وڭتۇستىك شينجياڭنان كەلگەن جۇمىسكەرلەردىڭ كۇنەستە كاسىپتەنۋ ارمانى جۇزەگە استى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-09-14 10:38:00


    قالينۇر بەلدەنبەك ۇلى حابارلايدى. شىلدەنىڭ 5- كۇنى، كۇنەس اۋدانىنىڭ ەكىنشى توپتاعى قاشقار ايماعىنان كەلگەن 40 جۇمىسشىنى تاربيەلەۋ كۋرسىسى ءساتتى اياقتاپ، پارتيانىڭ ابزال ساياساتىنىڭ ارقاسىندا ولار تىڭ ءومىر جولىنا تۇستى. قاشقاردەن كەلگەن40 جۇمىسشى كۇنەس اۋدانىنداعى شينجياڭ جيڭ كى ەنەرگيا شەكتى سەرىكتىگى جانە ىلە بولات تەمىر شەكتى سەرىكتىگىندە كاسىپتەنىپ، ەگىنشى مالشىدان جۇمىسشىعا اينالدى.


    بۇل جۇمىسشىلار كۇنەس اۋداندىق كاسىپتىك تەحنيكا مەكتەبىندە بەس كۇندىك كۋرىسكە قاتىناستى، كۋرىسىدە قوس ءتىل ساباعى، توڭكەرىستىك ءان ايتۋ، حالىق تۇرمىسىنا تيىمدى ساياسات، ۇلتتار ىنتىماعى ساياساتى، جەرگىلىكتى ورىننىڭ جاعداي تانىستىرۋى، زاڭ- تۇزىم، العىس تاربيەسى سىندى ساباقتاردان ءبىلىم الدى.


    وقۋ بىتىرۋ سالتىندا، كوپشىلىك بىرلىكتە مەملەكەت ءانىن ورىنداپ، ۇلى وتانعا دەگەن شەكسىز العىس سەزىمىن ءبىلدىردى.


    جۇمىسشى ياقۇپ ابدىرەشىت تىلشىگە، ءوزىنىڭ قاشقار ايماعى يڭسار اۋدانىنىڭ تۇرعىنى ەكەنىن، ۇيىندە التى جان بارلىعىن، ءبىر جىلدا ارەڭ 10 مىڭ يۋان كىرىس تاباتىنىن، قازىر كۇنەس اۋدانىنا كەلىپ كاسىپتەنگەننەن كەيىن، ءوزىنىڭ قوس قولىنا سۇيەنىپ، قاجىرلىلىقپەن ەڭبەكتەنىپ، بولاشاقتا جاقسى تۇرمىس كەشىرەتىننىنە سەنىمدى ەكەنىن ايتتى.


    ۇعىسۋعا قاراعاندا، وسى رەت قاشقار ايماعىنان كۇنەس اۋدانىنا ەكىنشى توپتا كەلگەن 40 جۇمىسكەردىڭ اراسىندا 20 جۇمىسشى شينجياڭ جيڭ كى ەنەرگيا شەكتى سەرىكتىگى جۇمىسشىلققا قابىلداعان، قالعان 20 جۇمىسشى ىلە بولات تەمىر شەكتى سەرىكتىگىنە بارىپ كاسىپتەنبەكشى.


    كۇنەس اۋداندىق دامۋ رەفورما كوميتەتىنىڭ ءتارتىپ تەكسەرۋ گرۋپپا باستىعى قالي سەيداقىمەت ۇلى: ورتالىق جانە اۉتونوميالى رايوننىڭ كەدەيلىكتەن قۇتىلدىرىپ قامال الۋ ساياساتىن دايەكتى تياناقتاندىرۋ ءۇشىن، كۇنەس اۋداندىق پارتكوممەن حالىق ۇكىمەتى قاشقار ايماعى يڭسار اۋدانىنان 40 جۇمىسشىنى قابىلداپ، تاربيەلەۋ قىزمەتىن اياقتاتتىق، قازىر جيڭ كى ەنەرگيا شەكتى سەرىكتىگى مەن ىلە بولات تەمىر شەكتى سەرىكتىگى ولاردى جۇمىسكەرلىككە قابىلداۋدا-دەدى.

 

كۇنەس اۋداندىق راديو-تەلەۆيزيا مەكەمەسى