جەلەكتىلەر ادەمى ۇلتتىق كيىم كەشەكتەرىن كيىپ، قويۋ ۇلتتىق ەرەكشەلىكتى ايگىلەپ، جارىستىڭ دۋمانىن اسىردى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-09-14 10:40:00


    گۇلجامال ورازبەك قىزى حابارلايدى. جۋىردا، كۇنەس اۋداندىق قارجى باقىلاۋ مەكەمەسىنەن زەكتى قالاشىعى تەمىرلىك قىستاعىنا تۇسكەن ۇعىسۋ، تيىمدىلىك جاساۋ توعىستىرۋ قىزمەت اترەتى مەن تەمىرلىك قىستاعى قىستاق كوميتەتى بىرلىكتە 2017- جىلعى جەلەكتىلەردىڭ كەستە تىگۋ جارىسى زەكتى قالاشىعى تەمىرلىك قىستاعىنىڭ كەستەشىلىك كوپەراتيۉىندە باستالدى. 30 نەشە جەلەكتى وسى رەتكى جارىستا ماشينا كەستە، قول كەستە، كيىم ءپىشۋ سىندى وز ونەرلەرىن كورسەتتى.


    جارىستا، جەلەكتىلەر ادەمى ۇلتتىق كيىم كەشەكتەرىن كيىپ، قويۋ ۇلتتىق ەرەكشەلىكتى ايگىلەپ، جارىستىڭ دۋمانىن اسىردى. جارىس ماشينا كەستە، قول كەستە، كيىم – كەشەك ءپىشۋ سىندى بولەكتەر بويىنشا ورىستەتىلىپ، وزدەرىنىڭ ەرەكشە كەستەشىلىك ونەرىن ايگىلەدى. قول كەستە جارىسىندا جەلەكتىلەر ينەمەن كوركەم، گۇلدى كەستە بۇيىمدارىن تىگىپ، كوپشىلىككە ءوز ونەرلەرىن تاعى ءبىر ايگىلەدى.


    زەكتى قالاشىعى تەمىرلىك قىستاعىنىڭ تۇرعىنى شامشيگۇل: مەن كەستەشىلىكتى ۇيرەنگەنىمە 20نەشە جىل بولدى، وسى ونەرىمە سۇيەنىپ كوپ كىرىس تاپتىم، باسقا جاستاردىڭ كەستە ونەرىن ۇيرەنۋىنە كومەكتەسىپ، بىرلىكتە كىرىسىمىزدى ارتتىرامىز- دەدى.


    جارىستا جارىسقا قاتىناسۋشىلاردىڭ كەستە بۇيىمدارىن كورۋمەن بىرگە، تاعى كەستەشىلەردىڭ ناق مايدانداعى كەستە تىگۋىنە تالاپ قويىلعان، ولاردىڭ كەستە تىگۋ ونەرى جانە جاتىق دارەجەسى باعالانادى. كوپتەگەن جەلەكتىلەر شەبەر قول ونەرى جانە تەزدىك دارەجەسىمەن مايدانداعى كورەرمەندەر مەن باعالاۋشىلاردى تاڭعالدىردى.


    كۇنەس اۋداندىق قارجى باقىلاۋ مەكەمەسىنەن زەكتى قالاشىعى تەمىرلىك قىستاعىنا تۇسكەن ۇعىسۋ، تيىمدىلىك جاساۋ، توعىستىرۋ قىزمەت اترەتىنىڭ مۇشەسى، كەستە جارىسىنىڭ جاۋاپتىسى جاڭ يۇيلۋ: وسى رەتكى كەستەشىلىك جارىسى ارقىلى، تىپتىدە كوپ بوس وتىرعان جەلەكتىلەردى باۋراپ، كەستەشىلىك كوپەراتيۉىنە قاتىناسىپ، وسى ارادان ونەر ۇيرەنىپ، كىرىستەرىن ارتتىرۋلارىن ۇمىت ەتەمىز- دەدى.

كۇنەس حالىق راديو ىستاسياسى