ساۋان اۋدانىنداعى قىستاققا تۇسكەن كادرلار مالشىلار قايدا بارسا سوندا بارىپ، قىزمەت وتەدى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-09-14 10:48:00

 

    جەڭىسحان اسقار ۇلى، اۋاحان تۇراپ قىزى حابارلايدى. ءتۇرلى امال قاراستىرىپ مالشىلاردى ۇيرەنۋگە جەتەلەپ، پارتيانىڭ حالىققا ءتيىمدى ساياساتتارىن حالىق بۇقاراسىنا جالپى بەتتىك ۇگىتتەپ، ولاردىڭ جۇرەگىنە ۇيلاتىپ، سەنىمىنە يە بولۋعا كەپىلدىك ەتۋ ءۇشىن، ساۋان اۋداندىق دامۋ جانە رەفورمالاۋ كوميتەتىنەن نيۇجۋانزى مال فەرماسى قىزىلشوقى قىستاعىنا تۇسكەن قىزمەت اترەتىندەگى كادرلار قىزمەت ادىسىنە ۇزدىكسىز جاسامپازدىق جاراتتى.


    «قازىر مەملەكەتىمىزدىڭ ءتۇرلى ساياساتتارى ەرەكشە جاقسى. اۆتونوميالى رايونىنىڭ حالىققا ءتيىمدى ساياساتتارى مەن شارالارىن قايتكەندە ەڭ الدىمەن ديقان - مالشىلارعا قالاي جەتكىزەمىز؟ قىستاقتا ءماجىلسى اشۋ ارقىلى نەمەسە كادرلاردىڭ اۋدارۋىنا سۇيەنىپ جەتكىزەمىزبە؟ بۇل جاعىندا قىستاققا تۇسكەن قىزمەت اترەتىندەگى كادرلار مالشىلار قىزىعا قابىلدايتىن جاڭا ءبىر جولدى قاراستىرىپ تاۋىپ شىقتىق»،-دەدى قىزمەت اترەتىنىڭ ءبىر مۇشەسى مادەي ىرىسبەك ۇلى.


    مادەي 90-جىلداردان كەيىن تۋىلعان قازاق ازاماتى. ول وتباسىلارىن ارالاپ احۋال ۇعىسۋ بارىسىندا، قىستاقتاعى جاستاردىڭ كوپ ساندىسى ءۇنحات تەكشەسىنە شىعىپ تۇراتىنىن ۇعادى. سونىمەن ول ءۇنحات تەكشەسىنەن پايدالانىپ،ءۇنحاتتىڭ تىلدىك دىبىس، كەسكىن، سۋرەت جانە جازبا ماتەريالدار ارقىلى پارتيا ساباقحاناسىن اشىپ، مەرزىم بويىنشا حانزۋشا، قازاقشا جازۋ ۇلگىسىندە جانە قىستىرما سۋرەت ارقىلى پارتيانىڭ حالىققا ءتيمدى ساياساتتارىن جاريا ەتىپ، ديقان- مالشىلاردىڭ ۇيرەنۋنە كەپىلدىك ەتىپ، ينفورماتسيانىڭ توسقىندىققا ۇشىراۋ ماسەلەسىن شەشىم ەتتى.


    مادەيدىڭ بۇل ويى قىزمەت اترەتىندەگى كادرلاردىڭ ءبىر اۋىزدان قولداۋىنا يە بولدى. قىستاققا تۇسكەن قىزمەت اترەتىندەگى كادرلار مالشىلاردى ءبىر جەرگە جيناپ شوعىرلى تۇردە كەسكىن، اسپالى سۋرەت كورسەتىپ تاربيەلەپ، وتباسىلارىن ارالاپ احۋال ۇعىسۋدان سىرت، تاعى دا ءۇنحات توبى، دوستىق شەڭبەرىنەن پايدالانىپ، مەرزىم بويىنشا حالىققا تيىمدى ساياساتتاردى، جۇمىس ورىنىنا ادام قابىلداۋ ينفورماتسيالارىن جەتكىزىپ، پارتيانىڭ مەيىرىن ۇگىتتەپ، قىستاقتاعى تۇرعىنداردى، وتاندى ءسۇيىپ، پارتياعا العىس ايتىپ، پارتياعا ىلەسىپ جۇرۋگە تاربيەلەدى. بۇل جاقتاردان تىرسشاڭدىق كورسەتىپ ىستەگەن قىزمەتتەرى قىستاق تۇرعىندارىنىڭ قىزۋ قارسى الۋىنا يە بولدى.


