تەكشە قۇرىپ، قالا تۇرعىندارىنىڭ كاسىپتەنۋىن دەمەدى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-09-14 10:43:00


    نازيرا بەجەڭقان قىزى حابارلايدى. 6- شىلدە كۇنى، بۋىرشىن اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسى دارىندىلاردى قابىلداۋ جيىنىن اشتى. 50 گە جۋىق كاسىپ ىزدەۋشى جيىنعا قاتىناستى. 20 ادام ادام ىستەتۋشى ورىنداردىڭ العاشقى قادامداعى شارتىنا تولىپ، كاسىپتەنۋ ارمانىن جۇزەگە اسىردى.


    بۋىرشىن اۋداندىق بوفىڭ مال- مۇلىك شەكتى سەرىكتىگى، شينجياڭ قوم سۋ ەلەكترى شەكتى سەرىكتىگى قاتارلى 6 كاسپورىن دارىندى قابىلداۋ جيىنىنا قاتىناسىپ، كاسىپ ىزدەۋشىلەردىڭ ەلەكتر دانەكەرلەۋ، سۋ جىلتۋ جۇمىسكەرى، ۇگىتشى سياقتى 96 ورىنمەن قامدادى. ءتىلشى قابىلداۋ جيىنىنان كەيبىر كاسىپ ىزدەۋشىلەردىڭ ناق مايداندا ادام ىستەتۋشى ورىندارمەن كەلىسىم جاساسىپ، توقتامعا قول قويعانىن كوردى.


    كاسىپ ىزدەۋشى باي جياۋجيە: وسى تەكشە وتە جاقسى بولدى. كاسىپسىزدەردى باعىتتامالى تۇردە كاسىپتەندىرۋگە، وقۋشىلاردىڭ كاسىپ تابۋىنا قولايلى بولدى.


    ۇعىسۋعا قاراعاندا، اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسى 2008- جىلدان باستاپ، ءار جىلى دارىندىلار قابىلداۋ جيىنىن اشىپ كەلەدى ءارى ءىس جۇزىندىك جاعدايعا قاراي اسكەري قوسىننان شەگىنگەن اسكەريلەر، داشۇە وقۋشىلارى، مۇگەدەك سياقتى ەرەكشە بۇقاراعا ارناۋلى قابىلداۋ جيىنىن اشىپ، كاسىپورىندار مەن دارىندىلار اراسىندا ءوزارا بايلانىس جاسايتىن تەكشە ورناتتى.


    بۋىرشىن اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسىننىڭ قىزمەتكەرى ەسىمبەك بىلاي دەدى: وسىنداي قابىلداۋ جيىنى ارقىى ءبىز كاسىپ ىزدەۋشىلەرگە جانە كاسىپروىندار ارا بايلانىس ورناتىپ، ناقتىلى بەلسەندى مامىلەگە كەلتىردىك. وسى رەتكى جيىندا اۋدانىمىزدان 6 كاسىپورىن قاتىناسىپ، 96 بوس ورىندىق تولىقتىردى. بۇدان كەيىن وسىنداي جيىنداردى ۇنەمى اشىپ تۇرامىز. كاسىپ ىزدەۋشىلەر مەن كاسىپورىنداردىڭ مەكەمەمىزدىڭ الەۋمەتتىك ءۇنحاتىنا ءمان بەرۋىن ءۇمىت ەتەمىز.

بۋىرشىن اۋداندىق راديو-تەلەۆيزور مەكەمەسى