۇيىن بىلاي جەتكىزدى.


    كوكتەرەك قىستاعىنىڭ تۇرعىنى ليۋ دىگۇي: ۇلتتار اراسىنداعى بەرەكەنىڭ ماڭىزدىلعىن سەزىندىم، باسشى كادر، كورشى – قولاڭ دەمەي ءبارى كەلىپ، كومەكتەسىپ جاتىر، قاتتى رازى بولدىم. بۇدان بىلايدا بەرەكە–بىرلىكتى كۇشەيتۋگە قۇلشىنىپ، ىنتماقتاسىپ، ءار ۇلت حالقىنىڭ ىنتماقتى بولۋىنا ۇلەس قوسامىن،-دەدى.