    قىستاق تۇرعىنى قۋانىشپاي قاسەن ۇلى، قازىر ءبىر كومەكشى ساقشى، ول:«قىستاعىمىزدا قوس ءتىلدى قىزمەت اترەتى بولعاندىقتان عانا، ءتۇرلى حالىق تۇرمىسىنا ءتيىمدى ساياساتتار مەن جۇمىس ورنىنا ادام قابىلداۋ ينفورماتسيالارىن ءبىز دەركەزىندە ۇققاندىقتان، مەن بۇگىنگىدەي قىزمەت ورنىنا يە بولا الدىم»،-دەدى.


    قىستاق تۇرعىنى بەكزات جەڭىسپەك ۇلى مەن جۇبايى التىناي قامادىل قىزى دا ءۇنحات تەكشەسى ارقىلى جاريالانعان جۇمىس ورنىنا ادام قابىلداۋ ينفورماتسياسىنان، وزدەرىنىڭ كوڭىلىندەگىدەي جۇمىس ورىنىن تاۋىپ الدى، بەكزات: «پارتيانىڭ جاقسى ساياساتىنا راحىمەت. قىستاققا تۇسكەن قىزمەت اترەتىندەگى كادرلارعا راحىمەت. ءبىز ولاردىڭ ارقاسىندا جۇبايىم ەكەۋىمىز وزىمىزگە ۇيلەسەتىن جۇمىس ورندى تاۋىپ الدىق ءارى جۇبايىم تىككەن قولونەر بۇيىمدارىن توراپ ارقىلى ساتىپ، وتباسىمىزدىڭ كىرىسىن ارتتىردىق»،-دەدى.


    بۇدان سىرت، قىستاققا تۇسكەن قىزمەت اترەتىندەگى كادرلار مالشىلاردىڭ پىتىراندى وتىراقتاسۋ جاعدايىنا قاراي وتىرىپ،«جىلجىمالى قىزمەت اترەتىن» قۇرىپ، مالشىلاردىڭ جايلاۋى باتپاقبۇلاق، دازىمياۋ، قىزىل وزەن قاتارلى ورىندارعا بارىپ، مالشىلار قايدا كوشىپ بارپ قونىستانسا، قىزمەت اترەتىندەگى كادرلار سوندا بارىپ قىزمەت وتەدى.


    سونىمەن قاتار، «جەرلىك فەرما پارتكومى قولداپ – قۋاتتاۋ، قىستاققا جبەرگەن ورىن سۇيەمەلدەۋ، قىزمەت اترەتىندەگى كادرلار يگەرۋ، قىستاق ‹ەكى كوميتەتى› مەڭگەرۋ سىندى»، امالدار ارقىلى ءونىمدى تۇردە ادام، قازىنا، زات قاتارلى بايلىقتاردى رەتكە سالىپ، مال شارۋاشىلىق رايونىندا سەگىز «جىلجىمالى قىزمەت وتەۋ ورنىن» قۇردى. مۇندا مەملەكەت تۋىن شىعارۋ ارقىلى لەكسيا سويلەۋ جانە مالشىلار كەشكى مەكتەبىنەن پايدالانىپ، شوعىرلى تۇردە پارتيا ساباعىن ۇيرەنۋ، زاڭنان كەڭەس بەرۋ، عىلىم-تەحنيكانى جالپىلاستىرۋدى ۇگىتتەۋ، مادەنيەت ويىن-ساۋىق قيمىلدارىنا قىزمەت وتەۋ سىندى، نەگىزگى ساتى پارتيا ۇيىمنىڭ كۇرەسشەڭدىك رۋحى مەن ۇيىستىرۋ قابىلەتىن ۇزدىكسىز شىڭداي ءتۇستى.